ದೇವಿ ಆರಾಧನೆಯಿಂದ ಸಂಕಷ್ಟಗಳು ದೂರ

ಪಿರಿಯಾಪಟ್ಟಣ ತಾಲೂಕಿನ ದೊಡ್ಡ ಹರವೆ ಗ್ರಾಮದ ಶಕ್ತಿ ದೇವತೆ ಶ್ರೀ ಕಾಳಿಕಾಂಬ ದೇವಾಲಯ ಸೇವಾ ಸಮಿತಿ ವತಿಯಿಂದ ಭಾನುವಾರ ಶ್ರೀ ಕಾಳಿಕಾಂಬ ದೇವಿಯ ಐದನೇ ವರ್ಷದ ವಾರ್ಷಿಕೋತ್ಸವ ಮತ್ತು ಸಾಮೂಹಿಕ ದುರ್ಗಾ ನಮಸ್ಕಾರ ಪೂಜಾ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಪ್ರಕೃತಿಯ ನಿಯಮನುಸಾರ ಶಕ್ತಿ ದೇವತೆಗಳ ಪೂಜೆ ಹೋಮ-ಹವನ ಹಾಗೂ ಭಜನೆ ಮತ್ತು ಆರಾಧನೆಯ ಮೂಲಕ ದುಷ್ಟ ಶಕ್ತಿಗಳ ನಾಶ ಮಾಡುವ ಮೂಲಕ ಪ್ರಪಂಚದ ಎಲ್ಲ ಮಾನವರಿಗೆ ಪ್ರಾಣಿ-ಪಕ್ಷಿಗಳಿಗೆ ಹಾಗೂ ಇನ್ನಿತರ ಮಾನವರಿಗೆ ಒಳ್ಳೆಯದನ್ನು ಮಾಡುವ ನಿಟ್ಟಿನಲ್ಲಿ ದೇವಾಲಯಗಳನ್ನು ಸ್ಥಾಪಿಸಿ ಪೂಜೆ ಮಾಡುವುದು ನಮ್ಮ ಹಿಂದು ಧರ್ಮದ ಆದ್ಯ ಕರ್ತವ್ಯವಾಗಿದೆ. ದುರ್ಗಾ ಪೂಜೆ ಮಾಡುವ ಮೂಲಕ ದುಷ್ಟ ಶಕ್ತಿಗಳನ್ನು ದೂರ ಮಾಡಬಹುದು. ಅದರಂತೆ ಅನೇಕ ಹಿಂದು ದೇವಾಲಯಗಳ ಮೇಲೆ ಕೆಲವು ಅನ್ಯ ಧರ್ಮಗಳ ವ್ಯಕ್ತಿಗಳಿಂದ ದಾಳಿ ಆಗಿದೆ. ಆದರೂ ಶಕ್ತಿ ದೇವತೆಗಳ ಅನುಗ್ರಹದಿಂದ ಯಾವುದೇ ಅನಾಹುತ ಸಂಭವಿಸಿಲ್ಲ. ಇದನ್ನು ತಡೆಗಟ್ಟುವ ನಿಟ್ಟಿನಲ್ಲಿ ನಾವೆಲ್ಲರೂ ಪೂಜೆ ಪುರಸ್ಕಾರಗಳನ್ನು ದಿನಂಪ್ರತಿ ಮಾಡಬೇಕು. ಅದರಂತೆ ಯಾವುದೇ ಕಾರಣಕ್ಕೂ ದೇವಾಲಯಗಳನ್ನು ನಾಶಪಡಿಸಲು ಸಾಧ್ಯವಾಗುವುದಿಲ್ಲ ಎಂದರು.

ಐಎಎಸ್ ಅಧಿಕಾರಿ ಕೆ.ಟಿ.ಮೇಘನಾ ಮಾತನಾಡಿ, ಶ್ರೀ ಕಾಳಿಕಾಂಬ ದೇವಸ್ಥಾನದ ಐದನೇ ವರ್ಷದ ವಾರ್ಷಿಕೋತ್ಸವ ವಿಜೃಂಭಣೆಯಿಂದ ನೆರವಿರಿದೆ. ಶಕ್ತಿ ಕಾಳಿಕಾಂಬೆ ದೇವರ ಅನುಗ್ರಹ ಇದ್ದರೆ ಎಲ್ಲವನ್ನೂ ಸಾಧಿಸಬಹುದು. ಉನ್ನತ ಶಿಕ್ಷಣವನ್ನು ಪಡೆದು ನಾನು ಸರ್ಕಾರದ ಹುದ್ದೆಯಲ್ಲಿ ಕಾರ್ಯ ನಿರ್ವಹಣೆ ಮಾಡುತ್ತಿದ್ದೇನೆ. ಅದೇ ರೀತಿ ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣವನ್ನು ನೀಡುವ ಮೂಲಕ ಅವರಿಗೆ ಅವರ ಕುಟುಂಬದ ನಿರ್ವಹಣೆ ಮಾಡಲು ಹೆಚ್ಚು ವಿದ್ಯಾಭ್ಯಾಸ ಕೊಡಿಸಬೇಕು ಎಂದರು.

