ಕುವೆಂಪು ಯುಗದ ಕವಿ, ಜಗದ ಕವಿಯಾಗಿ ರಾಷ್ಟ್ರ ಕವಿಯಾಗಿದ್ದಾರೆ. 1991ರಲ್ಲಿ ಭಾರತ ಸರ್ಕಾರ ಪದ್ಮವಿಭೂಷಣ ನೀಡಿ ಗೌರವಿಸಿದೆ. ಜಯ ಭಾರತ ಜನನಿಯ ತನುಜಾತೆ.. ಜಯ ಹೇ ಕರ್ನಾಟಕ ಮಾತೆ, ಎಲ್ಲಾದರೂ ಇರು ಎಂತಾದರು ಇರು ಎಂದೆಂದಿಗೂ ನೀ ಕನ್ನಡವಾಗಿರು.., ಓ ನನ್ನ ಚೇತನ ಆಗು ನೀ ಅನಿಕೇತನ.. ಇಂತಹ ವಾಕ್ಯಗಳನ್ನು ರಚಿಸುವ ಮೂಲಕ ಜನರಲ್ಲಿ ನಾವೆಲ್ಲ ಭಾರತೀಯರು, ನಾವು ಕನ್ನಡಿಗರು ಯಾವುದೇ ಜಾತಿ ಮತ-ಭೇದವಿಲ್ಲದೆ ಎಲ್ಲರೂ ಒಟ್ಟಿಗೆ ಬಾಳಬೇಕು ಎಂಬ ವಿಶ್ವಮಾನವ ಸಂದೇಶವನ್ನು ಸಾರಿದರು. ಅವರ ಆದರ್ಶಗಳನ್ನ ನಾವೆಲ್ಲ ಒಪ್ಪಿಕೊಂಡು ಅನುಸರಿಸಿ ಆಚರಿಸಿದಾಗ ಮಾತ್ರ ಅವರ ಅವರ ಜಯಂತಿ ಆಚರಣೆಗೆ ಗೌರವ ಸಲ್ಲಿಸಿದಂತಾಗುತ್ತದೆ ಎಂದು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.
