ಹರಿಪ್ರಸಾದ್ ನಂದಳಿಕೆ ಕಾರ್ಕಳ
ಬಸ್ಗಳ ಸಮಯ ತಿಳಿಯದೇ ತಾಸುಗಟ್ಟಲೆ ಕಾಯುವ ಬೆಳ್ಮಣ್ ಭಾಗದ ಪ್ರಯಾಣಿಕರ ಕಷ್ಟಕ್ಕೆ ಕೊನೆಗೂ ಮುಕ್ತಿ ಸಿಕ್ಕಿದ್ದು, ಬೆಳ್ಮಣ್ ಬಸ್ನಿಲ್ದಾಣದಲ್ಲಿ ಅಳವಡಿಸಿರುವ ಡಿಜಿಟಲ್ ಕ್ಯೂಆರ್ ಕೋಡ್ ಮೂಲಕ ಸ್ವತಃ ಪ್ರಯಾಣಿಕರೇ ಬಸ್ಗಳ ವೇಳಾಪಟ್ಟಿ ಹಾಗೂ ಸಂಚರಿಸುವ ಮಾರ್ಗದ ಕುರಿತು ತಿಳಿದುಕೊಳ್ಳಬಹುದಾಗಿದೆ.
ಬೆಳ್ಮಣ್ ಜೆಸಿಐ ಘಟಕದಿಂದ ಈ ಹೊಸ ಯೋಜನೆ ಅಳವಡಿಸಿಲಾಗಿದ್ದು, ಸ್ಮಾರ್ಟ್ೆನ್ ಬಳಸುವ ಪ್ರಯಾಣಿಕರು ಇಲ್ಲಿ ಅಳವಡಿಸಿರುವ ಕ್ಯೂಆರ್ ಕೋಡ್ ಸ್ಕಾೃನ್ ಮಾಡಿ ಬಸ್ಗಳ ಮಾಹಿತಿ ಪಡೆಯಬಹುದಾಗಿದೆ. ಬಸಗಳ ಮಾಹಿತಿ ಡಿಜಿಟಲೀಕರಣಗೊಂಡಿದ್ದರಿಂದ ನಿಖರ ಮಾಹಿತಿ ಪಡೆಯಲು ಸಾಧ್ಯವಿದೆ. ಬಸ್ಗಳು ಯಾವಾಗ ಬರುತ್ತವೆ ಅಥವಾ ತಾವು ಹೋಗಾಬೇಕಾದ ಬಸ್ ತಪ್ಪಿತೇ ಎಂದು ಪ್ರಯಾಣಿಕರು ಚಿಂತಿಸುವುದು ತಪ್ಪಲಿದೆ.
ಜನರಿಂದ ಮೆಚ್ಚುಗೆ: ಬೆಳ್ಮಣ್ ಜೆಸಿಐ ಘಟಕವು 46 ವರ್ಷಗಳಿಂದ ಬೆಳ್ಮಣ್ ಪರಿಸರದಲ್ಲಿ ಜನರಿಗೆ ಪೂರಕ ಕಾರ್ಯಗಳನ್ನು ಮಾಡುತ್ತಾ ಬಂದಿದ್ದು, ಈ ಸಾಲಿಗೆ ಬಸ್ನಿಲ್ದಾಣಗಳ ಕ್ಯೂಆರ್ ಕೋಡ್ ಅಳವಡಿಕೆಯೂ ಸೇರ್ಪಡೆಯಾಗಿದೆ. ಸಾರ್ವಜನಿಕರು ಬೆಳ್ಮಣ್ ಜೆಸಿಐ ಘಟಕದ ಪ್ರಯಾಣಿಕರ ಸ್ನೇಹಿಯಾಗಿರುವ ಈ ವಿನೂತನ, ಆಧುನಿಕ ವ್ಯವಸ್ಥೆಯನ್ನು ಶ್ಲಾಸಿದ್ದಾರೆ.
