ಹಾಲು ಉತ್ಪಾದನೆಯಲ್ಲಿ ನಂಜನಗೂಡು ಪ್ರಥಮ ಸ್ಥಾನ ಪಡೆಯಲಿ

ನಗರದ ಜಾನುವಾರು ಮಾರುಕಟ್ಟೆಯಲ್ಲಿ ಶನಿವಾರ ಸಂಜೆ ಗರಳ ಪುರಿ ಉತ್ಸವ ಹಿನ್ನೆಲೆಯಲ್ಲಿ ಹಾಲು ಕರೆಯುವ ಸ್ಪರ್ಧೆಯನ್ನು ಉದ್ಘಾಟಿಸಿ ಮಾತನಾಡಿ, ದೊಡ್ಡ ಜಾತ್ರೆ ಅಂಗವಾಗಿ ಮೈಸೂರು ಹಾಲು ಒಕ್ಕೂಟ ಹಾಗೂ ತಾಲೂಕು ಕಾರ್ಯದರ್ಶಿಗಳ ಸಹಕಾರದೊಂದಿಗೆ ಹಾಲು ಕರೆಯುವ ಸ್ಪರ್ಧೆಯನ್ನು ವ್ಯವಸ್ಥಿತವಾಗಿ ಆಯೋಜನೆ ಮಾಡಿದ್ದಾರೆ. ಹಾಲು ಕರೆಯುವುದು ಸುಲಭದ ಕೆಲಸವಲ್ಲ ಎಂಬುದನ್ನು ಉದ್ಘಾಟನಾ ಕಾರ್ಯಕ್ರಮದಲ್ಲಿ ತಿಳಿದುಕೊಂಡೆ. ನಾನು ಚಿಕ್ಕವನಾಗಿದ್ದಾಗ ಒಮ್ಮೆ ಹಾಲು ಕರೆದಿದ್ದನ್ನು ಬಿಟ್ಟರೆ ಇದು ಎರಡನೇ ಬಾರಿ ಎಂದು ಬಾಲ್ಯದ ದಿನವನ್ನು ನೆನಪಿಸಿಕೊಂಡರು.

ಈ ಕಾರ್ಯಕ್ರಮದಲ್ಲಿ ಹಾಲು ಉತ್ಪಾದಕರು ರಾಸುಗಳನ್ನು ಕರೆದುಕೊಂಡು ಬಂದು ಹಾಲನ್ನು ಕರೆದಿದ್ದಾರೆ. ಮಾ. 29ರಂದು ನಡೆಯುವ ಸಮಾರೋಪ ಸಮಾರಂಭದಲ್ಲಿ ಸ್ಪರ್ಧೆಗಳಲ್ಲಿ ಭಾಗವಹಿಸಿರುವ ವಿಜೇತರಿಗೆ ಮೂರು ಬಹುಮಾನಗಳನ್ನು ವಿತರಿಸಲಾಗುತ್ತಿದೆ ಎಂದರು.

ಮೈಮುಲ್ ಅಧ್ಯಕ್ಷ ಈರೇಗೌಡ ಮಾತನಾಡಿ, ತಾಲೂಕಿನಲ್ಲಿ 170 ಸಂಘಗಳು ಹಾಗೂ 32 ಬಿಎಂಸಿಗಳು ಸ್ಥಾಪನೆಯಾಗಿವೆ. ತಾಲೂಕಿನಲ್ಲಿ ಒಂದು ಲಕ್ಷ ಲೀಟರ್ ಹಾಲು ಪ್ರತಿದಿನ ರೈತರಿಂದ ಸಂಗ್ರಹಣೆ ಮಾಡುತ್ತಿದ್ದೇವೆ. ಕರ್ನಾಟಕದ ಎಲ್ಲ ಒಕ್ಕೂಟಗಳಿಗಿಂತ ಮೈಸೂರು ಹಾಲು ಒಕ್ಕೂಟದಲ್ಲಿ ಉತ್ಪಾದಕರಿಗೆ ಹೆಚ್ಚಿನ ದರವನ್ನು ನೀಡುವ ಜತೆಗೆ ಹಲವು ಸೌಲಭ್ಯಗಳನ್ನು ಒದಗಿಸಲಾಗುತ್ತಿದೆ ಎಂದರು.

ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯ ಹಾಗೂ ಮೈಸೂರು ಒಕ್ಕೂಟದ ಸದಸ್ಯ ಬಿ.ಎನ್ ಸದಾನಂದ ಮಾತನಾಡಿ, ಗರಳಪುರಿ ಎಂಬುದು ನಂಜನಗೂಡಿಗೆ ಹಳೆಯ ಹೆಸರಾಗಿತ್ತು. ಹಳೆಯ ಹೆಸರನ್ನು ಗರಳಪುರಿ ಉತ್ಸವದ ಮೂಲಕ ಮುಂಚೂಣಿಗೆ ತರಲಾಗಿದೆ ಎಂದರು.

ಹಾಲು ಕರೆಯುವ ಸ್ಪರ್ಧೆಯಲ್ಲಿ ಭಾಗವಹಿಸಿದ ಎಲ್ಲ ಹಾಲು ಉತ್ಪಾದಕರಿಗೂ ಬಹುಮಾನಗಳು ಹಾಗೂ ಪ್ರಶಸ್ತಿ ಪತ್ರವನ್ನು ಜಯಮಾಲಾ ಬೀರೇಗೌಡ ಹಾಗೂ ಮೈಸೂರು ಹಾಲು ಒಕ್ಕೂಟದಿಂದ ವಿತರಿಸಲಾಯಿತು.

ಮಾಜಿ ಶಾಸಕ ಕಳಲೆ ಕೇಶವಮೂರ್ತಿ, ಸಿ.ಎಂ. ಶಂಕರ್, ಟಿಎಪಿಸಿಎಂಎಸ್ ಅಧ್ಯಕ್ಷ ಕುರಹಟ್ಟಿ ಮಹೇಶ್, ಓಂಪ್ರಕಾಶ್, ಉಮಾಶಂಕರ್, ಲೀಲಾ ನಾಗರಾಜು, ನೀಲಾಂಬಿಕೆ ಮಹೇಶ್, ಮುದ್ದು ಮಾದಶೆಟ್ಟಿ , ಲತಾ ಸಿದ್ದಶೆಟ್ಟಿ ಪಶು ವೈದ್ಯಾಧಿಕಾರಿ ಮೋಹನ್ ಹಾಲು ಒಕ್ಕೂಟದ ಜಿಎಂ ಕರಿಬಸವರಾಜು ಹಾಲು ಒಕ್ಕೂಟದ ಅಕ್ಷಯ್‌ಕುಮಾರ್, ಜಯಮಾಲ, ಸಂಘದ ಅಧ್ಯಕ್ಷ ಎಸ್.ಮಹೇಶ್ ಹದಿನಾರು ವಿರೂಪಾಕ್ಷ, ಹೆಗ್ಗಡಹಳ್ಳಿ ಜಯಶೀಲ, ಮುದ್ದಹಳ್ಳಿ ನಂದೀಶ್, ಅಂಬಳೆ ರವಿಕುಮಾರ್, ಚಂದ್ರವಾಡಿ ವಿಜಯಕುಮಾರ್, ಮರಹಳ್ಳಿ ಮಹೇಶ್, ಕತ್ತವಾಡಿಪುರ ಶಿವಸ್ವಾಮಿ ಇದ್ದರು.