ಕಿಡ್ನಿ ಆರೋಗ್ಯ ಕುರಿತು ಜಾಗೃತಿ ಮೂಡಿಸಿ

ಅರಮನೆ ಕೋಟೆ ಆಂಜನೇಯ ಸ್ವಾಮಿ ದೇವಸ್ಥಾನದ ಆವರಣದಲ್ಲಿ ಅಂತಾರಾಷ್ಟ್ರೀಯ ಕಿಡ್ನಿ ದಿನದ ಅಂಗವಾಗಿ ಮೈಸೂರು ಆರ್ಗನೈಜೇಷನ್ ಆಫ್ ಜೈನೈಟೋ ಯೂರಿನರಿ ಸರ್ಜನ್ಸ್ ಸಂಘದಿಂದ ಗುರುವಾರ ಹಮ್ಮಿಕೊಂಡಿದ್ದ ವಾಕಥಾನ್ ಮತ್ತು ಸೈಕಲ್ ಜಾಥಾಗೆ ಚಾಲನೆ ನೀಡಿ ಮಾತನಾಡಿದರು. ಮನುಷ್ಯನಿಗೆ ಆರೋಗ್ಯವೇ ಭಾಗ್ಯ. ಪ್ರತಿಯೊಬ್ಬರು ಆರೋಗ್ಯ ಕಡೆಗಣಿಸದೆ ಪ್ರತಿ ವರ್ಷ ಆರೋಗ್ಯ ತಪಾಸಣೆ ಮಾಡಿಸಿಕೊಂಡರೆ ಕ್ಯಾನ್ಸರ್, ಕಿಡ್ನಿ, ಹೃದಯ ಸೇರಿದಂತೆ ಯಾವುದೇ ಸಮಸ್ಯೆ ಇದ್ದರೂ ಪತ್ತೆ ಹಚ್ಚಲು ಸಹಾಯವಾಗುತ್ತದೆ. ಬೇಗ ಚಿಕಿತ್ಸೆ ನೀಡಲು ಅನುಕೂಲವಾಗುತ್ತದೆ. ಇದರಿಂದ ಜನರು ಜಾಗೃತರಾಗಿ ಆರೋಗ್ಯವಂತರಾಗಿರಲು ಅನುಕೂಲವಾಗುತ್ತದೆ ಎಂದರು.

ಸೇಂಟ್ ಜೋಸೆಫ್ ಆಸ್ಪತ್ರೆಯ ವೈದ್ಯಕೀಯ ಅಧೀಕ್ಷಕ ಡಾ.ಎಕ್ಸ್.ಎ.ಡಿಸೋಜ ಮಾತನಾಡಿ, ಕಿಡ್ನಿ ಒಮ್ಮೆ ಹಾನಿಗೊಳಗಾದರೆ ಜೀವನಪರ್ಯಂತ ತೊಂದರೆಯಾಗುತ್ತದೆ. ವೈದ್ಯರ ಸಲಹೆ ಇಲ್ಲದೆ ನೋವಿನ ಮಾತ್ರೆಗಳನ್ನು ತೆಗೆದುಕೊಳ್ಳಬೇಡಿ. ಸಕ್ಕರೆ ಕಾಯಿಲೆ, ರಕ್ತದೊತ್ತಡ ನಿಯಂತ್ರಣದಲ್ಲಿ ಇಟ್ಟುಕೊಂಡರೆ ಕಿಡ್ನಿಯನ್ನು ಕಾಪಾಡಿಕೊಳ್ಳಬಹುದು ಎಂದರು.

ಅಪೊಲೋ ಆಸ್ಪತ್ರೆಯ ಹಿರಿಯ ನೆಪ್ರೋಲಾಜಿಸ್ಟ್ ಡಾ.ಶ್ರೀನಿವಾಸ್ ನಲ್ಲೂರ್ ಮಾತನಾಡಿ, ಸಾರ್ವಜನಿಕರು ಪ್ರತಿ ವರ್ಷ ಬಿ.ಪಿ., ಕ್ರಿಯಾಟಿನ್ ಟೆಸ್ಟ್, ಯೂರಿನ್ ಟೆಸ್ಟ್‌ಗಳನ್ನು ಮಾಡಿಸಿಕೊಂಡರೆ ಬಹುತೇಕ ಕಿಡ್ನಿ ತೊಂದರೆ ಇದೆಯೋ ಇಲ್ಲವೋ ಎಂದು ತಿಳಿದುಕೊಳ್ಳಬಹುದು. ಕಿಡ್ನಿ ತೊಂದರೆ ವೈಫಲ್ಯದಿಂದ ಕೊನೆ ಹಂತಕ್ಕೆ ಹೋದಾಗ ಡಯಾಲಿಸಿಸ್‌ಗೆ ಹೋಗುತ್ತೇವೆ. ಕಿಡ್ನಿ ತೊಂದರೆಗೆ ಬಹುತೇಕ ಉತ್ತಮ ಚಿಕಿತ್ಸೆಗಳು ಬರುತ್ತಿವೆ ಎಂದರು.

ವೈದ್ಯ ಡಾ.ಪ್ರಕಾಶ್ ಪ್ರಭು ಮಾತನಾಡಿದರು. ಸಂಘದ ಅಧ್ಯಕ್ಷ ಡಾ.ಜೆ.ಬಿ. ನರೇಂದ್ರ, ಕಾರ್ಯದರ್ಶಿ ಡಾ.ಪ್ರಸಾದ್, ಹಿರಿಯ ವೈದ್ಯರಾದ ಡಾ.ಕೆ.ಎಂ.ಮಾದಪ್ಪ, ಡಾ.ದಿನೇಶ್, ಡಾ.ಅಮೃತ್‌ರಾಜ್, ಜಿ.ಗೌಡ, ಡಾ.ಕುಮಾರ್ ರಾಜ್ ಅರಸ್, ಡಾ.ಎಚ್.ಎಸ್.ಪ್ರಕಾಶ್, ಡಾ.ಶಶಿಕಿರಣ್, ಸದಸ್ಯರಾದ ಡಾ.ಅಭಿಜಿತ್, ಡಾ.ಸುಹಾಸ್, ಖಜಾಂಚಿ ಡಾ.ಕೆ.ಉಮೇಶ್ ಇದ್ದರು.