ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ: ವಿಜಯವಾಣಿ- ದಿಗ್ವಿಜಯ ನ್ಯೂಸ್ ಆಯೋಜನೆಯ ವಾಕಾಥಾನ್ಗೆ ಚಾಲನೆ

Published on:

08 Mar 2021, 2:20 am

ಹುಬ್ಬಳ್ಳಿ: ಕನ್ನಡದ ನಂ. 1 ದಿನಪತ್ರಿಕೆ ವಿಜಯವಾಣಿ ಹಾಗೂ ರಾಜ್ಯದ ಪ್ರಮುಖ ಸುದ್ದಿವಾಹಿನಿ ದಿಗ್ವಿಜಯ 24*7 ನ್ಯೂಸ್ ವತಿಯಿಂದ ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆ ನಿಮಿತ್ತ ಆಯೋಜಿಸಿರುವ ವರ್ಲ್ಡ್ ಸ್ಕ್ವೇರ್ ವಾಕಥಾನ್ಗೆ ಚಾಲನೆ ನೀಡಲಾಗಿದೆ.

ಧಾರವಾಡ ಎಸಿಪಿ ಅನುಷಾ ಜಿ, ನೈಋತ್ಯ ರೈಲ್ವೆ ಸಾರ್ವಜನಿಕ ಸಂಪರ್ಕಾಧಿಕಾರಿ ಇ. ವಿಜಯಾ ಅವರು ಹುಬ್ಬಳ್ಳಿಯ ಕಿತ್ತೂರು ರಾಣಿ ಚನ್ನಮ್ಮ ವೃತ್ತದಲ್ಲಿ ರಿಬ್ಬನ್ ಕತ್ತರಿಸುವ ಮೂಲಕ ವಾಕ್ಥಾನ್ಗೆ ಚಾಲನೆ ನೀಡಿದರು.

ಇದನ್ನೂ ಓದಿರಿ: ‘ಸ್ಯಾರಿ ವಾಕಥಾನ್’ನಲ್ಲಿ ಮಿಂಚಿದ ವನಿತೆಯರು

ವಿಆರ್ಎಲ್ ಮೀಡಿಯಾ ನಿರ್ದೇಶಕರಾದ ಶ್ರೀಮತಿ ವಾಣಿ ಸಂಕೇಶ್ವರ ಹಾಗೂ ವಿಆರ್ಎಲ್ ಸಮೂಹ ಸಂಸ್ಥೆಗಳ ಎಂಡಿ ಆನಂದ ಸಂಕೇಶ್ವರ ಭಾಗಿಯಾಗುವ ಮೂಲಕ ವಾಕಥಾನ್ಗೆ ಸಾಥ್ ನೀಡಿದ್ದಾರೆ.

ಮಹಿಳೆಯರ ಸಮಾನತೆಗಾಗಿ ನಡಿಗೆ ಎಂಬ ಘೋಷಣೆಯಡಿ ಇಂದು ಬೆಳಗ್ಗೆ 6.30ಕ್ಕೆ ಚನ್ನಮ್ಮ ವೃತ್ತದಿಂದ ಆರಂಭವಾಗಿರುವ ವಾಕ್ಥಾನ್ ದೇಸಾಯಿ ಸರ್ಕಲ್ ಮೂಲಕ ದೇಶಪಾಂಡೆ ನಗರದ ಸವಾಯಿ ಗಂಧರ್ವ ಕಲಾಮಂದಿರದವರೆಗೂ ಸಾಗಲಿದೆ. ವಾಕಥಾನ್ ಉದ್ದಕ್ಕೂ ಹುಬ್ಬಳ್ಳಿಯ ಸುಳ್ಳ ಗ್ರಾಮದ ಕರಿಯಮ್ಮನದೇವಿ ಡೊಳ್ಳಿನ ಮೇಳ ಮೆರಗು ನೀಡಿದೆ.