ಮತದಾರರ ಪಟ್ಟಿ ಪರಿಷ್ಕರಣೆಯಲ್ಲಿ ಆದಿವಾಸಿಗಳಿಗೆ ಅನ್ಯಾಯವಾಗದಿರಲಿ

ನಗರದ ಡೀಡ್ ಸಂಸ್ಥೆ ಆವರಣದಲ್ಲಿ ಭಾನುವಾರ ಮತದಾರರ ಪಟ್ಟಿ ಪರಿಷ್ಕರಣೆಯ ಅಗತ್ಯತೆ ಮತ್ತು ಎನ್ಯುಮರೇಷನ್ ಫಾರ್ಮ್ ಭರ್ತಿ ಮಾಡುವ ಕುರಿತಾದ ಒಂದು ದಿನದ ತರಬೇತಿ ಕಾರ್ಯಾಗಾರದಲ್ಲಿ ಮಾತನಾಡಿದರು.

ಮತದಾರರ ತೀವ್ರ ಪರಿಷ್ಕರಣೆ ಅತ್ಯಗತ್ಯವಾಗಿದೆ ನಿಜ. ಆದರೆ ಮತದಾರರ ಪಟ್ಟಿಯ ಕರಡು ಪ್ರತಿ ಪ್ರಕಟಣೆ ನಂತರ ಆಯೋಗ ಕೇಳಬಹುದಾದ ಹಲವು ದಾಖಲೆಗಳನ್ನು ನಾಗರಿಕರು ದೊರಕಿಸಿಕೊಡಬಹುದು, ಇದೇ ಪ್ರಮಾಣದಲ್ಲಿ ಆದಿವಾಸಿ ಅನಕ್ಷರಸ್ಥ ಸಮುದಾಯ ನೀಡಲು ಸಾಧ್ಯವಾಗದು. ಅವರ ಬದುಕು ಬವಣೆ ಎಲ್ಲವೂ ಅತಂತ್ರ ಸ್ಥಿತಿಯಲ್ಲಿದೆ. ಈ ನೆಲದ ಮೂಲನಿವಾಸಿಗಳೆಂದು ಸಂಭೋದಿಸುವ ಸರ್ಕಾರ ಪರಿಷ್ಕರಣೆ ನೆಪದಲ್ಲಿ ದಾಖಲೆಗಳನ್ನು ನೀಡಲು ಅಸಾಧ್ಯ ಪರಿಸ್ಥಿತಿ ಎದುರಾದಲ್ಲಿ ವಿಶೇಷ ಕಾಳಜಿ ವಹಿಸಿ ಅವರನ್ನು ಉಳಿಸಿಕೊಳ್ಳಬೇಕು. ಇದು ಆದಿವಾಸಿಗಳ ಅಳಿವು ಉಳಿವಿನ ಪ್ರಶ್ನೆಯಾಗಿದೆ ಎಂದರು.

ಕಾಳಜಿಯಿಂದ ನಿರ್ವಹಿಸಿರಿ: ಎನ್ಯುಮರೇಷನ್ ಫಾರ್ಮ್ ದೊರಕದ ಹಾಡಿಗಳು, ದೊರಕಿದ್ದರೂ ಭರ್ತಿ ಮಾಡಲಾಗದ ಆದಿವಾಸಿಗಳು. ಈ ಎಲ್ಲ ಸಮಸ್ಯೆಗಳನ್ನು ಅರಿತು ಜಿಲ್ಲಾಧಿಕಾರಿಗಳು ಆದಿವಾಸಿ ಹಾಡಿಗಳಿಗಾಗಿ ವಿಶೇಷ ತಂಡ ರಚಿಸಿ ಕಾರ್ಯಪ್ರವೃತ್ತರಾಗಲು ಸೂಚಿಸಿರುವುದು ಸ್ತ್ಯುತಾರ್ಹ. ಆದರೆ ನೇಮಕಗೊಂಡ ಅಧಿಕಾರಿಗಳು ಅತ್ಯಂತ ಶ್ರದ್ಧೆಯಿಂದ ಕಾರ್ಯ ನಿರ್ವಹಿಸುವ ಮೂಲಕ ಜಿಲ್ಲಾಧಿಕಾರಿಗಳ ಆದೇಶವನ್ನು ಪರಿಪೂರ್ಣವಾಗಿ ಪಾಲಿಸಿ ಗಿರಿಜನರಿಗೆ ನ್ಯಾಯ ಒದಗಿಸಿಕೊಡಬೇಕೆಂದು ಆಗ್ರಹಿಸಿದರು.

