ಚಿಕಿತ್ಸೆಗಾಗಿ ಆಯಿಷ್ ಸಂಸ್ಥೆಗೆ ಪ್ರತಿದಿನ 400ರಿಂದ 500 ವಿಶೇಷ ಮಕ್ಕಳು ಪಾಲಕರೊಂದಿಗೆ ಆಗಮಿಸಲಿದ್ದಾರೆ. ಈ ಸಂಬಂಧ ಅವರ ಸುಗಮ ಸಂಚಾರ ಸಂಬಂಧ ಇತ್ತೀಚೆಗೆ ‘ಮೈಸೂರು ರೈಸಿಂಗ್ ಅಭಿಯಾನದ ಮೂಲಕ ಆಯಿಷ್ ಮುಂದೆ ಸರ್ವೇ ನಡೆಸಿ ಜನಾಭಿಪ್ರಾಯ ಸಂಗ್ರಹಿಸಲಾಗಿತ್ತು. ಬಳಿಕ ಪೊಲೀಸ್, ನಗರ ಪಾಲಿಕೆ ಅಧಿಕಾರಿಗಳೊಂದಿಗೆ ಚರ್ಚಿಸಿ ಆಯಿಷ್ ಬಳಿ ವಿಶೇಷ ಮಕ್ಕಳಿಗೆ ನೆರವಾಗುವ ನಿಟ್ಟಿನಲ್ಲಿ ಚರ್ಚೆ ನಡೆಸಲಾಗಿತ್ತು. ಭಾನುವಾರ 50ಕ್ಕೂ ಹೆಚ್ಚು ಮಂದಿ ಸ್ವಯಂ ಸೇವಕರು ಮತ್ತು ವಿದ್ಯಾರ್ಥಿಗಳು ಆಯಿಷ್ ಮುಂಭಾಗ ಆಕರ್ಷಕ ವಿನ್ಯಾಸದಲ್ಲಿ ಜೀಬ್ರಾ ಕ್ರಾಸಿಂಗ್ ಬರೆದು, ಪಾದಚಾರಿ ಮತ್ತು ವ್ಹೀಲ್ ಚೇರ್ ಸಂಚರಿಸುವವರಿಗಾಗಿ ಪ್ರತ್ಯೇಕವಾಗಿ ಪಥ ಗುರುತಿಸಲು ಬಣ್ಣ ಬಳಿಯುವ ಮೂಲಕ ವಾಹನ ಸವಾರರಲ್ಲಿ ಜಾಗೃತಿ ಮೂಡಿಸಿದರು.
