ಬೆಟ್ಟದಪುರದ ಪ್ರೌಢಶಾಲೆಗೆ ಗ್ರೀನ್ ಬೋರ್ಡ್ ಕೊಡುಗೆ

ಈ ಸಂದರ್ಭ ಮಾತನಾಡಿದ ಶಾಲೆಯ ಮುಖ್ಯಶಿಕ್ಷಕ ಸಿ.ಎನ್. ಮಹೇಶ್, ಶಾಲೆ ನಮ್ಮೆಲ್ಲರ ಬದುಕಿಗೆ ಭದ್ರ ಬುನಾದಿ ಹಾಕುವ ದೇವಾಲಯವಿದ್ದಂತೆ ಎಂದರು.

ಇಲ್ಲಿ ಕಲಿತ ಹಳೆಯ ವಿದ್ಯಾರ್ಥಿಗಳು ತಮ್ಮ ಶಾಲೆಯನ್ನು ಮರೆಯದೇ, ವಿದ್ಯಾರ್ಥಿಗಳ ಶೈಕ್ಷಣಿಕ ಹಿತದೃಷ್ಟಿಯಿಂದ ಗ್ರೀನ್ ಬೋರ್ಡ್‌ಗಳನ್ನು ಕೊಡುಗೆಯಾಗಿ ನೀಡಿರುವುದು ಅತ್ಯಂತ ಶ್ಲಾಘನೀಯ.

ಹೊಸ ಬೋರ್ಡ್‌ಗಳು ಮಕ್ಕಳ ಕಲಿಕೆಗೆ ಇನ್ನಷ್ಟು ಪರಿಣಾಮಕಾರಿಯಾಗಲಿವೆ ಎಂದರು.

ಹಿರಿಯ ವಿದ್ಯಾರ್ಥಿಗಳ ಸೇವಾ ಮನೋಭಾವ ಇಂದಿನ ವಿದ್ಯಾರ್ಥಿಗಳಿಗೆ ಪ್ರೇರಣೆಯಾಗಲಿದೆ. ಶಾಲೆಯ

ಪ್ರಗತಿಗೂ ಇದು ಪೂರಕವಾಗಲಿದೆ ಎಂದರು. ಶಿಕ್ಷಕರಾದ ಕೆ.ಟಿ. ಅಶೋಕ್, ಡಿ.ವಿ. ಉಷಾ, ಕವಿತಾಮಣಿ, ಪಿ. ದಿನೇಶ್, ಹರೀಶ್ ಹಾಗೂ ಕುಮಾರಸ್ವಾಮಿ, ಹಿರಿಯ ವಿದ್ಯಾರ್ಥಿಗಳಾದ ಯಶವಂತ್, ವೇಣು, ಈಚೂರು ವಿನೋದ್, ಅನಿಲ್ ಕುಮಾರ್, ರಾಗಿ ಆಲದಮರದ ಅರುಣ್ ಕುಮಾರ್, ಯೋಗೇಶ್, ಸುದೀಪ್, ಸಚಿನ್ ಹೊಸಕೋಟೆ, ವರುಣ್ ಹಾಗೂ ಉಮೇಶ್ ಇದ್ದರು.