ಕಾಡುಹಂದಿ ದಾಳಿಯಿಂದ ರೈತನಿಗೆ ಗಾಯ

ಗ್ರಾಮದ ಸಿದ್ದಯ್ಯ ಅವರ ಪುತ್ರ, ರೈತ ಸುರೇಶ್ ಗಾಯಗೊಂಡವರು. ಜಮೀನಿನಲ್ಲಿ ಪೈಪ್‌ಲೈನ್ ಜೋಡಿಸುವ ಕೆಲಸ ಮಾಡುತ್ತಿದ್ದ ಸುರೇಶ್ ಮೇಲೆ ದಾಳಿ ನಡೆಸಿ ತೊಡೆಯನ್ನು ಸೀಳಿದೆ. ದಿಢೀರ್ ದಾಳಿಯಿಂದ ಆಘಾತಕ್ಕೊಳಗಾದ ಸುರೇಶ್ ಕಿರುಚಿಕೊಂಡಾಗ ಜಮೀನು ಅಕ್ಕಪಕ್ಕದ ರೈತರು ಕೂಗಾಡಿ ಕಾಡು ಹಂದಿಯನ್ನು ಓಡಿಸಿದರು. ಗಾಯಾಳುವನ್ನು ಪಟ್ಟಣದ ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಗಾಯಾಳು ಆರೋಗ್ಯ ವಿಚಾರಿಸಲು ಆಸ್ಪತ್ರೆಗೆ ಭೇಟಿ ನೀಡಿದ ಅರಣ್ಯ ಇಲಾಖೆ ಪರಿವೀಕ್ಷಕ ನಾಗರಾಜು ಅವರನ್ನು ರೈತರು ತರಾಟೆ ತೆಗೆದುಕೊಂಡರು. ಇತ್ತೀಚೆಗೆ ರೈತರ ಜಮೀನುಗಳಿಗೆ ವನ್ಯಜೀವಿಗಳು ಲಗ್ಗೆಯಿಡುತ್ತಿದ್ದು ರೈತರ ಫಸಲು ಕೈ ಸೇರುವ ಮುಂಚೆಯೇ ನಾಶವಾಗಿ ಹೋಗುತ್ತಿದೆ. ಜತೆಗೆ ಕಾಡು ಪ್ರಾಣಿಗಳ ದಾಳಿಗೆ ಸಿಲುಕಿ ರೈತರು ಸಂಕಷ್ಟಕ್ಕೆ ಸಿಲುಕಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಅರಣ್ಯ ಇಲಾಖೆ ಪರಿವೀಕ್ಷಕ ನಾಗರಾಜು ಮಾತನಾಡಿ, ಗಾಯಾಳುಗೆ ಪರಿಹಾರ ಕೊಡಿಸಲು ಮೇಲಧಿಕಾರಿಗಳಿಗೆ ಮಾಹಿತಿ ನೀಡಲಾಗುವುದು. ಸರಗೂರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.