ಸಿಎಂ ಸಿದ್ದರಾಮಯ್ಯ ತವರಿನಲ್ಲಿ ಸರ್ಕಾರಿ ಶಾಲೆ ಮುಚ್ಚುವ ಯತ್ನ : ಐಡಿಎಸ್‌ಒ ಪ್ರತಿಭಟನೆ

ಎಐಡಿಎಸ್‌ಒ ಜಿಲ್ಲಾ ಉಪಾಧ್ಯಕ್ಷೆ ಸ್ವಾತಿ ಮಾತನಾಡಿ, 65 ಮಕ್ಕಳ ದಾಖಲಾತಿ ಹೊಂದಿರುವ ಮೂಡಹಳ್ಳಿ ಶಾಲೆಯನ್ನು ಮುಚ್ಚುತ್ತಿರುವ ಸರ್ಕಾರವು ಗ್ರಾಮದ ಬಡ ರೈತ, ಕಾರ್ಮಿಕರ ಮಕ್ಕಳಿಗೆ ಅನ್ಯಾಯ ಮಾಡುತ್ತಿದೆ. ಹದಿನಾರುಮೊಳೆ, ಮೂಡಹಳ್ಳಿ, ಮಲ್ಲರಾಜನಹುಂಡಿ, ಮಾದಯ್ಯನಹುಂಡಿ, ಆಲತ್ತೂರು ಗ್ರಾಮಗಳ ಸರ್ಕಾರಿ ಶಾಲೆಗಳನ್ನು ಮುಚ್ಚಿ ಹದಿನಾರು ಕೆಪಿಎಸ್ ಶಾಲೆಯೊಂದಿಗೆ ವಿಲೀನಗೊಳಿಸುವ ಪ್ರಯತ್ನ ಖಂಡನೀಯ ಎಂದರು.

ಗ್ರಾಮಸ್ಥ ಶೇಖರ್ ಮಾತನಾಡಿ, ದುಡ್ಡು ಇರುವವರು ಖಾಸಗಿ ಶಾಲೆಗೆ ಹೋಗುತ್ತಾರೆ. ಬಡ ಮಕ್ಕಳ ಆಸರೆ ಸರ್ಕಾರಿ ಶಾಲೆ, ಈ ಶಾಲೆ ಮುಚ್ಚಿದರೆ ಗ್ರಾಮದ ಮಕ್ಕಳು ಎಲ್ಲಿಗೆ ಹೋಗಬೇಕು? ನಮ್ಮ ಊರಿನ ಅಸ್ತಿತ್ವ ಇರುವುದು ನಮ್ಮೂರಿನ ಸರ್ಕಾರಿ ಶಾಲೆಯಲ್ಲಿ. ಅದನ್ನು ಯಾವುದೇ ಕಾರಣಕ್ಕೂ ಮುಚ್ಚಬೇಡಿ ಎಂದು ಆಗ್ರಹಿಸಿದರು.

ಪ್ರತಿಭಟನೆಯಲ್ಲಿ ಎಐಡಿಎಸ್‌ಒ ಪದಾಧಿಕರಿಗಳಾದ ಚಂದ್ರಿಕಾ ,ಅಭಿಷೇಕ್, ದಿಶಾ, ಗ್ರಾಮಸ್ಥರಾದ ಗೌರಮ್ಮ, ಜಯರಾಮ, ಸುಬ್ರಮಣ್ಯ, ಮನು, ಪ್ರಜ್ವಲ್, ಗೌತಮ್ ಹಾಗೂ ಇತರರು ಪಾಲ್ಗೊಂಡಿದ್ದರು.