ಶ್ರೀ ಆಂಜನೇಯಸ್ವಾಮಿ, ಜಮಾಲಮ್ಮ ಜಾತ್ರಾ ಮಹೋತ್ಸವ

ಶನಿವಾರ ಬೆಳಗಿನ ಜಾವ ಆಂಜನೇಯಸ್ವಾಮಿಯ ಮೂರ್ತಿಯನ್ನು ಗ್ರಾಮದ ಪಕ್ಕದ ದೇವಿಕೆರೆಯಲ್ಲಿ ಪ್ರತಿಷ್ಠಾಪನೆ ಮಾಡಿ ಆಂಜನೇಯನ ಭವ್ಯ ಮೂರ್ತಿಯನ್ನು ರತ್ನಪುರಿ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ಮಾಡಲಾಯಿತು. ವಾಡಿಕೆಯಂತೆ ಪಕ್ಕದ ಗ್ರಾಮ ಧರ್ಮಾಪುರ ಗ್ರಾಮಸ್ಥರು ಭಕ್ತಿಭಾವದಿಂದ ನಡೆಸಿಕೊಂಡು ಬರುವ ಕೊಂಡೋತ್ಸವವು ದೇವಾಲಯದ ಆವರಣದಲ್ಲಿ ನಡೆಯಿತು. ಸಾವಿರಾರು ಭಕ್ತರ ಸಮ್ಮುಖದಲ್ಲಿ ಧರ್ಮಾಪುರದ ಆಂಜನೇಯಸ್ವಾಮಿ ದೇವಾಲಯದ ಪೂಜಾರಿ ರುಕ್ಮಾಂಗದ ಸಾವಿರಾರು ಭಕ್ತರ ಉದ್ಘೋಷದ ನಡುವೆ ಕೊಂಡ ಹಾಯ್ದರು. ಗ್ರಾಮದ ಕೃಷ್ಣನಾಯಕರ ಗುಡ್ಡರ ಕುಣಿತದ ತಂಡ ಹಾಗೂ ಧರ್ಮಾಪುರದ ನಾಡ ಯಾಜಮಾನ ರಾಮಚಂದ್ರ, ಮಾಜಿ ನಾಡ ಯಾಜಮಾನ ವಿಶ್ವನಾಥ್, ಧರ್ಮಾಪುರ ಗ್ರಾಪಂ ಅಧ್ಯಕ್ಷ ವಿ.ಮಹದೇವ್, ಮಾಜಿ ಅಧ್ಯಕ್ಷ ಮಲ್ಲೇಶ್, ಸದಸ್ಯ ಮಹೇಶ್, ಗ್ರಾಮದ ಯಜಮಾನ ಜವರನಾಯಕ ಇದ್ದರು.

ಭಕ್ತಾಧಿಗಳಿಗೆ ಅನ್ನದಾಸೋಹ: ರತ್ನಪುರಿಯ ಶ್ರೀ ಆಂಜನೇಯಸ್ವಾಮಿ ಮುಂಭಾಗ ಭಕ್ತಾದಿಗಳಿಗೆ ಪ್ರತಿ ವರ್ಷದಂತೆ ರೈಸ್ ಮಿಲ್ ಕರುಣಾ, ಬಾರ್ ಹರೀಶ್, ಉದ್ಯಮಿ ಕೃಷ್ಣ,, ನಾಗೇಂದ್ರ, ಪ್ರಸನ್ನ, ತಂಡ ಈ ವರ್ಷವೂ ಕೂಡ ಅನ್ನದಾಸೋಹ ಏರ್ಪಡಿಸಿದ್ದರು. ಸಾವಿರಾರು ಭಕ್ತಾದಿಗಳು ಆಂಜನೇಯಸ್ವಾಮಿ ಪ್ರಸಾದ ಸ್ವೀಕರಿಸಿದ್ದರು. ರಾಜ್ಯ ಮಟ್ಟದ ಕಬ್ಬಡಿ ಪಂದ್ಯಾವಳಿಗೆ ಕೆ.ಎಂ.ಎಫ್ ನಿರ್ದೇಶಕ ಕೆ.ಎಸ್.ಕುಮಾರ್ ಚಾಲನೆ ನೀಡಿದರು. ಆಂಜನೇಯಸ್ವಾಮಿ ಜಾತ್ರೆ ಕಮಿಟಿ ಅಧ್ಯಕ್ಷ ಪ್ರಭಾಕರ್, ರಾಜ್ಯ ಮಟ್ಟದ ಕಬಡ್ಡಿ ಆಟಗಾರ ರತ್ನಪುರಿ ಪ್ರಸನ್ನ, ಜಿ.ಪಂ.ಮಾ.ಸದಸ್ಯ ಸುರೇಂದ್ರ, ಸತೀಶ್ ಪಾಪಣ, ಗಣ್ಯರು ಇದ್ದರು, ರಾಜ್ಯ ವ್ಯಾಪ್ತಿಯ 18 ಕ್ಕೂ ಹೆಚ್ಚು ತಂಡ ಭಾಗವಹಿಸಿವೆ.

ಕೊಂಡೋತ್ಸವದಲ್ಲಿ ಜಾತ್ರೆ ಸಮಿತಿ ಅದ್ಯಕ್ಷ ಆರ್.ಪ್ರಭಾಕರ್, ಕಾರ್ಯದರ್ಶಿ ರಾಜು, ಗ್ರಾ.ಪಂ.ಮಾ.ಅದ್ಯಕ್ಷ ನಂದೀಶ್, ಸದಸ್ಯ ಮೋಹನ್, ವಿಜೇಂದ್ರಕುಮಾರ್ , ನಂಜಾಪುರ ಮನುಕುಮಾರ್, ರಾಮಬೋವಿ, ಮುಖಂಡರಾದ ಸತೀಶ್ ಪಾಪಣ್ಣ, ಪ್ರಸನ್ನ, ಅರವಿಂದ, ದೀಪು( ಸುದರ್ಶನ ಸಿಂಗ್) ದಯಾನಂದ್, ತರಿಕಲ್ಲು ನಾಗರಾಜ್ ಇದ್ದರು.