ವಿಕಸಿತ ಭಾರತದಲ್ಲಿ ವಿಜ್ಞಾನಿಗಳ ಪಾತ್ರ ಹಿರಿದು

ಕಲಬುರಗಿ: ವಿಕಸಿತ ಭಾರತ ಸಾಧಿಸುವಲ್ಲಿ ವಿಜ್ಞಾನಿಗಳ ಪಾತ್ರ ಹಿರಿದಾಗಿದೆ ಎಂದು ಕರ್ನಾಟಕ ಕೇಂದ್ರೀಯ ವಿಶ್ವವಿದ್ಯಾಲಯದ ಕುಲಸಚಿವ ಪ್ರೊ.ಆರ್.ಆರ್. ಬಿರಾದಾರ್ ಹೇಳಿದರು.

ವಿಶ್ವವಿದ್ಯಾಲಯದಲ್ಲಿ ರಸಾಯನಶಾಸ್ತç ವಿಭಾಗ ಗುರುವಾರ ಏರ್ಪಡಿಸಿದ್ದ ರಾಷ್ಟಿçÃಯ ವಿಜ್ಞಾನ ದಿನ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಪ್ರತಿವರ್ಷ ಫೆ.೨೮ರಂದು ಸರ್ ಸಿ.ವಿ.ರಾಮನ್ ಅವರ ರಾಮನ್ ಎಫೆಕ್ಟ್ ದಿನ ಒಂದು ನಿರ್ದಿಷ್ಟ ಥೀಮ್‌ನೊಂದಿಗೆ ಆಚರಿಸಲಾಗುತ್ತಿದೆ. ಈ ವರ್ಷದ ಥೀಮ್ ವಿಜ್ಞಾನದಲ್ಲಿ ಮಹಿಳೆಯರು: ವಿಕಸಿತ ಭಾರತ ಸಾಧನೆ ವೇಗಗೊಳಿಸುವುದು ಆಗಿದೆ. ಈ ಕಾರ್ಯಕ್ರಮ ವೈಜ್ಞಾನಿಕ ಮನೋಭಾವಕ್ಕೆ ಉತ್ತೇಜನ, ವಿದ್ಯಾರ್ಥಿಗಳನ್ನು ವೃತ್ತಿಜೀವನದತ್ತ ಪ್ರೇರಣೆ ಮತ್ತು ರಾಷ್ಟç ನಿರ್ಮಾಣ ಚಟುವಟಿಕೆಗಳಿಗೆ ಭಾರತೀಯ ವಿಜ್ಞಾನಿಗಳು ನೀಡಿದ ಅತ್ಯುತ್ತಮ ಕೊಡುಗೆಗಾಗಿ ಅವರನ್ನು ಗೌರವಿಸುವ ಗುರಿ ಹೊಂದಿದೆ ಎಂದು ತಿಳಿಸಿದರು.

೩.೫೭ ಮಿಲಿಯನ್ ಅಂದರೆ ಶೇ.೪೧ ಪದವಿ ವಿದ್ಯಾರ್ಥಿಗಳನ್ನು ಚೀನಾ ಹೊಂದಿದ್ದು, ಭಾರತ ೨.೫೫ ಮಿಲಿಯನ್ ಪದವೀಧರರೊಂದಿಗೆ ಶೇ.೩೦ ಇದೆ. ನಂತರದ ಸ್ಥಾನದಲ್ಲಿ ಅಮೆರಿಕ, ರಷ್ಯಾ, ಜರ್ಮನಿ, ಇರಾನ್‌ಗಳಿವೆ. ಜಾಗತಿಕ ಪದವಿ ವಿದ್ಯಾರ್ಥಿಗಳಲ್ಲಿ ಭಾರತದ ಪಾಲು ಶೇ.೩೧ ಇರುವುದು ದುರದೃಷ್ಟಕರ. ಪದವೀಧರರಲ್ಲಿ ಮಹಿಳೆಯರ ಪಾಲು ಕೇವಲ ಶೇ.೨೭ ಇದ್ದರೆ, ಕೆಲಸ ಮಾಡುವವರದು ಶೇ.೩೦. ವಿಶೇಷವಾಗಿ ಇಂಜಿನಿಯರಿAಗ್, ಡೇಟಾ ಸೈನ್ಸ್ ಮತ್ತು ಎಐನಲ್ಲಿ ಇದು ತುಂಬ ಕಡಿಮೆ ಎಂದು ಕಳವಳ ವ್ಯಕ್ತಪಡಿಸಿದರು.

