ಮಹಾ ವಂಚಕ ಯುವರಾಜ್​ನ ಮತ್ತೊಂದು ಮುಖ ಬಟಾ ಬಯಲು: 2003ರಲ್ಲೇ ನಡೆದಿತ್ತು ಭಾರಿ ವಂಚನೆ!

ಬೆಂಗಳೂರು: ಪೊಲೀಸರ ಬಂಧಿಯಾಗಿರುವ ವಂಚಕರಲ್ಲೇ ಮಹಾ ವಂಚಕ ಯುವರಾಜ್ ಅಲಿಯಾಸ್​ ಸ್ವಾಮಿಯ ಮತ್ತೊಂದು ಮುಖವಾಡ​ ಬಯಲಾಗಿದ್ದು, 2003ರಲ್ಲೇ ಪೊಲೀಸ್​ ಪಟ್ಟಿಯಲ್ಲಿದ್ದ ಪ್ರಮುಖ ವಂಚಕ ಎಂಬುದು ತಿಳಿದುಬಂದಿದೆ.

ಸೆವಾಲಾಲ್ ಸಂಗಮಬಸವ ಸ್ವಾಮಿಯಾಗಿ ಎಸ್ಕೇಪ್ ಆದ ಬಳಿಕ ಯುವರಾಜ್ ಆಗಿ ಪ್ರತ್ಯಕ್ಷನಾದವನ ಕಥೆಯಿದು. ಆರಂಭದಲ್ಲಿ ಉಪ್ಪಾರಪೇಟೆ ಪೊಲೀಸರ ಕೈಯಿಂದ ಎಸ್ಕೇಪ್ ಆಗಿ ಇದೀಗ ಸಿಸಿಬಿ ಪೊಲೀಸರ ಕೈಯಲ್ಲಿ ಯುವರಾಜ್​ ಸಿಕ್ಕಿಬಿದ್ದಿದ್ದಾನೆ.

ಇದನ್ನೂ ಓದಿರಿ: ಪತ್ನಿಗೊಂದು, ಆಕೆಗೊಂದು ಮನೆ: ಹೆಂಡ್ತಿ ಕೈಲೇ ರೆಡ್​ಹ್ಯಾಂಡ್​ ಆಗಿ ಸಿಕ್ಕಿಬಿದ್ದ ಕೊಪ್ಪಳದ ಇಂಜಿನಿಯರ್​!

2003ರಲ್ಲೇ ಯುವರಾಜ್ ಕೈಗೆ ಕೋಳ ಬಿದ್ದಿತ್ತು. ಮೆಡಿಕಲ್ ಸೀಟ್ ಕೊಡಿಸುವುದಾಗಿ ನಂಬಿಸಿ ಲಕ್ಷ ಲಕ್ಷ ರೂಪಾಯಿ ವಂಚನೆ ಮಾಡಿದ ಆರೋಪದಲ್ಲಿ ಬಂಧಿಯಾಗಿದ್ದ. ಉತ್ತರ ಪ್ರದೇಶ, ಆಂಧ್ರ ಪ್ರದೇಶ ಹಾಗೂ ರಾಜಸ್ಥಾನ ಮೂಲದ ವಿದ್ಯಾರ್ಥಿಗಳಿಗೆ ಡೆಂಟಲ್ ಸೀಟ್ ಕೊಡಿಸುವುದಾಗಿ ಮಕ್ಮಲ್ ಟೋಪಿ ಹಾಕಿದ್ದ.

ಈ ಕುರಿತು 2003ರಲ್ಲಿ ಉಪ್ಪಾರಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಪ್ರಕರಣ ಸಂಬಂಧ 6 ತಿಂಗಳು ಸೆರೆವಾಸ ಸಹ ಅನುಭವಿಸಿದ್ದ. ಆ ಬಳಿಕ ಜಾಮೀನಿನ ಮೇಲೆ ಆಚೆ ಬಂದಿದ್ದ. ನಾಲ್ಕೈದು ವರ್ಷ ಪೊಲೀಸರ ಕಣ್ಣಿಗೆ ಮಣ್ಣೆರೆಚಿ ಜೀವನ ನಡೆಸುತ್ತಿದ್ದ.

ಇದನ್ನೂ ಓದಿ: ಕಾಮುಕ ಸೋದರಸಂಬಂಧಿಯನ್ನು ಕೊಂದ ಯುವತಿಯನ್ನು ಬಂಧಿಸದೇ ಬಿಟ್ಟು ಕಳುಹಿಸಿದ ಪೊಲೀಸ್​ ಅಧಿಕಾರಿ!

ಇದರ ನಡುವೆ ಯುವರಾಜ್ ಹೆಸರಲ್ಲಿ ಪ್ರಭಾವಿಗಳಿಗೆ ವಂಚಿಸುವುದನ್ನೇ ವೃತ್ತಿಯಾಗಿಸಿಕೊಂಡಿದ್ದ. ಇದೀಗ ಸಿಸಿಬಿ ಕೈಗೆ ಸಿಕ್ಕಿಬಿದ್ದಿರುವ ಯುವರಾಜ್​ಗೆ ಮತ್ತೊಂದು ಕಂಟಕ ಶುರುವಾಗಿದೆ. ಸಿಸಿಬಿ ಪೊಲೀಸರ ಬಳಿಕ ಉಪ್ಪಾರಪೇಟೆ ಪೊಲೀಸರು ಯುವರಾಜ್​ನನ್ನು ವಶಕ್ಕೆ ಪಡೆಯಲು ಸಿದ್ದರಾಗಿದ್ದಾರೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/pulse-polio-program-on-17th-january-2021/

https://www.vijayavani.net/he-wanted-to-marry-me-ahaana-krishna-reveals-about-trespassing-incident-at-home/

https://www.vijayavani.net/s-punishing-someone-for-falling-in-love-is-serious-crime-sc/