ಎಚ್ಚರಗೊಂಡ ಆಡಳಿತ:

ಡೀಡ್ ಸಂಸ್ಥೆ ನಿರ್ದೇಶಕ ಡಾ.ಎಸ್.ಶ್ರೀಕಾಂತ್ ಮಾತನಾಡಿ, ಎನ್ಯುಮರೇಷನ್ ಫಾರ್ಮ್ ವಿತರಿಸಿ 10 ದಿನಗಳ ನಂತರ ಇದೀಗ ತಾಲೂಕು ಆಡಳಿತ ಎಚ್ಚೆತ್ತುಕೊಂಡು ಆದಿವಾಸಿ ಹಾಡಿಗಳ ಕಡೆ ಗಮನಹರಿಸಿರುವುದು ಸ್ವಾಗತಾರ್ಹ. ಕಂದಾಯ ಮತ್ತು ಗಿರಿಜನ ಕಲ್ಯಾಣ ಇಲಾಖೆ ಗಿರಿಜನರ ಬದುಕಿಗೆ ನೆರವಾಗುವಂತಹ ಕಾರ್ಯ ನಡೆಸಬೇಕೆಂದು ಒತ್ತಾಯಿಸಿದರು.

ತರಬೇತಿ ಕಾರ್ಯಾಗಾರದಲ್ಲಿ 2026ರ ಮತದಾರರ ಪರಿಷ್ಕರಣೆ ಫಾರ್ಮ್ ತುಂಬುವ ವಿಧಾನ, ತದನಂತರ ಮತ ಚಲಾಯಿಸಿ ಈಗಿನ ಪರಿಷ್ಕರಣೆಯ ಪಟ್ಟಿಯಲ್ಲಿ ನೋಂದಾಯಿಸಿಕೊಳ್ಳಬೇಕು ಎನ್ನುವವರು ಫಾರ್ಮ್ ತುಂಬುವ ವಿಧಾನಗಳನ್ನು ಪ್ರಾಯೋಗಿಕವಾಗಿ ಫಾರ್ಮ್ ತುಂಬಿ ತಿಳಿಸಲಾಯಿತು. ಇನ್ನೂ ಫಾರ್ಮ್ ವಿತರಣೆಯಾಗದಿರುವ ತೆಕ್ಕಲಹಾಡಿ, ನೇರಳಕುಪ್ಪೆ ಬಿ ಹಾಡಿ ಜನರು ಕೂಡಲೇ ಬಿಎಲ್‌ಒ ಗಳಿಂದ ಕೇಳಿ ಪಡೆಯಬೇಕು. ಫಾರ್ಮ್ ಪಡೆದ ಹಾಡಿಗಳು ತಾಲೂಕು ಪರಿಶಿಷ್ಟ ಪಂಗಡದ ಇಲಾಖೆಯ ವಸತಿ ಶಾಲಾ ಶಿಕ್ಷಕರು ಫಾರ್ಮ್ ತುಂಬಲು ನೆರವಾಗಲು ಇಲಾಖೆ ಅಧಿಕಾರಿಗಳು ಆದೇಶ ಮಾಡಿರುವುದನ್ನು ಬಳಸಿಕೊಳ್ಳಲು ಮಾಹಿತಿ ನೀಡಲಾಯಿತು. ತುಂಬಿದ ಫಾರ್ಮ್‌ಗೆ ಸಹಿ ಹಾಕಿ ಬಿಎಲ್‌ಒಗಳಿಗೆ ನೀಡಿ ಅವರಿಂದ ಸಹಿ ಪಡೆಯಲು ತಿಳಿಸಲಾಯಿತು. ಮಹಾಜನ ಕಾಲೇಜಿನ 3 ಎಂಎಸ್‌ಡಬ್ಲುೃ ವಿದ್ಯಾರ್ಥಿಗಳು ತರಬೇತಿಯಲ್ಲಿ ಪಾಲ್ಗೊಂಡು ಮುಂದಿನ 10 ದಿನಗಳು ಫಾರ್ಮ್ ತುಂಬಲು ಆದಿವಾಸಿಗಳಿಗೆ ನೆರವಾಗುವುದಾಗಿ ತಿಳಿಸಿದರು.

ಕಾರ್ಯಾಗಾರದಲ್ಲಿ ಗಿಡಮೂಲಿಕೆ ತಜ್ಞೆ ಮಾಸ್ತಮ್ಮ, ಮಾನವ ಮಂದಿರದ ಶ್ರೀಕಂಠ, ಡೀಡ್ ಶಾರದಾ, ಆದಿವಾಸಿ ಜನತಾ ಪಾರ್ಲಿಮೆಂಟ್ ಅಧ್ಯಕ್ಷ ಹರ್ಷ, ವಿಠಲ್ ನಾಣಾಚ್ಚಿ, ಶಿವಣ್ಣ, ರಾಜು, ಜ್ಯೋತಿ ಬಸವರಾಜ್, ಕಲ್ಲೂರಯ್ಯ, ಹೆತ್ತಪ್ಪ, ಸೀತೆ, ಕೆಂಪಮ್ಮ, ಎಂ ಎಸ್‌ಡಬ್ಲುೃ ವಿದ್ಯಾರ್ಥಿಗಳು ಬೈರವ, ಯೋಗೇಶ್ ಮುಂತಾದವರು ಪಾಲ್ಗೊಂಡಿದ್ದರು.