ಚಿನ್ನಾಭರಣವಿದ್ದ ಬ್ಯಾಗ್ ಕಳವು

ಬೆಂಗಳೂರಿನ ಟಿ.ದಾಸರಹಳ್ಳಿ ನಿವಾಸಿ ಪಲ್ಲವಿ ಅವರು ಸಹೋದರಿ ವಿವಾಹ ಸಮಾರಂಭಕ್ಕೆಂದು ಕುಟುಂಬ ಸಮೇತ ನ.29ರಂದು ಮೈಸೂರಿಗೆ ಆಗಮಿಸಿ, ನಜರ್‌ಬಾದ್ ಥಿಯೋಬಾಲ್ಡ್ ರಸ್ತೆಯ ಹೋಟೆಲ್‌ವೊಂದರಲ್ಲಿ ಮೂರು ಕೊಠಡಿಗಳಲ್ಲಿ ತಂಗಿದ್ದರು. ನ.30ರಂದು ಹೆಬ್ಬಾಳದ ಲಕ್ಷ್ಮೀಕಾಂತ ದೇವಸ್ಥಾನದಲ್ಲಿ ನಡೆದ ವಿವಾಹದಲ್ಲಿ ಭಾಗವಹಿಸಿ, ಹೋಟೆಲ್‌ಗೆ ವಾಪಸ್ ಬಂದಿದ್ದರು.

ಅಂದು ಮಧ್ಯಾಹ್ನ ಬೇರೊಂದು ಹೋಟೆಲ್ ಸಭಾಂಗಣದಲ್ಲಿ ಆಯೋಜಿಸಿದ್ದ ರಿಸೆಪ್ಷನ್‌ಗೆ ತೆರಳುವ ಮುನ್ನ ಎರಡು ಕೊಠಡಿಗಳನ್ನು ಖಾಲಿ ಮಾಡಿ, ಅಲ್ಲಿದ್ದ ಲಗೇಜ್ ಅನ್ನು ಒಂದು ರೂಂನಲ್ಲಿಟ್ಟು ಸಿದ್ಧವಾಗಲು ಮುಂದಾದಾಗ ಸುಮಾರು 2 ಲಕ್ಷ ರೂ. ಮೌಲ್ಯದ ಚಿನ್ನಾಭರಣಗಳಿದ್ದ ಬ್ಯಾಗ್ ಕಾಣಿಸಲಿಲ್ಲ. ಖಾಲಿ ಮಾಡಿದ ಕೊಠಡಿಗಳಲ್ಲಿ ಬಿಟ್ಟು ಬಂದಿರಬಹುದೆಂದು ಹುಡುಕಾಡಿದರೂ ಅಲ್ಲಿಯೂ ಸಿಗಲಿಲ್ಲ. ಈ ಬಗ್ಗೆ ಹೋಟೆಲ್ ವ್ಯವಸ್ಥಾಪಕರ ಗಮನಕ್ಕೆ ತಂದು ಡಿ.7ರಂದು ನಜರ್‌ಬಾದ್ ಠಾಣೆಗೆ ದೂರು ನೀಡಿದ್ದಾರೆ.