ಮಾಸಿಕ 40 ಕಡತ ಕೆಲಸ ಪೂರೈಸಲು ಸಿಬ್ಬಂದಿಗೆ ಸೂಚನೆ

ನಗರದ ಭೂದಾಖಲೆಗಳ ಸಹಾಯಕ ನಿರ್ದೇಶಕರ ಕಚೇರಿಗೆ ಭೇಟಿ ನೀಡಿ ಪ್ರಗತಿ ಪರಿಶೀಲನೆ ನಡೆಸಿದ ಬಳಿಕ ಮಾತನಾಡಿ, 4 ತಿಂಗಳಿಂದ ಪರವಾನಗಿ ಪಡೆದ ಭೂಮಾಪಕರು ಪ್ರತಿಭಟನೆ ನಡೆಸಿದ್ದರಿಂದ ರೈತರ ಕೆಲಸಗಳು ಬಾಕಿ ಉಳಿದಿದ್ದು, ಸಮಸ್ಯೆಯಾಗಿದೆ. ಆದ ಕಾರಣ ಸಿಬ್ಬಂದಿ ಯಾವುದೇ ಸಬೂಬು ಹೇಳದೆ ಶೀಘ್ರಗತಿಯಲ್ಲಿ ಕೆಲಸ ನಿರ್ವಹಿಸಿ ರೈತರಿಗೆ ಅನುಕೂಲ ಮಾಡಿಕೊಡಿ ಎಂದು ತಿಳಿಸಿದರು.

ಎಲ್ಲ ಭೂಮಾಪಕರು ಮಾಸಿಕವಾಗಿ ಕನಿಷ್ಠ 40 ಕಡತಗಳ ಅಳತೆ ಕೆಲಸ ಪೂರೈಸಿ ಅವಶ್ಯ ದಾಖಲೆ ತಯಾರಿಸಿ ಕಾಲಮಿತಿಯೊಳಗೆ ಕಚೇರಿಗೆ ನೀಡಬೇಕು. 40ಕ್ಕೂ ಹೆಚ್ಚು ಕಡತಗಳ ಅಳತೆ ಕೆಲಸ ನಿರ್ವಹಿಸುವ ಭೂಮಾಪಕರಿಗೆ ಆರ್‌ಜೆಡಿಎಲ್ಆರ್ ಅವರಿಂದ ಪ್ರಶಂಸನೀಯ ಪತ್ರ ಕೊಡಿಸಲಾಗುವುದು ಎಂದು ತಿಳಿಸಿದರು.

ಸರ್ಕಾರದ ಆದೇಶದಂತೆ ಪ್ರತಿಯೊಬ್ಬ ನೌಕರರು ಕರ್ತವ್ಯ ಆ್ಯಪ್‌ನಲ್ಲೇ ಹಾಜರಾತಿ ನಮೂದಿಸಬೇಕು. ಜಮೀನಿಗೆ ಹೋದ ನೌಕರರು ಮಧ್ಯಾಹ್ನನದ ನಂತರ ಕಚೇರಿಗೆ ಹಾಜರಾಗಿ ಕೆಲಸ ನಿರ್ವಹಿಸಿ, ಕರ್ತವ್ಯ ಆ್ಯಪ್‌ನಲ್ಲೇ ಚೆಕ್‌ಔಟ್ ಆಗಬೇಕು. ಆ್ಯಪ್‌ನಲ್ಲಿ ಓಓಡಿ ನಮೂದಿಸಲು ಅವಕಾಶ ಕಲ್ಪಿಸಲಾಗಿದೆ ಎಂದರು.

ಎಡಿಎಲ್ಆರ್ ಮಹೇಶ್, ಎಸ್‌ಎಎಸ್ ಆದಿ, ಎಂ.ವಿ.ನಾಗೇಶ್, ಪರ್ಯಾವೇಕ್ಷಕರಾದ ನಾಗರಾಜು, ಸ್ವಾಮಿ, ಬೀರೇಗೌಡ, ಕೀರ್ತಿಕುಮಾರ್, ಭೂಮಾಪಕರಾದ ರಾಜ್ಯ ಸರ್ಕಾರಿ ನೌಕರರ ಸಂಘದ ಕಾರ್ಯದರ್ಶಿ ಜಯಪ್ಪ, ಮುಳ್ಳಳ್ಳಿ ಪ್ರಕಾಶ್, ಶಂಕರಪ್ಪ, ಕಂಚಿನಕೆರೆ ದೇವರಾಜು, ಶಾಂತಮಲ್ಲಪ್ಪ, ಮಹದೇವಸ್ವಾಮಿ, ಮಹೇಶ್, ದತ್ತಾಂಶ ನಮೂದಕಿ ಬಿಂದು, ರೂಪಾ, ಶುಬ್ರ ಅಂಜುಂ ಇತರರು ಇದ್ದರು.