ಸ್ಕ್ರೀನ್​ ಟಚ್​ ಸಂಸತಿ ಅನಿವಾರ್ಯ

ಕಲಬುರಗಿ: ಡಿಜಿಟಲ್​ ಮಾಧ್ಯಮ ಅನಿವಾರ್ಯವಾಗಿ ಪರಿಗಣಮಿಸಿದೆ. ಈ ಮೂಲಕ ಓದುಗರ ಸಂಖ್ಯೆ ಕುಸಿದಿದೆ. ಸ್ಕ್ರೀನ್​ ಮೂಲಕ ಓದುವವರ ಸಂಖ್ಯೆ ದ್ವಿಗುಣಗೊಂಡಿದೆ. ಮಕ್ಕಳಾದಿಯಾಗಿ ಎಲ್ಲರಿಗೂ ಈ ಮಾಧ್ಯಮ ಹೆಚ್ಚು ಸೂಕ್ತ ಎಂಬ ಕಲ್ಪನೆ ಬಂದಿದೆ. ಹೀಗಾಗಿ ಬದಲಾವಣೆಯೊಂದಿಗೆ ಹೊಂದಿಕೊಳ್ಳುವುದು ಅಷ್ಟೇ ಅನಿವಾರ್ಯವಾಗಿದೆ. ಡಿಜಿಟಲ್​ ಮಾಧ್ಯಮದ ಮೂಲಕ ಏನು ಓದುತ್ತಿದ್ದಾರೆ, ಏನು ಓದಬೇಕಾಗಿದೆ ಎಂಬುದರ ಬಗ್ಗೆ ಗಂಭೀರ ಚಿಂತನೆ ನಡೆಯಬೇಕಿದೆ.

ನಗರದ ಸಿದ್ಧಲಿಂಗೇಶ್ವರ ಬುಕ್​ಮಾಲ್​ ಸಭಾಂಗಣದಲ್ಲಿ ಗುರುವಾರ ಆಯೋಜಿಸಿದ್ದ ಓದುಗರ ಅಂಗಳದಲ್ಲಿ ವಿಜಯವಾಣಿ ಕಾರ್ಯಕ್ರಮದಲ್ಲಿ ಚರ್ಚೆಗೆ ಬಂದ ಪ್ರಮುಖ ಸಂಗತಿಗಳಿವು.

ಸಿದ್ಧಲಿಂಗೇಶ್ವರ ಪ್ರಕಾಶನ ಮಾಲಿಕ ಬಸವರಾಜ ಕೊನೆಕ್​ ಮಾತನಾಡಿ, ಇತ್ತೀಚಿನ ದಿನಗಳಲ್ಲಿ ಓದುಗರ ಸಂಖ್ಯೆ ಗಣನೀಯವಾಗಿ ಕಡಿಮೆಯಾಗಿದೆ. ಪಠ್ಯಪುಸ್ತಕಗಳು ಮಾರಾಟವಾಗುತ್ತಿಲ್ಲ. ಎಲ್ಲರೂ ಪಿಡಿಎಫ್​ ಕೇಳುತ್ತಿದ್ದಾರೆ. ಶಿಕ್ಷಕರು, ಅಧ್ಯಾಪಕರು ಗಮನಹರಿಸಬೇಕಿದೆ. ಓದುವ ವಾತಾವರಣ ಸೃಷ್ಟಿಸಬೇಕಿದೆ. ವಿದ್ಯಾರ್ಥಿಗಳು ಅಂಕಗಳ ಹಿಂದೆ ಬೆನ್ನುಬಿದ್ದಿದ್ದಾರೆ. ಪಾಲಕರೂ ಮಕ್ಕಳನ್ನು ಪ್ರಶ್ನಿಸುತ್ತಿಲ್ಲ. ಓದುವ ಸಂಸತಿ ಬೆಳೆಸಲು ಜನಪ್ರಿಯ ಮಾಲಿಕೆ ಹೊರತರಲಾಗಿದ್ದು, ಅದೂ ಮಾರಾಟವಾಗುತ್ತಿಲ್ಲ ಎಂದು ವಿಷಾದಿಸಿದರು.

