ಕೋರೆಗಾಂವ್ ಯುದ್ಧವನ್ನು ಸ್ಫೂರ್ತಿಯಾಗಿ ಪರಿಗಣಿಸಿ

ಪಟ್ಟಣದ ಡಿ.ದೇವರಾಜ ಅರಸು ಭವನದಲ್ಲಿ ಗುರುವಾರ ವಿವಿಧ ಪ್ರಗತಿಪರ ಸಂಘಟನೆಗಳ ವತಿಯಿಂದ ಹಮ್ಮಿಕೊಂಡಿದ್ದ 208ನೇ ಕೋರೆಗಾಂವ್ ವಿಜಯೋತ್ಸವ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು. 1817ರ ಡಿ. 31ರಂದು ಸುಮಾರು 28 ಸಾವಿರ ಸೈನಿಕರನ್ನು ಒಳಗೊಂಡಿದ್ದ ಮರಾಠ ಪೇಶ್ವೆಗಳ ವಿರುದ್ಧದ ಯುದ್ಧವನ್ನು ಬ್ರಿಟಿಷರೊಂದಿಗೆ ಸೇರಿಕೊಂಡಿದ್ದ ಶೋಷಿತ ಮಹರ್ ಸೈನಿಕರ ಪಡೆ ಕೇವಲ ಒಂದೇ ದಿನದಲ್ಲಿ ಗೆಲುವು ಸಾಧಿಸುವ ಮೂಲಕ ಚಾರಿತ್ರಿಕ ಇತಿಹಾಸವನ್ನು ಸೃಷ್ಟಿಸಿದ್ದರು ಎಂದರು.

ಮಹರ್ ಸೈನಿಕರ ಪಡೆ ಭಾರತೀಯರಾಗಿದ್ದರೂ ಸಹ ಮರಾಠ ಪೇಶ್ವೆಗಳಿಂದ ಶೋಷಣೆಗೆ ಒಳಗಾಗಿದ್ದ ಶತಮಾನದ ಸಿಟ್ಟನ್ನು ಒಂದೇ ದಿನದಲ್ಲಿ ಬ್ರಿಟಿಷರೊಂದಿಗೆ ಕೈಜೋಡಿಸುವ ಮೂಲಕ ತೀರಿಸಿಕೊಂಡಿದ್ದರು. ತಮಗಾದ ಅಸಮಾನತೆ ಮತ್ತು ಶೋಷಣೆ ವಿರುದ್ಧ ಹೋರಾಟ ಮಾಡಲು ಕೋರೆಗಾಂವ್ ಯುದ್ಧ ಸಾಕಾರವಾಯಿತು. ಈ ಯುದ್ಧವನ್ನು ಅಂಬೇಡ್ಕರ್ ಅವರು ನಮ್ಮ ಅರಿವಿಗೆ ತರುವ ಮೂಲಕ ಅಂದು ನಡೆದ ಯುದ್ಧ ನೀತಿ ಮತ್ತು ರಾಜತಾಂತ್ರಿಕ ನೀತಿಯ ಬಗ್ಗೆ ತಿಳಿಯಪಡಿಸಿದ್ದಾರೆ ಎಂದರು.

ನಮ್ಮ ಭಾಷೆಗಳು, ಆಲೋಚನೆಗಳು, ನಡವಳಿಕೆಗಳನ್ನು ಬದಲಿಸಿಕೊಂಡಲ್ಲಿ ಮಾತ್ರ ಅಭಿವೃದ್ಧಿ ಪಥದಲ್ಲಿ ಸಾಗಲು ಸಾಧ್ಯ ಎಂಬುದು ಅಂಬೇಡ್ಕರ್ ಅವರ ಪ್ರತಿಪಾದನೆಯಾಗಿದ್ದು, ಜ್ಞಾನದ ಮೂಲಕ ಅಧಿಕಾರ ಮತ್ತು ಅವಕಾಶಗಳನ್ನು ಪಡೆಯಬಹುದು ಎಂಬುದನ್ನು ಸಾಬೀತುಪಡಿಸಿದ್ದಾರೆ. ಅವರಂತೆ ನಾವು ಅವರ ಹಾದಿಯಲ್ಲಿ ಸಾಗಬೇಕು ಆಗ ಮಾತ್ರ ಮಹನೀಯರುಗಳಿಗೆ ಗೌರವ ಸಮರ್ಪಣೆ ಮಾಡಿದಂತಾಗುತ್ತದೆ ಎಂದರು.

ತಿ.ನರಸೀಪುರ ಬೋಧಿರತ್ನ ಭಂತೇಜಿ ಮಾತನಾಡಿ, ಬೌದ್ಧ ಧರ್ಮದ ಮೂಲಕ ನಾಡಿನ ಸುಭಿಕ್ಷತೆ ಕಾಪಾಡಲು ಸಾಧ್ಯವಾಗುತ್ತದೆ. ಈ ಕಾರಣಕ್ಕಾಗಿ ಡಾ. ಬಿ.ಆರ್.ಅಂಬೇಡ್ಕರ್ ಅವರು ಬೌದ್ಧ ಧರ್ಮ ಸ್ವೀಕಾರ ಮಾಡಿ, ಅಸಮಾನತೆಯ ವಿರುದ್ಧ ಹೋರಾಟ ಮಾಡಿದ್ದಾರೆ ಎಂದರು. ಸಾಮಾಜಿಕ ಗುಲಾಮಗಿರಿಯನ್ನು ತೊಡೆದು ಹಾಕಲು ಪ್ರತಿಯೊಬ್ಬರೂ ಜಾಗೃತರಾಗಬೇಕು ಎಂದರು.

ಪುರಸಭೆ ಮಾಜಿ ಸದಸ್ಯ ಸಿ.ತಮ್ಮಣ್ಣಯ್ಯ, ತಾಪಂ ಮಾಜಿ ಸದಸ್ಯರಾದ ಎಸ್.ರಾಮು ಐಲಾಪುರ, ಜಯಂತಿ, ಎವಿಎಸ್ ಸಂಸ್ಥಾಪಕ ರಾಜ್ಯಾಧ್ಯಕ್ಷ ತುಂಬಲ ರಾಮಣ್ಣ, ಮುಖಂಡರಾದ ಪ್ರಕಾಶ್, ಬಿ.ಶಿವಣ್ಣ, ಶೇಖರ್, ನವಿಲೂರು ಚನ್ನಪ್ಪ, ಮಾಕೋಡು ಜವರಪ್ಪ, ಸತ್ಯನಾರಾಯಣ, ರಾಜಯ್ಯ, ರವಿಕುಮಾರ್, ಕೃಷ್ಣನಾಯ್ಕ, ಟಿ.ರಾಜು, ಜಗದೀಶ್, ಲೋಕೇಶ್, ಸಂಪತ್ ಕುಮಾರ್, ರಾಜೇಶ್, ಈರಾಜ್, ಶಿವರಾಜ್, ಚೆಲುವರಾಜ್, ಮಹದೇವ, ರವಿ, ರಾಜು, ಲೋಕೇಶ್ ಸೇರಿದಂತೆ ಇತರರಿದ್ದರು.