ಶಿಬಿರ ಕನಿಷ್ಠ 20 ದಿನಗಳಿಂದ 40 ದಿನಗಳವರೆಗೆ ನಡೆಯುತ್ತದೆ, ಕನಿಷ್ಠ ಮೂರು ವರ್ಷಗಳ ಕಾಲ ಶಿಬಿರದಲ್ಲಿ ಭಾಗವಹಿಸಿ, ಪೌರೋಹಿತ್ಯ ವಿಧಿ ವಿಧಾನಗಳ ಪ್ರಾಥಮಿಕ ಜ್ಞಾನವನ್ನು ಗಳಿಸಬಹುದು, ಸ್ಪಷ್ಟ ಉಚ್ಚಾರಣೆ, ಮಂತ್ರಗಳ ಸ್ವರ ಏರಿಳಿತಗಳ ಅನುಭವ, ವಿದ್ಯಾರ್ಥಿಗಳಲ್ಲಿ ಏಕಾಗ್ರತೆ ಮೂಡಿಸಲು ಸಹಕಾರಿ. ವೇದಗಳಲ್ಲಿ ಬರುವ ಸೂಕ್ತಗಳು, ಗಾಯತ್ರಿ ಮಂತ್ರ ಉಚ್ಚಾರಣೆ, ಪಾರಾಯಣಗಳು, ನಿತ್ಯ ಜಪ, ನಿತ್ಯ ಪೂಜಾ ವಿಧಿವಿಧಾನ, ಪವಮಾನ ಸಹಿತ ಹಲವು ವಿಚಾರಗಳನ್ನು ವಸಂತ ವೇದ ಶಿಬಿರದಲ್ಲಿ ಬೋಧಿಸಲಾಗುತ್ತದೆ. ಕೇವಲ ಬೋಧನೆ ಮಾತ್ರವಲ್ಲದೆ, ಮಂತ್ರಗಳ ಕಂಠಪಾಠ, ಮನನ ಮಾಡುವುದು ಹೇಳಿಕೊಡಲಾಗುತ್ತದೆ. ವಿದ್ಯಾರ್ಥಿಯು ಈ ಶಿಬಿರದಲ್ಲಿ ಭಾಗವಹಿಸಿ, ಭವಿಷ್ಯದಲ್ಲಿ ಪೌರೋಹಿತ್ಯವನ್ನು ಜೀವನಾಧಾರವಾಗಿಸಿಕೊಳ್ಳಲು ಆಸಕ್ತನಾದರೆ ಈ ಶಿಬಿರದಲ್ಲಿ ಸಿಗುವ ಪ್ರಾಥಮಿಕ ಜ್ಞಾನ ಭವಿಷ್ಯದ ಕಲಿಕೆಗೆ ಸಹಕಾರಿ.