ನಿವೃತ್ತ ಪ್ರಾಧ್ಯಾಪಕಿ, ಸಾಹಿತಿ ಡಾ.ಮೀನಾಕ್ಷಿ ಬಾಳಿ ಮಾತನಾಡಿ, ಇತ್ತೀಚಿನ ದಿನಗಳಲ್ಲಿ ಡಿಜಿಟಲ್​ ಮಾಧ್ಯಮ ಎಲ್ಲರಿಗೂ ಸರಳ ಆಗಿದೆ. ಸ್ಕ್ರೀನ್​ ಮೂಲಕ ಓದುವವರ ಸಂಖ್ಯೆ ಹೆಚ್ಚಿದೆ. ಈಗಿನ ಜನ ಈ ಮಾಧ್ಯಮಕ್ಕೆ ಹೆಚ್ಚು ಒತ್ತು ನೀಡುತ್ತಿದ್ದಾರೆ. ಮಕ್ಕಳಿಗೆ ಓದಲು ಏನು ಕೊಡಬೇಕು, ಏನು ಕೊಡಬಾರದು ಎಂಬುದರ ಬಗ್ಗೆ ಸ್ಪಷ್ಟ ನೀತಿ ಇಲ್ಲ. ಕಾಪೋರ್ರೇಟ್​ ಲೋಕ ಎಲ್ಲವನ್ನೂ ಕಲುಷಿತಗೊಳಿಸುತ್ತಿದೆ. ಹಳ್ಳಿ, ಹಳ್ಳಿಗಳಲ್ಲಿ ಫೋನ್​ಪೇ ಸಂಸತಿ ಪ್ರಾರಂಭವಾಗಿದೆ. ಮಾಧ್ಯಮ ನೀತಿ ಹೊರಬರಬೇಕಿದೆ ಎಂದು ಅಭಿಪ್ರಾಯಪಟ್ಟರು.

ಸಾಹಿತಿ ಡಾ.ಚಿ.ಸಿ.ನಿಂಗಣ್ಣ ಮಾತನಾಡಿ, ಒತ್ತಡದ ಬದುಕಿನ ಮಧ್ಯೆ ಓದುಗರ ಸಂಖ್ಯೆ ಕಡಿಮೆಯಾಗಿದೆ. ಟಿವಿ, ಮೊಬೈಲ್​ ಹಾವಳಿ ಹೆಚ್ಚಾಗಿದೆ. ವಿಶೇಷವಾಗಿ ಚಿಕ್ಕ ಮಕ್ಕಳು ಮೊಬೈಲ್​ ಗೀಳಿಗೆ ಅಂಟಿಕೊಂಡಿದ್ದಾರೆ. ಊಟ ಮಾಡಿಸಲು ಮಕ್ಕಳ ಕೈಯಲ್ಲಿ ಮೊಬೈಲ್​ ಕೊಡಬೇಕಾದ ಸ್ಥಿತಿ ನಿರ್ಮಾಣವಾಗಿದೆ ಎಂದು ಕಳವಳ ವ್ಯಕ್ತಪಡಿಸಿದರು.

