ಕಲಬುರಗಿಯ ವಿಜಿ ಮಹಿಳಾ ಕಾಲೇಜಿನ ವಿದ್ಯಾರ್ಥಿನಿ ಸೃಷ್ಟಿ ಪಾಟೀಲ್​ ರಾಜ್ಯಕ್ಕೆ ಪ್ರಥಮ

ನಗರದ ಗಾಜಿಪುರ ನಿವಾಸಿ, ಮಲ್ಲಿನಾಥ ಪಾಟೀಲ್​, ಸವಿತಾ ದಂಪತಿಯ ಪುತ್ರಿಯಾಗಿರುವ ಸೃಷ್ಟಿ ಪಾಟೀಲ್​ ಸಾಧನೆಯನ್ನು ಮೆರೆದಿದ್ದಾರೆ. ತಂದೆ ನಗರದಲ್ಲಿ ಹೊಟೇಲ್​ ಮಾಡಿಕೊಂಡಿದ್ದಾರೆ. ವಿಜಿ ಮಹಿಳಾ ಕಾಲೇಜಿನ ಇತಿಹಾಸದಲ್ಲೇ ಪ್ರಥಮ ಬಾರಿಗೆ ರಾಜ್ಯ ಮಟ್ಟದಲ್ಲಿ ಪ್ರಥಮ ರ್ಯಾಂಕ್​ ಪಡೆದಿದ್ದು, ಹಿಂದುಳಿದ ಜಿಲ್ಲೆಯಿಂದಲೂ ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದು, ಇತರ ವಿದ್ಯಾರ್ಥಿಗಳಿಗೆ ಪ್ರೇರಣೆಯಾಗಿದ್ದಾರೆ.

ನಗರದ ಚೇತನ್​ ಯೂಥ್​ ೋರಂ ಶಾಲೆಯಲ್ಲಿ ಪ್ರಾಥಮಿಕ, ಪ್ರೌಢ ಶಾಲೆಯಲ್ಲಿ ಅಧ್ಯಯನ ಮಾಡಿದ್ದು, ಎಸ್ಸೆಸ್ಸೆಲ್ಸಿಯಲ್ಲಿ ಶೇ.95.04 ಅಂಕ ಪಡೆದಿದ್ದರು. ಸ್ಪರ್ಧಾತ್ಮಕ ಪರೀೆ ಬರೆಯುವ ಗುರಿಯೊಂದಿಗೆ ಕಲಾ ವಿಭಾಗವನ್ನು ಆಯ್ಕೆಮಾಡಿಕೊಂಡಿದ್ದರು. ಕಾಲೇಜಿನಲ್ಲಿ ಉಪನ್ಯಾಸಕರು ಹೇಳಿದ್ದನ್ನು ಅಧ್ಯಯನ ಮಾಡಿ, ಪುನರ್​ ಮನನ ಮಾಡಿಕೊಂಡಿದ್ದೆ. ಮೊಬೈಲ್​ನಿಂದ ದೂರ ಇದ್ದೆ. ತರಗತಿ ನಂತರ ಗ್ರಂಥಾಲಯದಲ್ಲಿ ಗುಂಪು ಅಧ್ಯಯನ ಮಾಡಿದ್ದು ಅನುಕೂಲವಾಗಿದೆ. ಕಾಲೇಜಿನಲ್ಲಿ ವಾರ, ತಿಂಗಳಿಗೊಮ್ಮೆ ತೆಗೆದುಕೊಳ್ಳುತ್ತಿದ್ದ ಕಿರು ಪರೀೆಗಳು ಅಧ್ಯಯನಕ್ಕೆ ಬಲ ನೀಡಿದ್ದವು ಎಂದು ಸೃಷ್ಟಿ ಪಾಟೀಲ್​ ಹೇಳಿದರು.