ಸ್ವಯಂ ಪ್ರೇರಿತರಾಗಿ ಜಲಮಿತ್ರರಾಗಲು ಕಳೆದ 30 ದಿನಗಳಲ್ಲಿ ಸುಮಾರು 9 ಸಾವಿರ ಜನರು ಮುಂದಾಗಿದ್ದಾರೆ. ನೀರಿನ ಉಳಿತಾಯ ಹಾಗೂ ಸದ್ಬಳಕೆಗೆ ಕೈಜೊಡಿಸಿರುವ ನಾಗರೀಕರನ್ನು ಅಭಿವೃದ್ದಿಯ ಕಾರ್ಯದಲ್ಲಿ ಬಳಸಿಕೊಳ್ಳಲಾಗುವುದು. ದೂರದ ಕಾವೇರಿಯಿಂದ ನಗರಕ್ಕೆ ಸರಬರಾಜಾಗುವ ನೀರಿನ ಸದ್ಬಳಕೆ ಮುಖ್ಯ. ಪೋಲಾಗುವ ಪ್ರತಿ 1,000 ಲೀ. ನೀರಿನಿಂದ ಜಲಮಂಡಳಿಗೆ ಸುಮಾರು 50 ರೂ. ನಷ್ಟವಾಗುತ್ತದೆ. ಇದಲ್ಲದೇ ಪೋಲಾಗುವ ನೀರನ್ನು ಮತ್ತೆ ಸಂಸ್ಕರಣೆ ಮಾಡುಲು ರ್ಖಚಾಗುತ್ತಿದೆ. ಇದನ್ನು ತಪ್ಪಿಸುವ ನಿಟ್ಟಿನಲ್ಲಿ ನಗರದಲ್ಲಿ ನೀರು ಉಳಿತಾಯ, ಸಂಸ್ಕರಿಸಿದ ನೀರಿನ ಬಳಕೆ, ಗ್ರೀನ್ ಸ್ಟಾರ್ ಚಾಲೆಂಜ್ ಪ್ರಾರಂಭಿಸಲಾಗಿದೆ. ಈ ಬಗ್ಗೆ ಜಲಮಿತ್ರರು ಜಾಗೃತಿ ಮೂಡಿಸಬೇಕಿದೆ.
