ಬೆಂಗಳೂರು: ಈಗ ಮೊಬೈಲ್ಫೋನ್ ಅಂದರೆ ಅದು ಬರೀ ಸಂಪರ್ಕ-ಸಂವಹನ ಸಾಧನವಲ್ಲ, ಅದೊಂಥ ದಾಖಲೆಗಳ ಆಗರ, ಬ್ಯಾಂಕಿಂಗ್ ಕೇಂದ್ರ ಎಂದರೂ ತಪ್ಪೇನಲ್ಲ. ಏಕೆಂದರೆ ಡಿಜಿಲಾಕರ್ ಮುಂತಾದ ಮೂಲಕ ದಾಖಲೆಗಳನ್ನೆಲ್ಲ ಇರಿಸಿಕೊಂಡಿರುತ್ತೇವೆ. ಮಾತ್ರವಲ್ಲ, ಬ್ಯಾಂಕಿಂಗ್ ವಹಿವಾಟು ಕೂಡ ಅದರಲ್ಲೇ ನಡೆಯುತ್ತಿರುತ್ತದೆ. ಹೀಗಿರುವಾಗ ಮೊಬೈಲ್ಫೋನ್ ಕಳೆದುಹೋದರೆ ದೊಡ್ಡ ಸಮಸ್ಯೆಯೇ ಎದುರಾಗಿಬಿಡುತ್ತದೆ. ಅದರಲ್ಲೂ ಈಗೀಗ ಮೊಬೈಲ್ಫೋನ್ ಕಳೆದುಹೋದರೆ ಸಿಗುವುದೇ ಕಷ್ಟ ಎಂಬ ಪರಿಸ್ಥಿತಿ. ಆದರೆ ಮೊಬೈಲ್ಫೋನ್ ಕಳೆದುಹೋದ ತಕ್ಷಣ ಒಂದು ಕ್ರಮವನ್ನು ಅನುಸರಿಸಿದರೆ ಫೋನ್ ಸಿಗುವ ಸಾಧ್ಯತೆ ಹೆಚ್ಚು. ಮಾತ್ರವಲ್ಲ, ಕಳೆದುಹೋದ ಫೋನ್ ಕೊರಿಯರ್ನಲ್ಲಿ ಪೊಲೀಸ್ ಠಾಣೆಗೇ ಬಂದು ಬಿಡುತ್ತದೆ.
