ಸ್ವಚ್ಛತೆಗಾಗಿ ನಾಗರಿಕರ ಸಹಕಾರ ಅಗತ್ಯ

ಮಂಗಳವಾರ ನಗರದ ಸಂವಿಧಾನವೃತ್ತದಿಂದ ಆರಂಭಗೊಂಡ ಮ್ಯಾರಥಾನ್ ಬಜಾರ್ ರಸ್ತೆ, ವಿಶ್ವೇಶ್ವರಯ್ಯ ವೃತ್ತ, ರತ್ನಪುರಿ ರಸ್ತೆ(ಐಕೆ ಕಲ್ಯಾಣಮಂಟಪ ರಸ್ತೆ)ಯನ್ನು ಹಾದು ಚಿಕ್ಕಹುಣಸೂರು ತಲುಪಿ ಅಲ್ಲಿಂದ ಎಚ್.ಡಿ.ಕೋಟೆ ರಸ್ತೆ, ಎಸ್‌ಜೆ ರಸ್ತೆಯ ಮೂಲಕ ಸಂವಿಧಾನ ವೃತ್ತವನ್ನು ತಲುಪಿದರು. ಕುಶಾಲನಗರದ ನಿತಿನ್ 12.45 ನಿಮಿಷಗಳಲ್ಲಿ ಕ್ರಮಿಸಿ ದ್ವಿತೀಯಸ್ಥಾನ(ಟ್ರೋಫಿ ಮತ್ತು 3 ಸಾವಿರ ರೂ.ನಗದು) ಹಾಗೂ ಪಿರಿಯಾಪಟ್ಟಣದ ಪ್ರಸನ್ನಕುಮಾರ್ 13.10 ನಿಮಿಷದೊಂದಿಗೆ ತೃತೀಯಸ್ಥಾನ(ಟ್ರೋಫಿ ಮತ್ತು 2 ಸಾವಿರ ರೂ.ನಗದು) ಗಳಿಸಿದರು.

ಮಹಿಳಾ ವಿಭಾಗದಲ್ಲಿ ಪಿರಿಯಾಪಟ್ಟಣದ ಸರಾಮನಾಥತುಂಗಾದ ರಾಣಿ ಪ್ರಥಮಸ್ಥಾನ ಗಳಿಸಿದರೆ, ಹುಣಸೂರು ಸರ್ಕಾರಿ ಮಹಿಳಾ ಕಾಲೇಜಿನ ವಿದ್ಯಾರ್ಥಿನಿ ಅನಿತಾ(ಪಿರಿಯಾಪಟ್ಟಣ ತಾಲೂಕು ಭಾರಸೆ ಗ್ರಾಮ)ದ್ವಿತೀಯ ಹಾಗೂ ಹುಣಸೂರಿನ ಅಂಕಿತಾಬಾಯಿ ತೃತೀಯಸ್ಥಾನ ಗಳಿಸಿದರು. 200ಕ್ಕೂ ಹೆಚ್ಚು ಯುವಕಯುವತಿಯರು ಅತ್ಯುತ್ಸಾಹದಿಂದ ಮ್ಯಾರಥಾನ್‌ನಲ್ಲಿ ಭಾಗವಹಿಸಿ ಸಂಭ್ರಮಿಸಿದರು.

ಮ್ಯಾರಥಾನ್‌ಗೆ ಚಾಲನೆ ನೀಡಿದ ಉಪವಿಭಾಗಾಧಿಕಾರಿ ಕೆ.ವಿ.ಕಾವ್ಯರಾಣಿ ಮಾತನಾಡಿ, ದೇಶದಲ್ಲಿ ಪಾರಂಪರಿಕ ನಗರಿಯೊಂದಿಗೆ ಸ್ವಚ್ಛನಗರಿಯಾಗಿಯೂ ಮೈಸೂರು ನಮಗೆ ಮಾದರಿಯಾಗಿದೆ. ಹುಣಸೂರು ನಗರಸಭೆ ಈ ಹಿಂದೆ ಸ್ವಚ್ಛ ಭಾರತ ಮಿಷನ್ ಕಾರ್ಯಕ್ರಮದಡಿ ಸಾಕಷ್ಟು ಬಾರಿ ಪ್ರಶಸ್ತಿಗಳನ್ನು ಮುಡಿಗೇರಿಸಿಕೊಂಡಿದೆ. ಇದೀಗ ಮತ್ತೆ ಸ್ವಚ್ಛತೆಗಾಗಿ ನಾಗರಿಕರ ಸಹಕಾರ ಅಗತ್ಯವಿದೆ. ಸ್ವಚ್ಛತೆ ಎನ್ನುವುದು ನಮ್ಮ ಸಂಸ್ಕೃತಿ ಮತ್ತು ಪರಂಪರೆಯಲ್ಲೇ ಇದೆ ಎಂದರು.

