ಗೃಹತ್ಯಾಜ್ಯ ವಿಲೇವಾರಿಗೆ ಎನ್ಜಿಒ ಕಾರ್ಯನಿರ್ವಹಿಸುತ್ತಿದ್ದು 90 ಟನ್ ಪ್ಲಾಸ್ಟಿಕ್ ವೇಸ್ಟ್ ಎಂಆರ್ಎಫ್ ಸಂಸ್ಥೆಗೆ ನೀಡಲಾಗಿದೆ ಎಂದು ಎನ್ಜಿಒ ಸೂಪರ್ವೈಸರ್ ವಿಶಾಲಾ ತಿಳಿಸಿದರು. ಲಿಂಗಪ್ಪಯ್ಯನ ಕಾಡಿನ ವಿಜಾಪುರ ಕಾಲನಿಯಲ್ಲಿ ಜನ ಹಸಿ ಮತ್ತು ಒಣಕಸ ಒಟ್ಟಿಗೆ ತಂದು ರಸ್ತೆ ಬದಿ ರಾಶಿ ಹಾಕುತ್ತಾರೆ ಎಂದರು. ಭೀಮಾಶಂಕರ್ ಮಾತನಾಡಿ, ಪಂಚಾಯಿತಿ ಕಾರ್ಮಿಕರು ಬೆಳಗ್ಗೆ ಬೇಗ ಹೋಗುತ್ತಿಲ್ಲ, ಪೌರ ಕಾರ್ಮಿಕರು ಒರಟಾಗಿ ವರ್ತಿಸಿ ಕಸ ವಾಪಾಸ್ ಎಸೆಯುತ್ತಾರೆ ಎಂದು ದೂರಿದರು. ಸದಸ್ಯ ಮಂಜುನಾಥ ಕಂಬಾರ ಮಾತನಾಡಿ, ವಿಜಾಪುರ ಕಾಲನಿಯಲ್ಲಿ ಒಳ ಬಾಡಿಗೆ ವಿಷಯವಾಗಿ ಪರಿಶೀಲನೆ ನಡೆಸಲು ಹೇಳುತ್ತಿದ್ದರೂ ಪಂಚಾಯಿತಿ ಅಧಿಕಾರಿಗಳು ಸ್ಪಂದಿಸುತ್ತಿಲ್ಲ, ಇದು ಪಂಚಾಯಿತಿಗೆ ಕರ ನಷ್ಟ ಎಂದರು.
