ವೇತನ ಮಂಜೂರು ಮಾಡಲು ಚಾಲಕರು ಮನವಿ

ಕೊಳ್ಳೇಗಾಲ ನಗರಸಭೆಯಲ್ಲಿ ಹೊರಗುತ್ತಿಗೆ ಆಧಾರದಲ್ಲಿ ನಗರಸಭೆಗೆ ಸೇರಿದ ಟ್ರಾೃಕ್ಟರ್, ಕಸ ಸಂಗ್ರಹ ವಾಹನ ಚಲಾಯಿಸುವ 22 ನೌಕರರಿದ್ದು. ಇವರಿಗೆ ಕಳೆದ 4 ತಿಂಗಳಿನಿಂದ ಸಂಬಳವಾಗಿಲ್ಲ. ಈ ಹಿನ್ನೆಲೆಯಲ್ಲಿ ಪೌರಾಯುಕ್ತ ನಟರಾಜು ಅವರನ್ನು ಭೇಟಿ ಮಾಡಿ ವೇತನ ಬಿಡುಗಡೆ ಮಾಡಿಸುವಂತೆ ಮನವಿ ಮಾಡಿದರು.

ಈ ಬಗ್ಗೆ ನಗರಸಭೆ ಪೌರಾಯುಕ್ತ ನಟರಾಜು ಮಾತನಾಡಿ, ನಗರಸಭೆಯಲ್ಲಿ ವಸೂಲಾತಿ ಕುಂಠಿತವಾಗಿರುವುದರಿಂದ ಹೊರಗುತ್ತಿಗೆ ನೌಕರರಿಗೆ ಸಂಬಳ ನೀಡುವ ಹಿಂದೂಸ್ಥಾನ್ ಸೆಕ್ಯೂರಿಟಿ ಸರ್ವಿಸ್‌ಗೆ ನಗರಸಭೆ ಹಣ ನೀಡಲು ವಿಳಂಬವಾಗಿದೆ. ಹಾಗಾಗಿ ಸಮಸ್ಯೆ ಉಂಟಾಗಿದೆ. ಮುಂದೆ ಈ ಸಮಸ್ಯೆ ಬಗೆಹರಿಸಿ ನೌಕರರಿಗೆ ತೊಂದರೆಯಾಗದ ನಿಟ್ಟಿನಲ್ಲಿ ವೇತನ ಆಗುವ ರೀತಿ ಕ್ರಮವಹಿಸಲಾಗುವುದು ಎಂದರು. ಈ ಸಂದರ್ಭದಲ್ಲಿ ನಾಗರಾಜು, ಶಿವಕುಮಾರ್, ಶ್ರೀಧರ್, ನಾಗೇಂದ್ರ ಮತ್ತಿತರಿದ್ದರು.