ಬಿಎಐ ಯುವಕರಿಗೆ ಹೆಚ್ಚಿನ ಪ್ರಾತಿನಿಧ್ಯ ನೀಡಲಿ

ನಂಜನಗೂಡು: ಬಿಲ್ಡರ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ (ಬಿಎಐ)ಸಂಸ್ಥೆಗೆ ದೊಡ್ಡ ಇತಿಹಾಸವಿದೆ. 1941ರಲ್ಲಿ ಮಹಾರಾಷ್ಟ್ರದಲ್ಲಿ ಸ್ಥಾಪನೆಗೊಂಡಿದೆ. ಇಂದು ನಂಜನಗೂಡಿನಲ್ಲಿ ಅಸೋಸಿಯೇಷನ್ ಪ್ರಾರಂಭಗೊಳ್ಳುತ್ತಿದ್ದು ಯುವಕರಿಗೆ ಹೆಚ್ಚಿನ ಆದ್ಯತೆ ನೀಡಬೇಕು ಎಂದು ಶಾಸಕ ದರ್ಶನ್ ಧ್ರುವನಾರಾಯಣ್ ತಿಳಿಸಿದರು.

ನಗರದ ಖಾಸಗಿ ಕಲ್ಯಾಣ ಮಂಟಪದಲ್ಲಿ ಬಿಲ್ಡರ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ ನಂಜನಗೂಡು ಶಾಖೆಯನ್ನು ಶುಕ್ರವಾರ ಉದ್ಘಾಟಿಸಿ ಮಾತನಾಡಿ, ತಾಲೂಕಿನಲ್ಲಿ ಅತ್ಯಧಿಕವಾಗಿ ಕೈಗಾರಿಕೆಗಳು ಇವೆ. ಹೊಸ ಹೊಸ ವಿಶ್ವವಿದ್ಯಾಲಯಗಳು ಪ್ರಾರಂಭಗೊಳ್ಳುತ್ತಿವೆ. ತಾಲೂಕಿನಲ್ಲಿ ಉತ್ತಮ ಗುಣಮಟ್ಟದ ವಿದ್ಯಾ ಸಂಸ್ಥೆಗಳು ಕೂಡ ಇವೆ. ಅನೇಕ ಯುವಕರು ಒಳ್ಳೆಯ ಉದ್ದೇಶದೊಂದಿಗೆ ಸಂಸ್ಥೆ ಸೇರಿಕೊಂಡಿದ್ದಾರೆ. ಅವರು ಉದ್ದೇಶ ಈಡೇರಲಿ ಎಂದು ಆಶಿಸಿದರು.

ಸಂಸ್ಥೆ ತಾಲೂಕು ಅಧ್ಯಕ್ಷ ಕೃಷ್ಣಪ್ಪಗೌಡ ಮಾತನಾಡಿ, ಎಂಟು ದಶಕಗಳ ಕನಸು ನಂಜನಗೂಡು ಜನತೆಗೆ ನನಸಾಗುತ್ತಿದೆ. 25 ದಿನಗಳಲ್ಲಿ 25 ಸದಸ್ಯರ ಆಯ್ಕೆ ಮಾಡಿ ಸ್ಥಾಪನೆ ಮಾಡಿದ್ದೇವೆ. ಸಂಸ್ಥೆಯನ್ನು ಅತ್ಯುತ್ತಮವಾಗಿ ಮಾಡಲು ಎಲ್ಲರ ಸಹಕಾರ ಅಗತ್ಯ ಎಂದರು.

ಸಂಸ್ಥೆಯ ರಾಜ್ಯಾಧ್ಯಕ್ಷ ಎನ್.ಸುಬ್ರಮಣ್ಯ ಮಾತನಾಡಿ, ಮೈಸೂರಿನ ನಂತರ ನಂಜನಗೂಡಿನಲ್ಲಿ ಸಂಸ್ಥೆಯನ್ನು ಪ್ರಾರಂಭ ಮಾಡಬೇಕು ಎಂಬ ಚಿಂತನೆ ಇತ್ತು. ಕನಸಿನ ಹಾಗೂ ನೂತನ ತಂತ್ರಜ್ಞಾನ ಇಂದಿನ ದಿನಗಳಲ್ಲಿ ಅಗತ್ಯ. ಸಂಸ್ಥೆ ಸ್ಥಾಪನೆಯಿಂದ ತಾಲೂಕಿನ ಜನತೆಗೆ ಬಹಳ ಅನುಕೂಲವಾಗಲಿದೆ. ಕನಸಿನ ಮನೆಗಳನ್ನು ನಿರ್ಮಾಣ ಮಾಡಲು ಸಾಧ್ಯವಾಗುತ್ತದೆ ಎಂದರು.

ಮಾಜಿ ಶಾಸಕ ಕಳಲೆ ಕೇಶವಮೂರ್ತಿ, ಪುರಸಭೆ ಮಾಜಿ ಅಧ್ಯಕ್ಷರಾದ ಎನ್.ನರಸಿಂಹಸ್ವಾಮಿ, ಆರ್.ವಿ.ಮಹದೇವಸ್ವಾಮಿ, ಎಂ.ಶ್ರೀಧರ್, ಎನ್.ಆರ್.ದೊರೆಸ್ವಾಮಿ, ಲಯನ್ ಜಯರಾಮ್, ಗೋಪಾಲಕೃಷ್ಣ, ಕೈಗಾರಿಕೋದ್ಯಮಿ ಕೃಷ್ಣಪ್ಪ, ಯು.ಎನ್.ಪದ್ಮನಾಭರಾವ್, ಶಿವನಂಜೇಗೌಡ, ನಾರಾಯಣ ರೆಡ್ಡಿ, ಸಿ.ಎಂ.ಶಂಕರ್, ಸಂಸ್ಥೆ ಉಪಾಧ್ಯಕ್ಷ ಮಹದೇವಶೆಟ್ಟಿ, ರಮೇಶ್, ದಿಲೀಪ್‌ಕುಮಾರ್, ಜಿ.ಮಂಜುನಾಥ್, ತಿರುಮಲೇಶ್‌ಗೌಡ, ಎಸ್.ಎಚ್. ಉಮೇಶ್, ಎಸ್.ಸೋಮಶೇಖರ್, ಗೌತಮ್‌ಕುಮಾರ್, ಸತೀಶ್ ಗಾಣಿಗ, ಬಸವರಾಜು, ಶಶಾಂಕ್, ಶಹಾದ್, ರವೀಶ್, ಬಿ.ಪಿ. ಸುರೇಶ್, ನಟರಾಜ್, ಶಿವಶಂಕರ್, ಕೆ.ವರುಣ್, ಪಿ.ವಿಪುಲ್, ಎಸ್.ಮಂಜುನಾಥ್, ಎಚ್.ಸಿ.ರವಿ, ಕೌಶಿಕ್ ಉಮೇಶ್, ಕೃಷ್ಣ, ಎಸ್.ಎಎಂ.ಸ್ವಾಮಿ ಭಾಗವಹಿಸಿದ್ದರು.