ಕಿಯೋನಿಕ್ಸ್​ ಇ-ಪೋರ್ಟಲ್​ ಲೋಕಾರ್ಪಣೆ: ಡಿಸಿಎಂ ಡಿ.ಕೆ.ಶಿವಕುಮಾರ್​ ಉದ್ಘಾಟನೆ

ಬೆಂಗಳೂರು:ರಾಜ್ಯದಲ್ಲಿ ವಿದ್ಯುನ್ಮಾನ ಉದ್ಯಮವನ್ನು ಉತ್ತೇಜಿಸಲು, ಮಾಹಿತಿ ತಂತ್ರಜ್ಞಾನ ಹಾಗೂ ಇ-ಆಡಳಿತ ಸೇವೆ ಒದಗಿಸುತ್ತಿರುವ ಕರ್ನಾಟಕ ರಾಜ್ಯ ವಿದ್ಯುನ್ಮಾನ ಅಭಿವೃದ್ಧಿ ನಿಗಮ ನಿಯಮಿತದ (ಕಿಯೋನಿಕ್ಸ್​) ನೂತನ ಇ-ಕಾರ್ಮಸ್​ ಪೋರ್ಟಲ್​ ಸೋಮವಾರ ಲೋಕಾರ್ಪಣೆಗೊಂಡಿದೆ. ಈ ಮೂಲಕ 2 ವರ್ಷಗಳಿಂದ ಎದುರಿಸುತ್ತಿದ್ದ ಹಲವು ಸಮಸ್ಯೆಗಳಿಗೆ ಕಿಯೋನಿಕ್ಸ್​ ಪರಿಹಾರ ಒದಗಿಸಿದೆ.

ಸರ್ಕಾರದ ವಿವಿಧ ಇಲಾಖೆಗಳು ತಮಗೆ ಅವಶ್ಯವಾದ ಸಾಮಗ್ರಿಗಳನ್ನು ಜಾಗತಿಕ ಸ್ಪರ್ಧಾತ್ಮಕ ದರ ಹೊಂದಲು ಅನುಕೂಲವಾಗುವಂತೆ ಪೋರ್ಟಲ್​ ಅಭಿವೃದ್ಧಿಪಡಿಸಲಾಗಿದೆ. ಕಂಪ್ಯೂಟರ್​, ಹಾರ್ಡ್​ವೇರ್​, ಸಾಫ್ಟ್​​ವೇರ್​​​​, ವಿದ್ಯುನ್ಮಾನ ಮತ್ತು ಸೋಲಾರ್​ ಉಪಕರಣಗಳನ್ನು ಸರ್ಕಾರದ ವಿವಿಧ ಇಲಾಖೆಗಳಿಗೆ ಸಂಸ್ಥೆ ಸರಬರಾಜು ಮಾಡುತ್ತಿದೆ.

ಡಿಸಿಎಂ ಡಿ.ಕೆ. ಶಿವಕುಮಾರ್​ ಮಾತನಾಡಿ, ಮಾಹಿತಿ ತಂತ್ರಾಜ್ಷಾನ ಕ್ಷೇತ್ರದಲ್ಲಿ ಆಳವಾದ ಅನುಭವ ಹೊಂದಿರುವ ಕಿಯೋನಿಕ್ಸ್​, ಹೊಸ ಇ-ಕಾಮರ್ಸ್​ ಪೋರ್ಟಲ್​ ಮೂಲಕ ರಾಜ್ಯ ಮತ್ತು ದೇಶಕ್ಕೆ ಹೊಸ ಮುನ್ನುಡಿ ಬರೆಯಲಿದೆ. ತಂತ್ರಾನದಿಂದಲೇ ಅಭಿವೃದ್ಧಿ, ಸಂಪತ್ತು ಮತ್ತು ಶಿಕ್ಷಣ ಎನ್ನುವಂತಾಗಿದೆ. ಪ್ರತಿಯೊಂದು ಏಳಿಗೆಯೂ ತಂತ್ರಾನದ ಮೂಲಕ ನೋಡುವಂತಾಗಿದೆ. ಗ್ರಾಮೀಣ ಭಾಗದ ಯುವಕರಿಗೆ ಹೊಸ ತಂತ್ರಾನದ ಶಿಕ್ಷಣ ನೀಡಿರುವ ಕಿಯೋನಿಕ್ಸ್​ ಉದ್ಯೋಗ ಸೃಷ್ಟಿ ಮಾಡಿದೆ. ನೂತನ ತಂತ್ರಾನದ ವಿಚಾರದಲ್ಲಿ ಈ ಸಂಸ್ಥೆ ದೇಶಕ್ಕೆ ಮಾದರಿಯಾಗಿದೆ ಎಂದರು.

