ಶ್ರೀ ಮಾಸ್ತಮ್ಮ ದೇವಾಲಯ ಉದ್ಘಾಟನೆ

ಫೆ.5 ರಂದು ಸಂಜೆ ಗೋಧೂಳಿ ಸಮಯದಲ್ಲಿ ಮಂಗಳವಾದ್ಯದೊಂದಿಗೆ ಆಲಯ ಪ್ರವೇಶ ನಡೆಯಲಿದ್ದು, ಲಲಿತಸಹಸ್ರನಾಮ ಪಾರಾಯಣ, ವೇದ ಪಾರಾಯಣ, ಹಾರಾಧನೆ, ರುದ್ರಹೋಮ, ದುರ್ಗಾಪೂಜೆ, ಗಾಯತ್ರಿಹೋಮ, ಲಕ್ಷ್ಮೀಹೋಮ, ಪಂಚಗವ್ಯ ಪ್ರತಿಷ್ಠಾಪನೆ ಸೇರಿದಂತೆ ವಿವಿಧ ಧಾರ್ಮಿಕ ವಿಧಿವಿಧಾನಗಳು ನಡೆಯಲಿವೆ. ಬಳಿಕ ಮಂಗಳಾರತಿ, ತೀರ್ಥ-ಪ್ರಸಾದ ವಿನಿಯೋಗ ನಡೆಯಲಿದ್ದು, ರಾತ್ರಿ 8 ಗಂಟೆಗೆ ಅನ್ನಸಂತರ್ಪಣೆ ಏರ್ಪಡಿಸಲಾಗಿದೆ.

ಫೆ.6 ರಂದು ಮುಂಜಾನೆ ಬ್ರಾಹ್ಮಿ ಮುಹೂರ್ತದಲ್ಲಿ ಹಿಂಡೋ ಪೂಜೆ, ದೇವರ ಅಷ್ಠಬಂಧ ಪ್ರತಿಷ್ಠೆ, ಕಳಸಾರಾಧನೆ, ಸಪ್ತಮಾತೃಕೆ ಹೋಮ, ಶಾಂತಿ ಹೋಮ, ಕುಂಭಾಭಿಷೇಕ, ಪಂಚಾಮೃತ ಅಭಿಷೇಕ, ಪುಷ್ಪಾಲಂಕಾರ, ಗೋದರ್ಶನ, ದರ್ಪಣ ದರ್ಶನ, ರಾಗ-ತಾಳ ಸೇವೆ, ಸಂಗೀತ ಸೇವೆ, ಮಹಾ ನೈವೇದ್ಯ ಹಾಗೂ ರಾಷ್ಟ್ರಾಶೀರ್ವಾದ ಮಂಗಳಾರತಿ ನಡೆಯಲಿದೆ.

ಬೆಳಿಗ್ಗೆ 10.30ಕ್ಕೆ ಧಾರ್ಮಿಕ ಸಭಾ ಕಾರ್ಯಕ್ರಮ ನಡೆಯಲಿದ್ದು, ಶ್ರೀ ಡಾ.ನಿರ್ಮಲಾನಂದನಾಥ ಸ್ವಾಮೀಜಿ ಮತ್ತು ಸ್ರೀ ಸೋಮನಾಥ ಸ್ವಾಮಿಗಳು ಸಾನ್ನಿಧ್ಯ ವಹಿಸಲಿದ್ದಾರೆ. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಾಸಕ ಜಿ.ಡಿ. ಹರೀಶ್‌ಗೌಡ ವಹಿಸಲಿದ್ದು, ಧಾರ್ಮಿಕ ಕಾರ್ಯಕ್ರಮವನ್ನು ಮಾಜಿ ಶಾಸಕ ಎಚ್.ಪಿ. ಮಂಜುನಾಥ್ ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಮೈಸೂರು-ಚಾಮರಾಜನಗರ ಜಿಲ್ಲಾ ಒಕ್ಕಲಿಗರ ಸಂಘದ ಅಧ್ಯಕ್ಷ ಮರಿಸ್ವಾಮಿ, ವಕೀಲ ಬಿ.ಎಸ್. ಯೋಗನಂದ್, ಕಿರಂಗೂರು ಬಸವರಾಜು, ನಾಗಣ್ಣಗೌಡ, ರವಿಗೌಡ, ಸುಭಾಷ್, ರಾಜು ಶಿವರಾಜೇಗೌಡ, ಬಿಳಿಕೆರೆ ಪ್ರಸನ್ನ, ಕಟ್ಟನಾಯಕ, ಎಚ್.ಆರ್. ರಮೇಶ್, ಕೆ. ಗಣಪತಿ, ಹನಗೋಡು ಮಂಜುನಾಥ, ರೂಪಾನಂದೀಶ್, ನೇರಳಕುಪ್ಪೆ ಗ್ರಾಪಂ ಅಧ್ಯಕ್ಷೆ ಗೀತಾ ಸುರೇಶ್, ಉಪಾಧ್ಯಕ್ಷೆ ರುಕ್ಕಿಣಿ ಸುರೇಶ್ ಸೇರಿದಂತೆ ಅನೇಕ ಗಣ್ಯರು ಭಾಗವಹಿಸಲಿದ್ದಾರೆ.

ಮಧ್ಯಾಹ್ನ 1 ಗಂಟೆಗೆ ಅನ್ನದಾಸೋಹ ನಡೆಯಲಿದ್ದು, ರಾತ್ರಿ 8 ಗಂಟೆಗೆ ಮಿಸ್ಟರ್ ಗುಂಡಣ್ಣ ಸಾಮಾಜಿಕ ನಾಟಕ ಪ್ರದರ್ಶನ ಎಂದು ದೇವಾಲಯದ ಸೇವಾ ಸಮಿತಿಯ ಅಬ್ಬೂರು ಕುಮಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.