300 ಅಡ್ವಾನ್ಸ್ಡ್ ಲೈಟ್​ ಹೆಲಿಕಾಪ್ಟರ್ ಉತ್ಪಾದನೆ: ಎಚ್​ಎಎಲ್ ಸಾಧನೆ

ಬೆಂಗಳೂರು: ಹಿಂದುಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ (ಎಚ್​ಎಎಲ್​) ಮಂಗಳವಾರ 300ನೇ ಅಡ್ವಾನ್ಸ್ಡ್ ಲೈಟ್ ಹೆಲಿಕಾಪ್ಟರ್ ಧ್ರುವವನ್ನು ಉತ್ಪಾದಿಸಿದೆ. ಇದು ಸಂಸ್ಥೆಯ ಇತಿಹಾಸದಲ್ಲಿ ಒಂದು ಮೈಲಿಗಲ್ಲು. ಈ ಸಂದರ್ಭವನ್ನು ಎಚ್​ಎಎಲ್ ವಿಭಿನ್ನವಾಗಿ ಆಚರಿಸಿ ಸಂಭ್ರಮಿಸಿಕೊಂಡಿದೆ.

ಸರಳ ಸಮಾರಂಭದಲ್ಲಿ ಎಚ್​ಎಎಲ್​ ಹೆಲಿಕಾಪ್ಟರ್ ಡಿವಿಷನ್​ನ ಡೈರೆಕ್ಟರೇಟ್​ ಜನರಲ್ ಆಫ್ ಏರೋನಾಟಿಕಲ್ ಕ್ವಾಲಿಟಿ ಅಶ್ಶೂರೆನ್ಸ್​ನ ದಕ್ಷಿಣ ವಲಯದ ಹೆಚ್ಚುವರಿ ಮಹಾನಿರ್ದೇಶಕ ವೈ.ಕೆ.ಶರ್ಮಾ ಅವರು 300ನೇ ಹೆಲಿಕಾಪ್ಟರ್​ನ ರೋಲ್ ಔಟ್ ಸರ್ಟಿಫಿಕೇಟ್ ಅನ್ನು ಹೆಲಿಕಾಪ್ಟರ್ ಕಾಂಪ್ಲೆಕ್ಸ್​ನ ಸಿಇಒ ಜಿವಿಎಸ್​ ಭಾಸ್ಕರ್ ಅವರಿಗೆ ಹಸ್ತಾಂತರಿಸಿದರು.

ಇದನ್ನೂ ಓದಿ: ಅಜಿತ್​ ಬರದಿದ್ದರೆ ಏನಾಯ್ತು? ಕಾಲೆಳೆದವರಿಗೆ ಚರಣ್​ ಪ್ರಶ್ನೆ

ಈ ಸಂದರ್ಭದಲ್ಲಿ ಮಾತನಾಡಿದ ಸಂಸ್ಥೆಯ ಸಿಎಂಡಿ ಆರ್. ಮಾಧವನ್​, ಮೊಟ್ಟ ಮೊದಲ ಬಾರಿಗೆ 1992ರ ಆಗಸ್ಟ್ 30ರಂದು ಎಎಲ್​ಎಚ್​ ಧ್ರುವದ ಪ್ರೊಟೋ ಟೈಪ್​ ಅನಾವರಣಗೊಳಿಸಿದಲ್ಲಿಂದ ಹಿಡಿದು ಇಲ್ಲಿಯ ತನಕ ಬೆಳವಣಿಗೆ ಒಂದು ಸಾಧನೆ. ಸರಿಸಾಟಿ ಇಲ್ಲದ ಕಾರ್ಯಕ್ಷಮತೆ ಹೊಂದಿರುವ ಈ ವಿಶ್ವದರ್ಜೆಯ ಹೆಲಿಕಾಪ್ಟರ್ ಸಂಸ್ಥೆಯ ಹೆಗ್ಗುರುತಾಗಿ ಮೂಡಿದೆ. ಎಎಲ್​ಎಚ್​ ಮಾರ್ಕ್​ I ರಿಂದ ಹಿಡಿದು ಮಾರ್ಕ್ IV ರ ತನಕದ ಬೆಳವಣಿಗೆಯೇ ಒಂದು ಸಾಧನೆ. ಹೆಲಿಕಾಪ್ಟರ್ ನಿರ್ಮಾಣದಲ್ಲಿ ಸ್ವದೇಶಿ ವಿನ್ಯಾಸ ಮತ್ತು ಅಭಿವೃದ್ಧಿಗೆ ಸಿಕ್ಕ ಉತ್ತೇಜನವೂ ಹೌದು ಎಂದು ಹೇಳಿದರು.

ಇದನ್ನೂ ಓದಿ: ಕಂಗನಾ ಬೆಂಬಲಿಸಿದ್ದಕ್ಕೆ ಅಕ್ಕಪಕ್ಕದ ಮನೆ ಮಂದಿಗೂ ನೋಟಿಸ್​; ಮನೆ ನೆಲಸಮ ಉಲ್ಲೇಖ!

ಎಎಲ್​ಎಚ್​ 2.8 ಲಕ್ಷ ಗಂಟೆಗೂ ಹೆಚ್ಚು ಕಾಲ ಹಾರಾಟ ನಡೆಸಿದ ಸಾಧನೆ ಮಾಡಿದ್ದು, ಯಾವುದೇ ಸ್ಥಳ, ಯಾವುದೇ ಸಮಯ, ಸಂದರ್ಭದಲ್ಲಿ ಬಹುಪಾತ್ರಗಳನ್ನು ನಿಭಾಯಿಸಬಲ್ಲ ಹೆಲಿಕಾಪ್ಟರ್ ಆಗಿ ಈಗಾಗಲೇ ಸಾಬೀತು ಮಾಡಿದೆ ಎಂದು ಭಾಸ್ಕರ್ ಹೇಳಿದ್ರು. (ಏಜೆನ್ಸೀಸ್)

https://www.vijayavani.net/can-ayurvedic-medicines-cure-covid-19/