ಈ ಚಿಂತನೆಗೆ ಮೊದಲು ಮುನ್ನುಡಿ ಇಟ್ಟವರು ಸಂಸದ ಡಿ.ಕೆ. ಸುರೇಶ್. ಆನೇಕಲ್, ಕನಕಪುರ, ಅರಸೀಕೆರೆ, ಮದ್ದೂರು, ನಾಗಮಂಗಲ, ಪಾವಗಡ ಸೇರಿ ಹತ್ತಾರು ಕಡೆ ತೆರಳಿ ತರಕಾರಿ ಖರೀದಿಸಿದ್ದಾರೆ. ಈವರೆಗೆ 2 ಸಾವಿರ ಟನ್ ತರಕಾರಿ, ಹಣ್ಣನ್ನು ಅವರು ಖರೀದಿಸಿದ್ದಾರೆ. ಹೆಬ್ಬಾಳ ಶಾಸಕ ಬೈರತಿ ಸುರೇಶ್ 40 ಟನ್ ತರಕಾರಿ ಖರೀದಿ ಮಾಡಿ ನಾಗರಿಕರಿಗೆ ಹಂಚಿದ್ದಾರೆ. ಹಾಸನ ಜಿಲ್ಲಾ ಅಧ್ಯಕ್ಷ ಮಂಜುನಾಥ್ 500 ಟನ್, ದಿನೇಶ್ ಗುಂಡೂರಾವ್ ಪ್ರತಿನಿತ್ಯ 20 ಟನ್ನಂತೆ ಖರೀದಿ ಮುಂದುವರಿಸಿದ್ದಾರೆ. ಯಮಕನಮರಡಿ ಶಾಸಕ ಸತೀಶ್ ಜಾರಕಿಹೊಳಿ, ಕುಣಿಗಲ್ ಶಾಸಕ ಡಾ.ರಂಗನಾಥ್, ಕೆಪಿಸಿಸಿ ಮಹಿಳಾ ಘಟಕದ ಅಧ್ಯಕ್ಷೆ ಪುಷ್ಪಾ ಅಮರನಾಥ್, ಬಳ್ಳಾರಿ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಸಿರಾಜ್ ಶೇಕ್ ಸೇರಿ ಹತ್ತಾರು ನಾಯಕರು ಪಕ್ಷದ ಆದೇಶ ಪಾಲಿಸಿ ಗಮನ ಸೆಳೆಯುವಂತೆ ಖರೀದಿ ಮಾಡಿದ್ದಾರೆ.
