ಗಾಂಜಾ ನಶೆಯಲ್ಲಿ ದುರ್ವರ್ತನೆ

ಮೈಸೂರಿನ ದತ್ತನಗರದ ಮಂಜುನಾಥ (50) ಗಾಂಜಾ ಸೇವಿಸಿ ಸಾರ್ವಜನಿಕ ಸ್ಥಳದಲ್ಲಿ ದುರ್ವರ್ತನೆಯಿಂದ ನಡೆದುಕೊಂಡವ. ಮೈಸೂರು ಅರಮನೆ ವರಹಾ ದ್ವಾರದ ಬಳಿ ಬುಧವಾರ ಈತ ಗಾಂಜಾ ನಶೆಯಲ್ಲಿ ಸಾರ್ವಜನಿಕರಿಗೆ ತೊಂದರೆ ಕೊಡುತ್ತಿದ್ದಾಗ ಪೊಲೀಸರ ಕೈಗೆ ಸಿಕ್ಕಿಬಿದ್ದಾನೆ.

ಈತನನ್ನು ಪೊಲೀಸರು ವೈದ್ಯಕೀಯ ಪರೀಕ್ಷೆಗೆ ಒಳಪಡಿಸಿದಾಗ ಬೀಡಿಯಲ್ಲಿ ಹಾಕಿಕೊಂಡು ಗಾಂಜಾ ಸೇವನೆ ಮಾಡಿರುವುದು ದೃಢಪಟ್ಟಿದೆ. ಪ್ರಕರಣ ದಾಖಲಿಸಿರುವ ಪೊಲೀಸರು, ಈತನಿಗೆ ಗಾಂಜಾ ದೊರೆತ ಬಗ್ಗೆ ತನಿಖೆ ಆರಂಭಿಸಿದ್ದಾರೆ.