ಪಿಸ್ತೂಲ್​ ತೋರಿಸಿ ಬೆದರಿಸಿದವರು ಅರೆಸ್ಟ್​

ಜು.22ರಂದು ಬಿದ್ದಾಪುರ ಕಾಲನಿ ಬಳಿಯ ಬಾರ್​ ಆ್ಯಂಡ್​ ರೆಸ್ಟೋರೆಂಟ್​ನಲ್ಲಿ ಊಟ ಮಾಡಲು ಬಂದಿದ್ದು, ಎಸಿ ರೂಂನಲ್ಲಿ ಕುಳಿತು ನೆಲದ ಮೇಲೆ ಗುಟಕಾ ಉಗುಳಿದಲ್ಲದೇ ಪ್ರಶ್ನಿಸಿದ ವೇಟರ್​ ಜತೆಗೆ ಜಗಳ ತೆಗೆದಿದ್ದಾರೆ. ನಂತರ ಎದ್ದು ಹೋಗುವಾಗ ಬಿಲ್​ ಕೊಟ್ಟು ಹೋಗಿ ಎಂದಿದ್ದಕ್ಕೆ ಮಾಲಿಕರ ಸಹೋದರ ಶರಣು ಕಪನೂರ್​ಗೆ ಪಿಸ್ತೂಲ್​ ಮಾದರಿಯ ವಸ್ತು ತೋರಿಸಿ, ಅವಾಚ್ಯವಾಗಿ ಬೈದು ಬೆದರಿಕೆ ಒಡ್ಡಿ, ಕೊಲೆಗೆ ಯತ್ನಿಸಿದ್ದ ಬಗ್ಗೆ ಅಶೋಕ ನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಎಸಿಪಿ ಶರಣಪ್ಪ ಸುಬೇದಾರ, ಪಿಐ ಸತೀಶ ಕಣಮೇಶ್ವರ ನೇತೃತ್ವದಲ್ಲಿ ಸಿಬ್ಬಂದಿ ವೈಜನಾಥ, ಮಲ್ಲಿಕಾರ್ಜುನ, ಶಿವಪ್ರಕಾಶ, ಮುಜಾಹಿದ್​, ನೀಲಕಂಠರಾಯ ಪಾಟೀಲ್​, ಚಂದ್ರಶೇಖರ, ಹರಿಕಿಶೋರ ಅವರ ತಂಡ ಯಶಸ್ವಿ ಕಾರ್ಯಾಚರಣೆ ನಡೆಸಿ, ಆರೋಪಿಗಳನ್ನು ಬಂಧಿಸಿದ್ದಕ್ಕೆ ನಗರ ಪೊಲೀಸ್​ ಆಯುಕ್ತ ಡಾ.ಶರಣಪ್ಪ ಎಸ್​.ಡಿ.ಶ್ಲಾಘಿಸಿದ್ದಾರೆ.