ಡಾ. ದಿನೇಶ್ ಕುಮಾರ್ ಟಿ. ಪಿ. ಅವರು ಮಾತನಾಡಿ, “ಪುರುಷರಲ್ಲಿ, ವಿಶೇಷವಾಗಿ ವಯಸ್ಸಾಗುತ್ತಿದ್ದಂತೆ ಕಾಡುವ ಸಾಮಾನ್ಯ ಆರೋಗ್ಯ ಸಮಸ್ಯೆಗಳಲ್ಲಿ ಪ್ರೊಸ್ಟೇಟ್ ಕಾಯಿಲೆಗಳು ಪ್ರಮುಖವಾದವು. ಪದೇ ಪದೇ ಮೂತ್ರ ವಿಸರ್ಜನೆ, ಮೂತ್ರ ತಡೆ ಹಿಡಿಯಲು ಕಷ್ಟವಾಗುವುದು, ಮೂತ್ರದ ನಿಧಾನಗತಿಯ ಹರಿವು ಅಥವಾ ಮೂತ್ರದಲ್ಲಿ ರಕ್ತದ ಅಂಶ ಕಾಣಿಸಿಕೊಳ್ಳುವ ಲಕ್ಷಣಗಳನ್ನು ಎಂದಿಗೂ ನಿರ್ಲಕ್ಷಿಸಬಾರದು. ಹೆಚ್ಚಿನ ಪ್ರೊಸ್ಟೇಟ್ ಸಮಸ್ಯೆಗಳು ಕ್ಯಾನ್ಸರ್ ರಹಿತವಾಗಿದ್ದು, ಸುಲಭವಾಗಿ ಗುಣಪಡಿಸಬಹುದಾಗಿವೆ. ಆದರೆ ಆರಂಭಿಕ ಹಂತದಲ್ಲೇ ತಪಾಸಣೆ ಮಾಡಿಸಿಕೊಳ್ಳುವುದರಿಂದ ಪ್ರೊಸ್ಟೇಟ್ ಕ್ಯಾನ್ಸರ್ನಂತಹ ಗಂಭೀರ ಕಾಯಿಲೆಗಳನ್ನು ಮೊದಲೇ ಪತ್ತೆಹಚ್ಚಬಹುದು. ನಿಯಮಿತ ಆರೋಗ್ಯ ತಪಾಸಣೆ ಮತ್ತು ತಜ್ಞರ ಸಲಹೆ ಪಡೆಯುವುದರಿಂದ ಪುರುಷರು ಉತ್ತಮ ಜೀವನಶೈಲಿಯನ್ನು ಹೊಂದಬಹುದು,” ಎಂದರು.