ಕಲಬುರಗಿ ದೂರದರ್ಶನ ಕೇಂದ್ರದ ನಿವೃತ್ತ ನಿರ್ದೇಶಕ ಎಂ.ಬಿ.ಪಾಟೀಲ್​ ಮಾತನಾಡಿ, ಭಾರತದಲ್ಲಿ ಓದುಗರ ಸಂಖ್ಯೆಗೆ ಕಡಿಮೆ ಏನಿಲ್ಲ. ಡಿಜಿಟಲ್​&ಪ್ರಿಂಟ್​ ಮಧ್ಯೆ ಸಂರ್ಷ ಶುರುವಾಗಿದೆ. ಸ್ಥಿತ್ಯಂತರ ಕಾಲದೊಂದಿಗೆ ಹೊಂದಿಕೊಳ್ಳಬೇಕಾಗಿದೆ. ಚಲನಚಿತ್ರದ ಕಥೆಯನ್ನು ಎಐ ಬರೆಯುತ್ತಿದೆ. ಹೀಗಾಗಿ ಅಮೆರಿಕದಲ್ಲಿ ಸಿನಿಮೆ ಕಥೆ ಲೇಖಕರು ಮುಷ್ಕರ ಮಾಡಿದ್ದಾರೆ. ಹೀಗಾಗಿ ಎಲ್ಲಾ ಕ್ಷೇತ್ರದಲ್ಲೂ ಕ್ರಾಂತಿ ಉಂಟಾಗಿದೆ. ಪಾಲಕರಿಗೆ ಮಕ್ಕಳನ್ನು ಬೆಳೆಸುವ ಕಲೆ ಗೊತ್ತಿಲ್ಲ. ಆಯಾ ಕಾಲಟ್ಟದಲ್ಲಿ ಬಂದದ್ದನ್ನು ಒಪ್ಪಿಕೊಂಡು, ಅದಕ್ಕೆ ಹೊಂದಿಕೊಂಡು ಹೋಗಲೇಬೇಕಾಗಿದೆ ಎಂದು ವಿವರಿಸಿದರು.

ಸಾಹಿತಿ ಡಾ.ಕಾವ್ಯಶ್ರೀ ಮಹಾಗಾಂವಕರ್​ ಮಾತನಾಡಿ, ಜಗತ್ತು ತಂತ್ರಜ್ಞಾನದೊಂದಿಗೆ ಓಡುತ್ತಿದೆ. ಹಳೆಯ ಪರಂಪರೆ ಮುರಿದು ಹೊಸದಕ್ಕೆ ಸ್ಥಳಾಂತರಗೊಳ್ಳುತ್ತಿದ್ದಾರೆ ಎಂದರು.

ಕಲಾವಿದ ಕಿರಣ್​ ಪಾಟೀಲ್​ ಮಾತನಾಡಿ, ಸಮಾಜದಲ್ಲಿ ನಾವು ಬದುಕಬೇಕು ಎಂದಾದರೆ ಬದಲಾವಣೆಯ ಬಿರುಗಾಳಿಯೊಂದಿಗೆ ನಾವೂ ಬದಲಾಗಬೇಕು ಎಂದರು.

ಸಾಹಿತಿ ಡಾ.ಶರಣಬಸಪ್ಪ ವಡ್ಡನಕೇರಿ ಮಾತನಾಡಿ, ಪುಸ್ತಕಗಳ ವಿಮರ್ಶೆಯಲ್ಲಿ ಹೆಚ್ಚಳವಾಗಬೇಕು, ಪತ್ರಿಕೆಗಳಲ್ಲಿ ಪುಸ್ತಕ ವಿಮರ್ಶೆಗೆ ಆದ್ಯತೆ ದೊರೆಯಬೇಕು ಎಂದರು. ವಿಶ್ವನಾಥ ಭಕರೆ ಮಾತನಾಡಿದರು.

