ಎಚ್.ಡಿ.ಕೋಟೆ ಕ್ಷೇತ್ರದ ಅಭಿವೃದ್ಧಿ ಸಹಿಸದೆ ಟೀಕೆ

ತಾಲೂಕಿನ ಜನತೆ ಅಭಿವೃದ್ಧಿ ಕೆಲಸ ನೋಡಿ ಅನೀಲ್ ಚಿಕ್ಕಮಾದು ಅವರನ್ನು ಶಾಸಕರನ್ನಾಗಿ ಆಯ್ಕೆ ಮಾಡಿದ್ದಾರೆ. ಅಭಿವೃದ್ಧಿ ಸಹಿಸಲಾಗದೆ ಅವರ ವಿರುದ್ಧ ಮಾತನಾಡುತ್ತಿದ್ದಾರೆ ಎಂದು ದೂರಿದರು.

ತಾಲೂಕಿನಲ್ಲಿ ಹಲವು ಅಭಿವೃದ್ಧಿ ಕಾಮಗಾರಿಗಳನ್ನು ಮಾಡಿಸುತ್ತಿದ್ದು, ಪಟ್ಟಣದಲ್ಲಿ ಮಿನಿ ವಿಧಾನಸೌಧ ಕಾಮಗಾರಿ, ಕಲ್ಲಂಬಾಳು ಗ್ರಾಮದಿಂದ ಕಟ್ಟೆಹುಣಸೂರು ಗ್ರಾಮ ಮಾರ್ಗ ರಸ್ತೆ ಕಾಮಗಾರಿ, ಸಾಗರೆ -ಅಗತ್ತೂರು ಮಾರ್ಗವಾಗಿ ಬಿದರಹಳ್ಳಿ ಕಳಸೂರುರವರೆಗೆ ರಸ್ತೆ, ಕಾಡಂಚಿನ ಭಾಗದ ಚಿಕ್ಕಬರಗಿ ರಸ್ತೆ ಕಾಮಗಾರಿ, ಮುತ್ತಿಗೆಹುಂಡಿ ಗ್ರಾಮದ ಬಳಿ ಏತ ನೀರಾವರಿ ಯೋಜನೆ ಪೂರ್ಣಗೊಳುವ ಹಂತದಲ್ಲಿ ಇದೆ.

ಹಂಚೀಪುರ ಗ್ರಾಮದಲ್ಲಿ 100 ಬೇಡ್ ಆಸ್ಪತ್ರೆ ನಿರ್ಮಾಣ, ಬಸ್ ಡಿಪೋ, ಆಗ್ನಿ ಶಾಮಕದಳ, ಕೋರ್ಟ್ ಕಚೇರಿಗಳಿಗೆ ಜಾಗವನ್ನು ಗುರುತಿಸಿದ್ದಾರೆ. ಹ್ಯಾಂಡ್ ಪೋಸ್ಟ್-ಹೆಡಿಯಾಲ ಜೋಡಿ ರಸ್ತೆ ನಿರ್ಮಾಣಕ್ಕೆ ಸರ್ಕಾರಕ್ಕೆ ಪ್ರಸ್ತಾವನೆ ಸಲ್ಲಿಸಿದ್ದಾರೆ. ತುಂಬಸೋಗೆ ಗ್ರಾಮದಲ್ಲಿ ಕಬಿನಿ ನದಿಗೆ ಸೇತುವೆ ನಿರ್ಮಾಣಕ್ಕೆ ಅನುದಾನ ಬಿಡುಗಡೆಯಾಗುವ ಹಂತದಲ್ಲಿದೆ. ಇಷ್ಟೆಲ್ಲ್ಲ ಅಭಿವೃದ್ಧಿ ಕಾರ್ಯಗಳನ್ನು ಕೈಗೊಂಡರೂ ವಿರೋಧ ಪಕ್ಷದವರು ಸುಮ್ಮನೆ ಶಾಸಕರ ಬಗ್ಗೆ ಅಪ ಪ್ರಚಾರ ಮಾಡುತ್ತಿದ್ದಾರೆ ಎಂದು ಪ್ರಕಟಣೆಯಲ್ಲಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.