ವಿಕಸಿತ ಭಾರತ ಸಾಧಿಸುವಲ್ಲಿ ಮಹಿಳೆಯರ ಪ್ರೋತ್ಸಾಹ ಮತ್ತು ಭಾಗವಹಿಸುವಿಕೆ ಹೆಚ್ಚು ಮುಖ್ಯ ಎಂದು ಭಾವಿಸಲಾಗಿದೆ. ಹವಾಮಾನ ಬದಲಾವಣೆ, ಸೈಬರ್ ಭದ್ರತೆ ಮತ್ತು ಶಿಕ್ಷಣ, ಆರೋಗ್ಯ, ಡಿಜಿಟಲ್ ಮಾರ್ಕೆಟಿಂಗ್, ನೀರು ಮತ್ತು ಗಾಳಿ, ಕೃಷಿ, ಬಾಹ್ಯಾಕಾಶ, ರಕ್ಷಣೆ ಮುಂತಾದ ಕ್ಷೇತ್ರಗಳಲ್ಲಿನ ಸಮಸ್ಯೆ ತೊಡೆದುಹಾಕಲು ಮೇಲಿನ ಕ್ಷೇತ್ರಗಳಲ್ಲಿನ ವೈಜ್ಞಾನಿಕ ಸಂಶೋಧನೆ ಮತ್ತು ನಾವೀನ್ಯದ ಅವಶ್ಯಕತೆಯಿದೆ ಎಂದರು.

ಕಾರ್ಯಕ್ರಮ ಸಂಯೋಜಕ ಡಾ.ಒರಿಗುಂಟಿ ಆಂಜನೇಯುಲು, ಪ್ರೊ.ಹನುಮೇಗೌಡ, ಪ್ರೊ.ಶೇಷನಾಥ ಭೋಸ್ಲೆ, ಪ್ರೊ.ರಾಘವಯ್ಯ ಪಿ., ಡಾ.ಹರೀಶ ಹೊಳ್ಳಾ, ಡಾ.ವೆಂಕಟನಾರಾಯಣ, ಡಾ.ದೊರೈಪಾಂಡಿ, ಡಾ.ಅಶೋಕ ಪಬ್ಬತ್ತಿ, ಡಾ.ಭವ್ಯಾ, ಡಾ.ಗೋಪಾಲಕೃಷ್ಣ ಇತರರಿದ್ದರು. ಭೌತ ವಿಜ್ಞಾನ ನಿಕಾಯದ ಡೀನ್ ಪ್ರೊ.ವೆಂಕಟರಮಣ ದೊಡ್ಡಿ ಸ್ವಾಗತಿಸಿ ಪ್ರಾಸ್ತಾವಿಕ ಮಾತನಾಡಿದರು. ಸೌಮ್ಯ ನಿರೂಪಣೆ ಮಾಡಿದರು. ಪ್ರಿಯಾಂಕಾ ವಂದಿಸಿದರು.

ರಸಾಯನಶಾಸ್ತçದ ಬಗ್ಗೆ ಆಸಕ್ತಿದಾಯಕ ಪ್ರಯೋಗ ಪ್ರದರ್ಶಿಸಲಾಯಿತು. ರಾಷ್ಟೊçÃತ್ಥಾನ ಶಾಲೆ, ಅಪ್ಪಾ ಪಬ್ಲಿಕ್ ಶಾಲೆ, ಮೌಂಟ್ ಕಾರ್ಮೆಲ್ ಶಾಲೆ ಮತ್ತು ಗದಗ ಸರ್ಕಾರಿ ಪದವಿ ಕಾಲೇಜು ವಿದ್ಯಾರ್ಥಿಗಳು ಭಾಗವಹಿಸಿದ್ದರು.

"