ಕಾರ್ಯಕ್ರಮದಲ್ಲಿ ಜಿಲ್ಲಾ ಉತ್ತಮ ಶಿಕ್ಷಕ, ಕನಕನಗರ ಶಾಲೆ ರಾಮನಾಥ ತುಂಗ ರಘು, ಜ್ಯೋತಿಷಿ ಕೆ.ಪಿ.ದಕ್ಷಿಣಾಮೂರ್ತಿ, ರೈಲ್ವೆ ಇಲಾಖೆ ನಿವೃತ್ತ ಅಧಿಕಾರಿ ಗುರುಮೂರ್ತಿ ಆಚಾರ್, ಜಿಲ್ಲಾ ಉತ್ತಮ ಶಿಕ್ಷಕಿ, ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ ಕಿಬ್ಬೆಟ್ಟ ಕುಶಾಲನಗರ ಎಂ.ಪಿ.ವಿಶಾಲಾಕ್ಷಿ ಅವರನ್ನು ಸನ್ಮಾನಿಸಿ, ಗೌರವಿಸಲಾಯಿತು.

ಶ್ರೀ ಕಾಳಿಕಾಂಬ ದೇವಾಲಯ ಸೇವಾ ಸಮಿತಿ ದೊಡ್ಡ ಹರವೆ ಗ್ರಾಮದ ಗೌರವ ಸಲಹೆಗಾರ ಸೋಮಾಚಾರ್, ಗೌರವಾಧ್ಯಕ್ಷ ನಾಗರಾಜ್ ಆಚಾರ್, ಅಧ್ಯಕ್ಷ ಬಿ.ಜಗದೀಶ್, ಪ್ರಧಾನ ಕಾರ್ಯದರ್ಶಿ ಎನ್.ಅಶೋಕ್, ಹಾಸನ ಜಿಲ್ಲಾ ವಿಶ್ವಕರ್ಮ ಸಮಾಜದ ಖಜಾಂಚಿ ಲೋಕೇಶ್, ಕುಶಾಲನಗರ ತಾಲೂಕು ಘಟಕ ಅಧ್ಯಕ್ಷ ಲಿಂಗಮೂರ್ತಿ, ಚಂದ್ರಶೇಖರ್, ತಾಂಡವಮೂರ್ತಿ, ಅಣ್ಣಯ್ಯ ಆಚಾರ್, ಹಾಸನ ತಾಲೂಕಿನ ಗೌರವಾಧ್ಯಕ್ಷ ಲೋಕೇಶ್ ಆಚಾರ್, ವಿಶ್ವಕರ್ಮ ಹುಣಸೂರು ತಾಲೂಕು ಮಹಿಳಾ ಘಟದಕ ಗೌರವ ಅಧ್ಯಕ್ಷೆ ಭಾಗ್ಯಾ, ಲೋಕೇಶ್ ಕುಂದನಹಳ್ಳಿ, ಕೆ.ಟಿ.ಸತೀಶ್‌ಸ್ವಾಮಿ, ವೆಂಕಟೇಶ್, ಮಹಾದೇವಾಚಾರಿ, ಸ್ವಾಮಿಗೌಡ, ಮಂಜು, ನಾಗರಾಜ್, ಸುರೇಶ್, ವೀರಭದ್ರಾಚಾರಿ, ಸಂಘದ ಕಾರ್ಯಾಧ್ಯಕ್ಷ ಜೆ.ಪ್ರಕಾಶ್, ಉಪಾಧ್ಯಕ್ಷ ಲೋಕೇಶ್ ಆಚಾರಿ, ಹೊನ್ನಾಚಾರಿ, ಪ್ರಸನ್ನಮೂರ್ತಿ, ಸಹ ಕಾರ್ಯದರ್ಶಿ ತ್ಯಾಗರಾಜು, ಸುದರ್ಶನ್, ಖಜಾಂಚಿ ವಿನಯ್ ಪ್ರಸಾದ್, ಸಂಘಟನಾ ಕಾರ್ಯದರ್ಶಿಗಳಾದ ಮಂಜು, ಸುಬ್ರಮಣ್ಯ, ಪ್ರಮೋದ್ ಕುಮಾರ್, ಕೆ.ಕೆ.ರವಿ, ಸಿದ್ದರಾಜು, ಸುರೇಶ್‌ಆಚಾರಿ, ಲೋಕೇಶ್ ಇದ್ದರು.