ಆಸೆಗೆ ಬಿದ್ದ ಅಮಿತ್, ಒಪ್ಪಿಕೊಂಡಾಗ ಆರೋಪಿಗಳು ವಾಟ್ಸ್ಆ್ಯಪ್ನಲ್ಲಿ ಲಿಂಕ್ ಕಳುಹಿಸಿ ನೋಂದಣಿ ಮಾಡಿಕೊಳ್ಳುವಂತೆ ಸೂಚಿಸಿದ್ದಾರೆ. ಪಾಲಕರು ಮಗು ಫೋಟೋ, ವಿಡಿಯೋ ಅಪ್ಲೋಡ್ ಮಾಡಿದ್ದರು. ಸ್ವಲ್ಪ ದಿನ ಬಿಟ್ಟು ಅಮಿತ್ಗೆ ಕರೆ ಮಾಡಿದ ಆರೋಪಿಗಳು ನಿಮ್ಮ ಮಗು ಆಯ್ಕೆಯಾಗಿದೆ ಎಂದು ಹೇಳಿ ಮುಂದಿನ ಹಂತಕ್ಕೆ ಹೋಗಲು ಮತ್ತೊಂದು ವಿಡಿಯೋ ಅಪ್ಲೋಡ್ ಮಾಡಿ ನೋಂದಣಿ ಮಾಡಿಕೊಳ್ಳುವಂತೆ ಹೇಳಿದ್ದರು. ಮಗುವಿನ ನೃತ್ಯದ ವಿಡಿಯೋ ಮಾಡಿದ ಅಮಿತ್, ಆರೋಪಿಗಳು ನೀಡಿದ್ದ ಲಿಂಕ್ ಬಳಸಿ ವೆಬ್ಸೈಟ್ ತೆರೆದು ವಿಡಿಯೋ ಅಪ್ಲೋಡ್ ಮಾಡಿದ್ದರು. ಈ ಬಾರಿ ಶುಲ್ಕವೆಂದು 1.34 ಲಕ್ಷ ರೂ. ಪಾವತಿ ಮಾಡಬೇಕೆಂದು ಹಣ ವಸೂಲಿ ಮಾಡಿದ್ದರು. ಇದಾದ ಮೇಲೆ 3ನೇ ಹಂತಕ್ಕೆ ಮಗು ಆಯ್ಕೆಯಾಗಿದೆ. ಈ ಬಾರಿ ಫೋಟೋ ಶೂಟ್, ವಸ್ತ್ರವಿನ್ಯಾಸ ಇನ್ನಿತ್ತರ ವಸ್ತುಗಳನ್ನು ಖರೀದಿ ಮಾಡಬೇಕು. ಅದಕ್ಕಾಗಿ ಹಣ ಪಾವತಿ ಮಾಡಿ ನೋಂದಣಿ ಮಾಡಿಕೊಂಡರೆ ದಿನಾಂಕ ನಿಗದಿ ಮಾಡುವುದಾಗಿ ಹೇಳಿ ಮತ್ತೆ ಲಕ್ಷಾಂತರ ರೂ. ವಸೂಲಿ ಮಾಡಿದ್ದರು. ಇದೇ ರೀತಿ ನಾನಾ ನೆಪವೊಡ್ಡಿ ಒಟ್ಟಾರೆ 16.69 ಲಕ್ಷ ರೂ. ವಸೂಲಿ ಮಾಡಿದ್ದಾರೆ. ಕೊನೆಗೊಂದು ದಿನ ಅಮಿತ್ಗೆ ಅನುಮಾನ ಬಂದು ಆರೋಪಿಗಳ ಕಂಪನಿ ಬಗ್ಗೆ ವಿಚಾರಿಸಿದಾಗ ಇದೊಂದು ವಂಚನೆ ಎಂಬುದು ಗೊತ್ತಾಗಿ ಠಾಣೆಗೆ ಬಂದು ದೂರು ನೀಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
