ಗೋದುತಾಯಿ ನಗರದ ಲತಾ ನಾಗೇಶ ಯಾದಗಿರ ಅವರ ಮನೆ ಕಳ್ಳತನವಾಗಿದೆ. ಜೂ.೨೫ರಂದು ಮಧ್ಯಾಹ್ನ ೧೨ ಗಂಟೆಗೆ ಮನೆಗೆ ಬೀಗ ಹಾಕಿ ಗೆಳತಿಯ ಮನೆಗೆ ಹೋಗಿದ್ದರು. ಸಂಜೆ ೪ಕ್ಕೆ ಮರಳಿದಾಗ ಬಾಗಿಲಿನ ಕೊಂಡಿ ಮುರಿದಿರುವುದು ಕಂಡುಬಂದಿದೆ. ಒಳಗೆ ಬಂದು ನೋಡಿದಾಗ ಬೆಡ್ ರೂಮ್ನ ಅಲ್ಮೇರಾ ಹಾಗೂ ಅದರ ಸೇಫ್ಟಿ ಲಾಕರ್ ಮುರಿದು ೮,೨೮,೫೦೦ ರೂ. ಮೌಲ್ಯದ ೫೦ ಗ್ರಾಂ ಚಿನ್ನದ ಮಂಗಳಸೂತ್ರ, ೫೦ ಗ್ರಾಂ ಚಿನ್ನದ ಬಳೆಗಳು, ಚಿನ್ನದ ನೆಕ್ಲೇಸ್ಗಳು, ಚೈನ್, ಉಂಗುರಗಳು, ಕಿವಿಯೋಲೆಗಳು ಹಾಗೂ ಬೆಳ್ಳಿಯ ಆಭರಣಗಳ ಜತೆಗೆ ೯,೫೦೦ ರೂ. ನಗದು ಹಣ ಕಳ್ಳತನ ಮಾಡಲಾಗಿದೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ. ಅಶೋಕ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
