ಎರೆ ಎಂದರೆ ಮಣ್ಣು. ದೊರೆ ಎಂದರೆ ರಾಜ. ಹೀಗಾಗಿ ಇದು ರೈತರ ಮೇಲೆ ಪ್ರಭಾವ ಬೀರುವ ಭವಿಷ್ಯವಾಣಿ ಆಗಿದೆ. ರೈತ ಬೆಳೆದ ಬೆಳೆ ದೊರೆಯಾಗುತ್ತದೆ. ಸಮೃದ್ಧಿಯಾಗಿ ಫಲವನ್ನು ನೀಡುತ್ತದೆ ಎಂದು ವಿಶ್ಲೇಷಣೆ ಮಾಡಬಹುದು. ದೈವ ದೊರೆಯಾದಿತಲೆ ಎಂದರೆ ದೇವರ ಆಶೀರ್ವಾದ ಅಂತಾ, ಕೊರೊನಾ ಮೂರನೇ ಅಲೆ ಬರುವುದಿಲ್ಲ ಎಂದು ಭವಿಷ್ಯವಾಣಿಯ ತಿಳಿದುಕೊಳ್ಳಬಹುದು. ರಾಜಕೀಯವಾಗಿ ಹೇಳುವುದಾದರೆ ಎರೆ ಎಂದರೆ ಕಟ್ಟಕಡೆಯದು ಎಂದು ಅರ್ಥ. ಜನತೆ ಮತ್ತು ದೈವ ಮೆಚ್ಚಿದ ಆಡಳಿತವನ್ನು ಈ ಸರ್ಕಾರ ನೀಡುತ್ತದೆ ಎಂದುಭವಿಷ್ಯವಾಣಿಯನ್ನು ವಿಶ್ಲೇಷಣೆ ಮಾಡಬಹುದು ಎಂದು ದೇವಸ್ಥಾನದ ಪ್ರಧಾನ ಅರ್ಚಕರಾದ ಸಂತೋಷ ಭಟ್ ಗೂರೂಜಿ ಹೇಳಿದರು. ಈ ಮೂಲಕ ಸಿಎಂ ಬೊಮ್ಮಾಯಿ ಸರ್ಕಾರ ಉತ್ತಮ ಆಡಳಿತ ನೀಡುತ್ತದೆ ಎಂದು ಪರೋಕ್ಷವಾಗಿ ತಿಳಿಸಿದರು.
