ಅನಧಿಕೃತ ಜಾಹೀರಾತು ತೆಗೆದು ಹಾಕಿ

ರಾಜ್ಯ ಸರ್ಕಾರ ಆದೇಶ ಮಾಡಿರುವ ಹಿನ್ನೆಲೆ ಚಾಮರಾಜನಗರ ವಿಭಾಗಕ್ಕೆ ಸೇರಿದ ಎಲ್ಲ ಸರ್ಕಾರಿ ಸಾರ್ವಜನಿಕ ಬಸ್‌ಗಳ ಮೇಲೆ ಹಾಕಿರುವ ತಂಬಾಕು ಜಾಹೀರಾತುಗಳನ್ನು ತೆಗೆಸಬೇಕು. ಇದರಿಂದ ದಿನನಿತ್ಯ ಶಾಲಾ, ಕಾಲೇಜುಗಳಿಗೆ ಹೋಗುವ ವಿದ್ಯಾರ್ಥಿಗಳು, ಯುವ ಪೀಳಿಗೆ ಕೆಟ್ಟ ಸಂದೇಶಗಳನ್ನು ನೋಡಿ ದುಶ್ಚಟಗಳಿಗೆ ಬಲಿಯಾಗುತ್ತಿದ್ದಾರೆ. ಇದ್ದರಿಂದ ಸಮಾಜದಲ್ಲಿ ಪ್ರತ್ಯಕ್ಷವಾಗಿ ಹಾಗೂ ಪರೋಕ್ಷವಾಗಿ ಸಾರ್ವಜನಿಕರಿಗೆ ಬಹಳ ತೊಂದರೆಯಾಗಿದೆ. ಆದ್ದರಿಂದ ಈ ವಿಚಾರಗಳನ್ನು ರಾಜ್ಯ ರಸ್ತೆ ಸಾರಿಗೆ ನಿಗಮಕ್ಕೆ ಸಂಬಂಧಿಸಿದ ಅಧಿಕಾರಿಗಳು ಈ ಕೂಡಲೇ ಎಲ್ಲ ಸರ್ಕಾರಿ ಬಸ್ ಮೇಲೆ ಹಾಕಿರುವ ಜಾಹೀರಾತುಗಳನ್ನು ತೆಗೆಯಬೇಕೆಂದು ವಿಜಯ ಕರ್ನಾಟಕ ರಕ್ಷಣಾ ವೇದಿಕೆಯ ಪದಾಧಿಕಾರಿಗಳು ಮನವಿ ಸಲ್ಲಿಸಿದರು.

ಸಂಘಟನೆ ಜಿಲ್ಲಾಧ್ಯಕ್ಷ ಪಿ.ಶಿವಸುಂದರ್, ಜಿಲ್ಲಾ ಸಂಚಾಲಕರು ಮೂರ್ತಿ, ಸಂಘಟನಾ ಕಾರ್ಯದರ್ಶಿ ಅರುಣ್, ಹನೂರು ಘಟಕ ಅಧ್ಯಕ್ಷ ಅಭಿಷೇಕ್, ಗೌರವಾಧ್ಯಕ್ಷ ಸಿ.ಮಹದೇವಸ್ವಾಮಿ, ತಾಲೂಕು ಸಂಚಾಲಕ ಎಲ್.ಪ್ರಭುಸ್ವಾಮಿ, ಸಂಘಟನಾ ಕಾರ್ಯದರ್ಶಿ ಡಿ.ಚೇತನ್, ಸದಸ್ಯರಾದ ವಿನೋದ್ ರಾಜ್, ಆರ್.ಮಹಾದೇಶ್, ಎಂ.ಸಿದ್ದರಾಜು ಇದ್ದರು.