ಪತ್ನಿಯ ಕುಟುಂಬಸ್ಥರಿಂದಲೇ ಗಂಡನ ಹತ್ಯೆ! ಪ್ರೀತಿಯ ಗಂಡನ ಬರ್ತ್​ ಡೇ ಸಂಭ್ರಮದಲ್ಲಿದ್ದವಳಿಗೆ ಆಘಾತ...

ಬೆಂಗಳೂರು: ರಾಜಗೋಪಾಲ್ ನಗರ ಪೊಲೀಸ್ ಠಾಣಾ ವ್ಯಾಪ್ತಿಯ ಲಗ್ಗೆರೆಯಲ್ಲಿ ಹಾಡಹಗಲೇ ನವವಿವಾಹಿತನೊಬ್ಬ ತನ್ನ ಪತ್ನಿಯ ಕುಟುಂಬಸ್ಥರಿಂದಲೇ ಬರ್ಬರವಾಗಿ ಕೊಲೆಯಾಗಿದ್ದಾನೆ.

ತುಮಕೂರು ಜಿಲ್ಲೆಯ ಹುಲಿಯೂರು ಗ್ರಾಮದ ಚೇತನ್ (25) ಕೊಲೆಯಾದವ. ಎರಡು ತಿಂಗಳ ಹಿಂದಷ್ಟೇ ಭೂಮಿಕಾ ಜತೆ ಮದುವೆ ಆಗಿದ್ದ ಚೇತನ್​, ಮದ್ವೆ ಬಳಿಕ ಬೆಂಗಳೂರಿನ ಲಗ್ಗೆರೆಯಲ್ಲಿ ಮನೆ ಮಾಡಿಕೊಂಡು ವಾಸವಿದ್ದ. ಚೇತನ್ ಎಲೆಕ್ಟ್ರಿಕ್ ಕೆಲಸ ಮಾಡುತ್ತಿದ್ದ. ಬರ್ತ್​ ಡೇ ಸಂಭ್ರಮದಲ್ಲಿದ್ದ ಚೇತನ್​ ಇಂದು ತನ್ನ ಪತ್ನಿಯ ಅಣ್ಣ ಮತ್ತು ಚಿಕ್ಕಪ್ಪನಿಂದಲೇ ಬರ್ಬರವಾಗಿ ಕೊಲೆಯಾಗಿದ್ದಾನೆ. ಇಷ್ಟಕ್ಕೆಲ್ಲ ಕಾರಣ ಏನು ಗೊತ್ತಾ? ಇದನ್ನೂ ಓದಿರಿ  ಕೊಳೆತ ಸ್ಥಿತಿಯಲ್ಲಿ ಪ್ರೇಮಿಗಳ ಶವ ಮರದಲ್ಲೇ ನೇತಾಡುತ್ತಿತ್ತು! ಬೆಚ್ಚಿಬಿದ್ದ ಸ್ಥಳೀಯರು

ಭೂಮಿಕಾ ಮತ್ತು ಚೇತನ್ ಇಬ್ಬರೂ ಪರಸ್ಪರ ಪ್ರೀತಿಸುತ್ತಿದ್ದರು. ​ಆದರೆ ಮನೆಯವರ ಬಲವಂತಕ್ಕೆ ವಿಜಯ್ ಎಂಬಾತನೊಂದಿಗೆ ಭೂಮಿಕಾ ಸಪ್ತಪದಿ ತುಳಿದಿದ್ದಳು. ಚಿಕ್ಕಪ್ಪ ನಂಜುಂಡೇಗೌಡ ಮತ್ತು ಅಣ್ಣ ಆಕಾಶ್ ಸೇರಿ ಭೂಮಿಕಾಳ ಮದುವೆಯನ್ನು ಅದ್ದೂರಿಯಾಗಿ ಮಾಡಿದ್ದರು. ಮದುವೆಯಾದ ಒಂದು ವಾರಕ್ಕೆ ವಿಜಯ್‌ನನ್ನು ಬಿಟ್ಟು ಚೇತನ್ ಜೊತೆ ಭೂಮಿಕಾ ಬಂದಿದ್ದಳು.

ಇಂದು ಚೇತನ್​ ಬರ್ತ್​ ಡೇ ಇತ್ತು. ಚೇತನ್​ಗೆ ವಿಶ್​ ಮಾಡೋ ನೆಪದಲ್ಲಿ ಭೂಮಿಕಾಳ ಅಣ್ಣ ಆಕಾಶ್​ ಮತ್ತು ಚಿಕ್ಕಪ್ಪ ನಂಜೇಗೌಡ ಹಾಗೂ ಮತ್ತೊಬ್ಬ ದೀಪಕ್ ಬಂದಿದ್ದರು. ಜತೆಗೆ ಕೇಕ್​ ಅನ್ನೂ ತಂದಿದ್ದರು. ಅಣ್ಣ, ಚಿಕ್ಕಪ್ಪ ಬಂದ ಖುಷಿಯಲ್ಲಿದ್ದ ಭೂಮಿಕಾಗೆ ಇವರೇ ತನ್ನ ಪ್ರಿಯಕರನ ಹಂತಕರಾಗ್ತಾರೆ ಎಂದು ಗೊತ್ತಿರಲಿಲ್ಲ. ಏನೋ ನೆಪ ಮಾಡಿ ಭೂಮಿಕಾಳನ್ನು ಹೊರ ಕಳುಹಿಸಿದ ಆರೋಪಿಗಳು ಚೇತನ್​ ಮೇಲೆ ಮಾರಾಕಾಸ್ತ್ರಗಳಿಂದ ಹಲ್ಲೆ ಮಾಡಿ ಕೊಂದಿದ್ದಾರೆ. ಆರೋಪಿಗಳು ಪರಾರಿಯಾಗಿದ್ದು, ಪತ್ತೆಗೆ ಬಲೆ ಬೀಸಲಾಗಿದೆ ಎಂದು ಉತ್ತರ ವಿಭಾಗ ಡಿಸಿಪಿ ಧರ್ಮೇಂದ್ರ ಕುಮಾರ್ ಮೀನಾ ಹೇಳಿದ್ದಾರೆ.

https://www.vijayavani.net/mp-prajwal-revanna-talks-about-marriage/

https://www.vijayavani.net/gram-panchayat-election-quarrel-death/

https://www.vijayavani.net/dog-mysore-arrest-police-case/

https://www.vijayavani.net/elephant-problms-prajwal-revnna-preetham-gowda/