ಬೆಳೆ ವಿಮೆ ಬಾಕಿ ₹225 ಕೋಟಿ ಇಂದೇ ಬಿಡುಗಡೆಗೆ ಸಿಎಂ ಆದೇಶ

ಈ ಹಣವು ಮುಂದಿನ ಒಂದು ವಾರದೊಳಗೆ ನೇರವಾಗಿ ರೈತರ ಖಾತೆಗಳಿಗೆ ಜಮೆಯಾಗಲಿದೆ ಎಂದು ಅವರು ಭರವಸೆ ನೀಡಿದರು. ಒಟ್ಟು ₹585 ಕೋಟಿ ಪರಿಹಾರ ಲೆಕ್ಕಾಚಾರದಲ್ಲಿ ಈಗಾಗಲೇ ₹240 ಕೋಟಿ ನೀಡಲಾಗಿದ್ದು, ಉಳಿದ ಬಾಕಿಯನ್ನೂ ಶೀಘ್ರದಲ್ಲೇ ಬಿಡುಗಡೆ ಮಾಡಲಾಗುವುದು ಎಂದರು. ಬೆಳಗಾವಿ ಪ್ರವಾಸದ ಬಳಿಕ ವರದಿ ಪರಿಶೀಲಿಸಿ ಅಧಿಕೃತ ಬರಗಾಲ ಘೋಷಣೆ ಹಾಗೂ ಕೇಂದ್ರಕ್ಕೆ ವರದಿ ಸಲ್ಲಿಕೆಯ ಬಗ್ಗೆ ತೀರ್ಮಾನ ಕೈಗೊಳ್ಳಲಾಗುವುದು ಎಂದು ಸಿಎಂ ಸ್ಪಷ್ಟಪಡಿಸಿದರು.

ಕೆಕೆಆರ್‌ಡಿಬಿ ಅಡಿಯಲ್ಲಿ 5,000 ಕೋಟಿ ಅನುದಾನ ನೀಡಲಾಗಿದ್ದು, ಈಗಾಗಲೇ ಶೇ. 80 ರಷ್ಟು ಕೆಲಸ ಮುಗಿದಿದೆ. ಕಾಲಮಿತಿಯೊಳಗೆ ಹಣ ಖರ್ಚು ಮಾಡಲು ಅಧಿಕಾರಿಗಳಿಗೆ ಸೂಚಿಸಲಾಗಿದೆ ಎಂದು ಸಿಎಂ ಇದೇ ವೇಳೆ ತಿಳಿಸಿದರು.