ಅಗ್ನಿ ಅವಘಡ, ಅಡಿಕೆ-ತೆಂಗಿನ ಮರಕ್ಕೆ ಹಾನಿ

ಗ್ರಾಮದ ಹೇಮಲತಾ ಎಂಬುವರಿಗೆ ಸೇರಿದ ಜಮೀನಿನಲ್ಲಿ ಮಧ್ಯಾಹ್ನ ತೆಂಗು ಹಾಗೂ ಅಡಿಕೆ ಮರಗಳಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಕೂಡಲೇ ಅಗ್ನಿಶಾಮಕ ಠಾಣೆಗೆ ಮಾಹಿತಿ ತಿಳಿಸಲಾಯಿತು. ಸ್ಥಳಕ್ಕಾಗಮಿಸಿದ ಸಿಬ್ಬಂದಿ ಕಾರ್ಯಾಚರಣೆ ನಡೆಸಿ 4 ತೆಂಗಿನ ಮರ ಹಾಗೂ 40 ಅಡಿಕೆ ಮರದಲ್ಲಿ ಕಾಣಿಸಿಕೊಂಡಿದ್ದ ಬೆಂಕಿಯನ್ನು ನಂದಿಸಿದರು. ಜಮೀನಿನಲ್ಲಿದ್ದ 30 ಬಾಳೆಗಿಡಗಳಿಗೂ ಬೆಂಕಿಯಿಂದ ಹಾನಿಯಾಗಿದೆ.

ಕಾರ್ಯಾಚರಣೆಯಲ್ಲಿ ಅಗ್ನಿಶಾಮಕ ಠಾಣಾಧಿಕಾರಿ ಮಹೇಶ್, ಸಿಬ್ಬಂದಿ ಲಿಂಗೇಶ್, ಮನೋಹರ್ ಹಾಗೂ ಚಂದ್ರೇಗೌಡ ಇದ್ದರು.