ನಾಮಫಲಕದಲ್ಲಿ ಕನ್ನಡ ಕಡ್ಡಾಯವಾಗಿ ಬಳಸಿ

ಕೊಡಗು ಕಾವಲು ಪಡೆ ಜಿಲ್ಲಾಧ್ಯಕ್ಷ ಎಂ.ಕೃಷ್ಣ ಅವರು ಕನ್ನಡ ನಾಮಫಲಕ ಅಳವಡಿಕೆಗೆ ಆಗ್ರಹಿಸಿ ಪಿರಿಯಾಪಟ್ಟಣ ತಾಲೂಕಿನ ಟಿಡಿಎಲ್ ಕ್ಯಾಂಪ್ ನ್ಯೂ ಸಪ್ಲಿಮೆಂಟ್ ಕಚೇರಿ ಆವರಣದಲ್ಲಿ ಟಿಡಿಎಲ್ ನ್ಯೂ ಸೆಟಲ್ಮೆಂಟ್ ವ್ಯವಸ್ಥಾಪಕ ಲುಕ್ಸುಮ್ ಅವರಿಗೆ ಮನವಿ ಪತ್ರ ನೀಡಿದರು. ಮನವಿ ಪತ್ರ ಸ್ವೀಕರಿಸಿದ ಅಧಿಕಾರಿಗಳು ಈ ಬಗ್ಗೆ ಕ್ರಮ ತೆಗೆದುಕೊಳ್ಳುವುದಾಗಿ ತಿಳಿಸಿದರು.

ಕುಶಾಲನಗರದ ಕಾವಲು ಪಡೆ ಘಟಕದ ಅಧ್ಯಕ್ಷ ಸಮೀರ್, ಕುಶಾಲನಗರದ ತಾಲೂಕು ಮಹಿಳಾ ಘಟಕದ ಅಧ್ಯಕ್ಷೆ ಇಂದಿರಾ, ಬೈಲುಕುಪ್ಪೆ ಗ್ರಾಮದ ಕಾವಲು ಪಡೆ ಸದಸ್ಯ ರಘು ಇತರರು ಇದ್ದರು.