ಮೈಸೂರು ಸಿಲ್ಕ್​ ಸೀರೆಯುಟ್ಟು ಪ್ಯಾರಿಸ್‌ನ Eiffel Tower ಮುಂದೆ ನಾರಿಯರ ರ‍್ಯಾಂಪ್ ವಾಕ್​; 'ಸೋ ಇನೋಸೆಂಟ್' ಎಂದ ನೆಟ್ಟಿಗರು

ಹೌದು, ಪ್ಯೂರ್​ ಮೈಸೂರ್​ ಸಿಲ್ಕ್ ಬೈ ಧ್ವನಿ ಸಿಲ್ಕ್ಸ್​ ಎನ್ನುವ ಖಾತೆಯಿಂದ ಮಹಿಳೆಯರು ಸೀರೆಯುಟ್ಟು ಹೆಜ್ಜೆ ಹಾಕಿರುವ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಭಾರತದಿಂದ ಪ್ಯಾರಿಸ್​ವರೆಗೂ ಸೀರೆಯ ಮ್ಯಾಜಿಕ್​ ಎಲ್ಲ ಕಡೆಯೂ ಪಸರಿಸಿದೆ ಎಂದು ಶೀರ್ಷಿಕೆ ಕೊಟ್ಟು ಅಪರೂಪದ ವಿಡಿಯೋ ಹಂಚಿಕೊಂಡಿದ್ದಾರೆ.

ನಲವತ್ತರಿಂದ ಹಿಡಿದು ಐವತ್ತು ವರ್ಷ ಮೇಲ್ಪಟ್ಟ ಮಹಿಳೆಯರು ವಿಶ್ವಪ್ರಸಿದ್ಧ ಗೋಪುರವಾದ ಪ್ಯಾರಿಸ್​ನ ಐಫೆಲ್​ ಟವರ್​​ ಮುಂದೆ ಒಬ್ಬೊಬ್ಬರಾಗಿ ಸೀರೆಯ ಸೆರಗಿನ ಅಂಚನ್ನು ಹಿಡಿದು ರ‍್ಯಾಂಪ್ ವಾಕ್​ ಮಾಡಿದ್ದಾರೆ. ಒಬ್ಬೊಬ್ಬರದ್ದು ವಿಶಿಷ್ಟ ಶೈಲಿಯ ಸಿಲ್ಕ್​ ಸೀರೆಯಾಗಿದೆ. ನಾರಿಯರು ಯಾವುದೇ ಆತಂಕ ಭಯವಿಲ್ಲದೆ, ನಗುಮುಖದಲ್ಲಿ ಕ್ಯಾಮೇರಾ ಮುಂದೆ ಪೋಸ್ ಕೊಟ್ಟಿದ್ದಾರೆ. ಆ ಮೂಲಕ ಅವರು ವಿದೇಶದಲ್ಲಿ ಭಾರತೀಯ ಸಂಸ್ಕೃತಿಯನ್ನು ಅನಾವರಣಗೊಳಿಸಿದ್ದಾರೆ.

ಇದು ಕೇವಲ ರ‍್ಯಾಂಪ್ ವಾಕ್ ಅಲ್ಲ ವಿದೇಶ ಮಟ್ಟದಲ್ಲಿ ನಮ್ಮ ದೇಶದ ಸಂಪ್ರದಾಯ, ಸಾಂಸ್ಕೃತಿಯನ್ನು ಅನಾವರಣಗೊಳಿಸಿರುವುದು. ನಿಜಕ್ಕೂ ಅದ್ಭುತ ಎಂದು ಕೊಂಡಾಡಿದ್ದಾರೆ. ಸೀರೆ ವಿಶ್ವದ ಅತ್ಯುನ್ನತ ಅದ್ಭುತ ಉಡುಪು ಎನ್ನುವುದನ್ನು ಈ ನಾರಿಯರು ಸಾಬೀತು ಪಡಿಸಿದ್ದಾರೆ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ​.

ಇನ್ನು ಕೆಲವರು ಹೇಳಿದ್ದು ಹೀಗೆ, ಮೊದಲೇ ಯುರೋಪಿಯನ್ನರು ಭಾರತೀಯರು ಹೆಚ್ಚು ಮಾತನಾಡುತ್ತಾರೆ ಎಂದು ದೂರುತ್ತಾರೆ. ಇಂತಹ ಸಮಯದಲ್ಲಿ ಅಲ್ಲಿ ನಾವು ಗಲಾಟೆ ಮಾಡಿ ಮತ್ತೊಬ್ಬರಿಗೆ ಸಮಸ್ಯೆಯಾಗುವಂತೆ ನಡೆದುಕೊಳ್ಳಬಾರದು ಎಂದಿದ್ದಾರೆ.