ಬೆಳಗ್ಗೆ ಪೂಜೆ, ಸೀಮೋಲ್ಲಂಘನ, ಭಜನೆ 60 ದಿವಸಗಳ ಅಖಂಡ ಭಜನಾ ಸಂಕೀರ್ತನೆ ಸಮಾರೋಪ ನಡೆಯಿತು. ಬೆಳ್ತಂಗಡಿ ಕನ್ಯಾಡಿ ಶ್ರೀರಾಮ ಕ್ಷೇತ್ರದ ಸದ್ಗುರುಶ್ರೀ ಬ್ರಹ್ಮಾನಂದ ಸರಸ್ವತೀ ಸ್ವಾಮೀಜಿ ಭಜನಾ ಸಂಕೀರ್ತನ ಸಮಾರೋಪ ಸಮಾರಂಭದಲ್ಲಿ ಆಶೀರ್ವಚನ ನೀಡಿ, ಗುರುಗಳ ಆಶೀರ್ವಾದ ಲಭಿಸಬೇಕಾದರೆ ಶುದ್ಧ ಮನಸ್ಸಿನ ಪೂಜೆ ಅಗತ್ಯ. ಕಲುಷಿತ ಬುದ್ಧಿಯಲ್ಲಿರುವ ಮನುಜರಿಗೆ ಆಶೀರ್ವಚನ ಎಂದಿಗೂ ಫಲಿಸದು. ಬದುಕಿನಲ್ಲಿ ಜ್ಞಾನಿಗಳಾದಾಗ ಮಾತ್ರ ಶ್ರೇಷ್ಠ ಜೀವನ ಸಾಗಿಸಲು ಸಾಧ್ಯ. ಧಾರ್ಮಿಕ, ಸಾಂಸ್ಕೃತಿಕ ಜಗತ್ತಿನ ಅನಾವರಣಕ್ಕೆ ಚಾತುರ್ಮಾಸ್ಯ ಕಾರ್ಯಕ್ರಮ ಕಾರಣವಾಗಿದೆ ಎಂದು ತಿಳಿಸಿದರು. ಎಡನೀರು ಶ್ರೀ ಸಚ್ಚಿದಾನಂದ ಭಾರತೀ ಸ್ವಾಮೀಜಿ ಆಶೀರ್ವಚನ ನೀಡಿದರು. ಉಜಿರೆ ಅಶೋಕ್ ಭಟ್ ನಿರೂಪಿಸಿದರು.