ಅನೇಕ ರಾಜ್ಯಗಳಿಗೆ ತನ್ನ ಸೇವೆಯನ್ನು ನೀಡುತ್ತಿದ್ದ ಈ ಸಂಸ್ಥೆ ಒಂದಷ್ಟು ವರ್ಷಗಳಿಂದ ಮಂಕಾಗಿತ್ತು. ಇದಕ್ಕೆ ಪರಿಹಾರ ನೀಡುವ ಉದ್ದೇಶದಿಂದ ಸಚಿವ ಪ್ರಿಯಾಂಕ್​ ರ್ಖಗೆ ನೇತೃತ್ವದಲ್ಲಿ ಶರತ್​ ಬಚ್ಚೇಗೌಡರ ಆಲೋಚನೆಯಿಂದ ಸಂಸ್ಥೆಗೆ ಹೊಸ ರೂಪ ಸಿಕ್ಕಿದೆ. ನಾವೆಲ್ಲರೂ ವಿದ್ಯುನ್ಮಾನ ತಂತ್ರಾನದಲ್ಲಿ ಬೆಳೆದಿದ್ದೇವೆ. ಇಡೀ ಪ್ರಪಂಚವೇ ಬೆಂಗಳೂರನ್ನು ನೋಡುವಂತಾಗಿದೆ. ನೂತನ ವೆಬ್​ಸೈಟ್​ ಮೂಲಕ ಅನೇಕ ಉದ್ದಿಮೆಗಳಿಗೆ ನೆರವಾಗಲಿದೆ ಎಂದು ಡಿಸಿಎಂ ಹೇಳಿದರು. ಕಿಯೋನಿಕ್ಸ್​ ಸಂಸ್ಥೆಯ ವಿವಿಧ ಹುದ್ದೆಗಳಿಗೆ ನೇಮಕಗೊಂಡ ಸಿಬ್ಬಂದಿ ವರ್ಗದವರಿಗೆ ಡಿಸಿಎಂ ನೇಮಕಾತಿ ಪತ್ರ ವಿತರಿಸಿದರು. ಮಾಹಿತಿ ತಂತ್ರಾನ ಇಲಾಖೆ ಕಾರ್ಯದರ್ಶಿ ಎಕರೂಪ್​ ಕೌರ್​ ಮತ್ತಿತರರಿದ್ದರು.

ಪಾರದರ್ಶಕ ವ್ಯವಹಾರ: ಇ-ಪೋರ್ಟಲ್​ನಲ್ಲಿ ಪಾರದರ್ಶಕ ಮೂಲಕ ವ್ಯವಹಾರ ನಡೆಸಲು ಸಾಧ್ಯವಾಗಲಿದೆ ಎಂದು ಕಿಯೋನಿಕ್ಸ್​ ಅಧ್ಯ ಶರತ್​ ಬಚ್ಚೇಗೌಡ ಹೇಳಿದರು. ಟೆಂಡರ್​ ಪ್ರಕ್ರಿಯೆ ಸರಳೀಕರಣಗೊಳಿಸಲು ಮತ್ತು ಪಾರ್ದರ್ಶಕತೆ ಕಾಪಾಡಿಕೊಳ್ಳುವ ನಿಟ್ಟಿನಲ್ಲಿ ಸಂಪೂರ್ಣ ಪ್ರಕ್ರಿಯೆ ಡಿಜಿಟಲಿಕರಣಗೊಳಿಸಲಾಗುತ್ತಿದೆ. ಸರ್ಕಾರದ ಬೇರೆ ಇಲಾಖೆಗಳು ತಮಗೆ ಅವಶ್ಯವಾದ ಸಾಮಗ್ರಿಗಳನ್ನು ನಿಯಮಬದ್ಧವಾಗಿ ದರಗಳಲ್ಲಿ ಕೊಳ್ಳಲು ಅನುಕೂಲವಾಗುವಂತೆ ಪೋರ್ಟಲ್​ ಸಿದ್ಧಪಡಿಸಿದ್ದೇವೆ. ಹೊಸ ರೂಪ ಮತ್ತು ಆಶಯಗಳೊಂದಿಗೆ ಸೇವೆಗೆ ಸಿದ್ಧವಾಗಿದ್ದೇವೆ ಎಂದರು.

ಇ-ಆಡಳಿತ ಯೋಜನೆ ಅನುಷ್ಠಾನ ಸೇರಿ ಮಾಹಿತಿ ತಂತ್ರಜ್ಞಾನ ಸೇವೆ ನೀಡುತ್ತಿರುವ ಕಿಯೋನಿಕ್ಸ್​ ಎದುರಿಸುತ್ತಿದ್ದ ಸಮಸ್ಯೆಗಳಿಗೆ ಹೊಸ ಇ-ಕಾಮರ್ಸ್​ ಪೋರ್ಟಲ್​ ಮೂಲಕ ಪರಿಹಾರ ಸಿಕ್ಕಿದೆ. ಎಲ್ಲ ವ್ಯವಹಾರಗಳು ಪಾರದರ್ಶಕತೆಯಿಂದ ನಡೆಯಲಿವೆ. ಇನ್ನಷ್ಟು ಸೇವೆ ನೀಡಲು ಸಂಸ್ಥೆ ಬದ್ಧವಾಗಿದೆ.

| ಪ್ರಿಯಾಂಕ್​ ಖರ್ಗೆ, ಐಟಿ-ಬಿಟಿ ಸಚಿವ.

https://www.vijayavani.net/price-extortion-by-aggregator-companies-set-arbitrary-prices-during-pick-up-hours