ವಿಜಯವಾಣಿ ಸ್ಥಾನಿಕ ಸಂಪಾದಕ ಬಾಬುರಾವ್​ ಯಡ್ರಾಮಿ ಪ್ರಾಸ್ತಾವಿಕ ಮಾತನಾಡಿ, ಪತ್ರಿಕೆ ಮಾತ್ರವಲ್ಲ. ಒಟ್ಟಾರೆ ಓದುವ ಸಂಸತಿ ಬೆಳೆಸಲು ನಮ್ಮ ಪತ್ರಿಕೆ ಒಂದಿಲ್ಲೊಂದು ವಿನೂತನ ಕಾರ್ಯಕ್ರಮದ ಮೂಲಕ ಪ್ರಯತ್ನ ಮಾಡುತ್ತಿದೆ. ಓದುಗರ ಅಂಗಳದಲ್ಲಿ ವಿಜಯವಾಣಿ ಶೀರ್ಷಿಕೆ ಅಡಿ ನಗರದ ವಿವಿಧ ಬಡಾವಣೆಗಳಲ್ಲಿ ಓದುಗರ ಮನೆಯಲ್ಲಿ ಸಾಹಿತ್ಯ, ಸಂಗೀತ, ನಾಟಕ, ಕಲೆ, ಕೃಷಿ, ವಿಜ್ಞಾನ ತಂತ್ರಜ್ಞಾನ, ಮೂಲಸೌಲಭ್ಯ ಸಮಸ್ಯೆ ಹೀಗೆ ಹಲವು ಹತ್ತು ವಿಷಯಗಳ ಬಗ್ಗೆ ಚಿಂತನ, ಮಂಥನ ನಡೆಸಿ ಪತ್ರಿಕೆಯಲ್ಲಿ ಪ್ರಕಟಿಸುವ ಮೂಲಕ ಬೆಳಕುಚೆಲ್ಲುವ ಕೆಲಸ ಮಾಡುತ್ತಿದೆ ಎಂದು ಹೇಳಿದರು.

ನಿವೃತ್ತ ಪ್ರಾಚಾರ್ಯ, ಹಿರಿಯ ಸಾಹಿತಿ ಡಾ.ಸ್ವಾಮಿರಾವ್​ ಕುಲಕರ್ಣಿ ಮಾತನಾಡಿ, ಸಮಾಜದಲ್ಲಿ ಹೊಸತು ಬಂದಾಗ ಕಕ್ಕಾಬಿಕ್ಕಿಯಾಗುವುದು ಸಾಮಾನ್ಯ. ರೇಡಿಯೊ, ಟಿವಿ, ಮೊಬೈಲ್​ ಬಂದಾಗಲೂ ಹೀಗೆ ಆಗಿತ್ತು. ಓದು, ವಿಷಯ ಸಂಗ್ರಹ, ಮಾಧ್ಯ, ಓದುವ ವಿವಿಧ ಮಾರ್ಗ ಹೀಗೆ ಯಾವುದನ್ನೂ ಬೇಡ ಎನ್ನುವ ಸ್ಥಿತಿಯಲ್ಲಿಲ್ಲ. ಸಮಸ್ಯೆಗೆ ಪರಿಹಾರವೂ ಇದೆ. ಹೊಸ, ಹೊಸ ಆಲೋಚನೆಗಳು ಹೊರಬರಬೇಕು. ಸಾಹಿತ್ಯ, ಸಂಸತಿ ಕುರಿತು ವಿದ್ಯುನ್ಮಾನ, ಮುದ್ರಣ ಮಾಧ್ಯಮದಲ್ಲಿ ಸ್ಥಳಾವಕಾಶ ನೀಡಬೇಕು. ಓದು ನಿರಂತರ, ಆಶಾವಾದಿಗಳಾಗಿರಬೇಕು. ಓದಿನಿಂದ ಸಮಗ್ರ ಜ್ಞಾನ ಸಿಗಲಿದೆ ಎಂಬುದರಲ್ಲಿ ಎರಡು ಮಾತಿಲ್ಲ ಎಂದು ವಿವರಿಸಿದರು.

ಶರಣು, ಸಿದ್ಧಲಿಂಗ ಕೊನೆಕ್​, ವಿಜಯವಾಣಿಯ ಜಯತೀರ್ಥ ಪಾಟೀಲ್​, ಅರುಣ ಗಡ್ಡದ್​, ರಮೇಶ ಬಳ್ಳಾ, ಸುರೇಶ ಗುತ್ತೇದಾರ್​, ರಾಜಕುಮಾರ ಉದನೂರ್​ ಇತರರಿದ್ದರು.

"