ಊರಿನ ಸ್ವಚ್ಛತೆಗಾಗಿ ಹಗಲಿರುಳು ಶ್ರಮಿಸುವ ಪೌರಕಾರ್ಮಿಕರ ಅನನ್ಯ ಸೇವೆಯನ್ನು ಗೌರವಿಸೋಣ. ಪೌರಕಾರ್ಮಿಕರು ಭಾರತದ ಹೆಮ್ಮೆಯಾಗಿದ್ದಾರೆ. ಮನೆಬಾಗಿಲಿಗೆ ಕಸ ಸಂಗ್ರಹಣೆಗೆ ಬರುವ ವಾಹಗಳ ಬಳಿ ನಮ್ಮ ಮನೆಯ ಕಸವನ್ನು ನಾವೆ ತೆಗೆದುಕೊಂಡು ಹೋಗಿ ನೀಡುವ ಔದಾರ್ಯ ತೋರೋಣವೆಂದರು.

ಸ್ವಚ್ಛ ಹುಣಸೂರು ಮ್ಯಾರಥಾನ್‌ನ ರಾಯಭಾರಿಯಾಗಿ ಗುರುತಿಸಲ್ಪಟ್ಟ ನಗರದ ಬಾಹುಸಾರ್ ನರ್ಸಿಂಗ್ ಹೋಮ್‌ನ ವ್ಯವಸ್ಥಾಪಕ ನಿರ್ದೇಶಕಿ ಡಾ.ಸರೋಜಿನಿ ವಿಕ್ರಂ ಮಾತನಾಡಿ, ತಾಲೂಕಿನ ಜೀವನದಿ ಲಕ್ಷ್ಮಣತೀರ್ಥ ಮಲಿನಗೊಂಡಿದೆ. ಇದು ನಮ್ಮ ತಾಲೂಕಿಗೆ ಕಪ್ಪುಚುಕ್ಕೆಯಾಗಿದ್ದು, ನದಿಯ ಸಂರಕ್ಷಣೆ ಮತ್ತು ಶುದ್ಧೀಕರಣ ನಮ್ಮೆಲ್ಲರ ಆದ್ಯ ಕರ್ತವ್ಯವಾಗಿದ್ದು, ಈ ಕುರಿತು ನಾವೆಲ್ಲರೂ ಒಂದಾಗಿ ಕ್ರಮವಹಿಸೋಣವೆಂದರು.

ಪೌರಾಯುಕ್ತೆ ಕೆ.ಮಾನಸ ಮಾತನಾಡಿ, ಕಾರ್ಯಕ್ರಮದ ಆಯೋಜನೆಗೆ ನಗರಸಭೆ ಪೌರಕಾರ್ಮಿಕರು ಹಗಲಿರುಳು ಶ್ರಮಿಸಿದ್ದಾರೆ. ಕಾರ್ಯಕ್ರಮದ ಆಯೋಜನೆಗೆ ಹಲವಾರು ಸಂಘಸಂಸ್ಥೆಗಳು ಕೈಜೋಡಿಸುವ ಮೂಲಕ ಸಾಮಾಜಿಕ ಕಳಕಳಿ ಮೆರೆದಿದ್ದು, ಅವರೆಲ್ಲರಗೂ ನಗರಸಭೆ ವತಿಯಿಂದ ಧನ್ಯವಾದಗಳನ್ನು ತಿಳಿಸುತ್ತೇನೆಂದರು.

ಮ್ಯಾರಥಾನ್‌ನಲ್ಲಿ ಮೂಡುಬಿದರೆ ಆಳ್ವಾಸ್ ಕಾಲೇಜಿನ(ಸ್ವಾಯುತ್ತ) ಸಮಾಜಕಾರ್ಯ ವಿಭಾಗದ 30 ವಿದ್ಯಾರ್ಥಿಗಳು ಪಾಲ್ಗೊಂಡು ಸಂಭ್ರಮಿಸಿದರು. ನಗರ ಠಾಣಾ ಇನ್ ಸ್ಪೆೆಕ್ಟರ್ ಸಂತೋಷ್ ಕಶ್ಯಪ್, ನಗರಸಭೆ ಪರಿಸರ ಇಂಜಿನಿಯರ್ ಸೌಮ್ಯ, ಕಂದಾಯ ಅಧಿಕಾರಿ ಸಿದ್ದಪ್ಪ, ಸಚಿನ್ ಪ್ರಕಾಶ್, ನವೀನ್ ಇತರರು ಇದ್ದರು.