ಧರ್ಮಗುರು ಯಾಜಕ ದೀಕ್ಷೆ ಬೆಳ್ಳಿ ಮಹೋತ್ಸವ

ಕೂಡ್ಲೂರು ಗ್ರಾಮದ ಅಮಲೋದ್ಭವ ಮಾತೆಯ ದೇವಾಲಯದಲ್ಲಿ ಮೈಸೂರು ಧರ್ಮಾಧ್ಯಕ್ಷ ಡಾ.ಎಸ್.ಜೆ.ಫ್ರಾನ್ಸಿಸ್ ಸೆರಾವೋ ಆಶೀರ್ವಚನ ನೀಡಿದರು. ಸಮಾರಂಭದ ಬಳಿಕ ನಿವಾಸಕ್ಕೆ ಮಾಜಿ ಶಾಸಕ ಎಚ್.ಪಿ.ಮಂಜುನಾಥ್ ಭೇಟಿ ನೀಡಿ ಧರ್ಮಗುರು ಎ.ಜೋಸೆಫ್ ಮರಿ ಅವರನ್ನು ಸನ್ಮಾನಿಸಿ, ಶುಭ ಕೋರಿದರು.

ಬಳಿಕ ಮಾತನಾಡಿ, ಧರ್ಮಸಭೆಯ ಸೇವೆಯಲ್ಲಿ ನಿಷ್ಠೆಯಿಂದ ಮತ್ತು ಭಕ್ತಿಯಿಂದ ಪಾಲನಾ ಸೇವೆ ನಿರ್ವಹಿಸುತ್ತ ಹಾಗೂ ಯೇಸು ಕ್ರಿಸ್ತರ ಕೃಪೆಯನ್ನು ಅನುಭವಿಸುತ್ತ ಬಂದಿದ್ದಾರೆ ಎಂದು ಹೇಳಿದರು.

ಗ್ರಾಮದ ಮುಖಂಡರಾದ ಕುಮಾರ್, ಸಂತೋಷ್, ರಾಯಪ್ಪ, ಅಂತಪ್ಪ, ಅಂಜಲಿ, ಹೃದಯರಾಜ್, ಜಿಲ್ಲಾ ಜಾಗೃತ ಹಾಗೂ ಉಸ್ತುವಾರಿ ಸಮಿತಿ ಸದಸ್ಯ ನೇರಳಕುಪ್ಪೆ ಮಹದೇವ್ ಇತರರು ಇದ್ದರು.