ಶಾಸಕರನ್ನೇ ವೇಶ್ಯೆ ಎಂದ ಮುಖಂಡರು; ಬೆಂಬಲಿಗರ ನಡುವೆ ಗಲಾಟೆ

ಚಾಮರಾಜನಗರ: ಶಾಸಕರೊಬ್ಬರನ್ನು ಪಕ್ಷದ ಮುಖಂಡರು ವೇಶ್ಯೆ ಎಂದಿದ್ದಕ್ಕೆ ಬೆಂಬಲಿಗರ ಮಧ್ಯೆ ಭಾರಿ ಹೊಡೆದಾಟ ನಡೆದಿದ್ದು, ಇಬ್ಬರಿಗೆ ಗಾಯವಾಗಿ ಒಬ್ಬ ಆಸ್ಪತ್ರೆಗೂ ದಾಖಲಾಗಿದ್ದಾನೆ. ಪ್ರಕರಣ ಇದೀಗ ಪೊಲೀಸ್​ ಠಾಣೆ ಮೆಟ್ಟಿಲನ್ನೂ ಏರಿದೆ.

ಚಾಮರಾಜನಗರದ ಕೊಳ್ಳೇಗಾಲದಲ್ಲಿ ಇಂಥದ್ದೊಂದು ಪ್ರಕರಣ ವರದಿಯಾಗಿದೆ. ಬಹುಜನ ಸಮಾಜವಾದಿ ಪಕ್ಷ (ಬಿಎಸ್​ಪಿ)ದಿಂದ ಉಚ್ಚಾಟಿತಗೊಂಡಿರುವ ಶಾಸಕ ಎನ್​.ಮಹೇಶ್​ ಅವರನ್ನು ಬಿಎಸ್​ಪಿ ಮುಖಂಡರು ವೇಶ್ಯೆ ಎಂದು ಕರೆದ ಹಿನ್ನೆಲೆಯಲ್ಲಿ ಈ ಗಲಾಟೆ ನಡೆದಿದೆ.

ಬಿಜೆಪಿ ಸರ್ಕಾರ ಅಸ್ತಿತ್ವಕ್ಕೆ ಬರಲು ಎನ್.ಮಹೇಶ್ ಸಹಕಾರವೂ ಇತ್ತು ಎಂದು ನಿನ್ನೆ ಬಿಜೆಪಿ ರಾಜ್ಯ ಉಪಾದ್ಯಕ್ಷ ಬಿ.ವೈ.ವಿಜಯೇಂದ್ರ ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಸುದ್ದಿಗೋಷ್ಠಿ ಕರೆದ ಬಿಎಸ್​ಪಿ ಮುಖಂಡರು ಶಾಸಕ ಎನ್​.ಮಹೇಶ್​ ಅವರನ್ನು ವೇಶ್ಯೆ ಎಂದೆಲ್ಲ ಕರೆದು ಟೀಕಿಸಿದ್ದರು.

ಇದರಿಂದ ಸಿಟ್ಟಾದ ಮಹೇಶ್ ಬೆಂಬಲಿಗರು ಬಿಎಸ್​ಪಿ ಕಾರ್ಯಕರ್ತರ ಮೇಲೆ ಹಲ್ಲೆ ನಡೆಸಿದ್ದರು. ಈ ವೇಳೆ ಬಿಎಸ್​ಪಿ ಕಾರ್ಯಕರ್ತ ಹನಮಂತು ಎಂಬಾತ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಮಾತ್ರವಲ್ಲ ಅವರು ಪೊಲೀಸರಿಗೆ ದೂರು ನೀಡಿದ್ದಾರೆ. ಜತೆಗೆ ಮಹೇಶ್ ಬೆಂಬಲಿಗರಾದ ನಗರಸಭಾ ಸದಸ್ಯ ನಾಸೀರ್ ಷರೀಫ್, ಜಕಾವುಲ್ಲಾ ವಿರುದ್ದ ಹಲ್ಲೆ ಜಾತಿನಿಂದನೆ ದೂರು ದಾಖಲು ಕೂಡ ದಾಖಲಾಗಿದೆ.

https://www.vijayavani.net/pressure-by-mlcs-to-reopen-schools/

https://www.vijayavani.net/two-officers-including-retired-one-is-trapped-by-acb/

https://www.vijayavani.net/no-occassional-license-this-time/