ಕಾಡುಕೋಣ ಹಾವಳಿಗೆ ರೈತ ಕಂಗಾಲು: ಕೃಷಿಕರಿಗೆ ಸಂಕಷ್ಟ ; ಬೆಳೆಗಳ ರಕ್ಷಣೆಗೆ ಅಧಿಕಾರಿಗಳಿಗೆ ಮನವಿ

ಕೊಕ್ಕರ್ಣೆ: ನಾಲ್ಕೂರು ಗ್ರಾಮದ ಮಾರಾಳಿ ಕಾಡ್ತಿ ಹಾಂಡ, ಕೃಷ್ಣ, ಗುಲಾಬಿ, ರತ್ನಾ, ಪಾರ್ವತಿ, ರುಕ್ಮಿಣಿ, ಸೀತಾ, ಚಂದ್ರಶೇಖರ, ಪುರುಷ, ರಾಮ, ಅಂಬ್ರು ಅವರ ಗದ್ದೆಗೆ ನಾಟಿ ಮಾಡಲು ಸಿದ್ಧವಾಗಿದ್ದ ನೇಜಿಗಳನ್ನು ಗುರುವಾರ ಕಾಡುಕೋಣಗಳು ನಾಶ ಮಾಡಿವೆ. ಇನ್ನೇನು ಎರಡು ದಿನಗಳಲ್ಲಿ 50 ಎಕರೆ ಪ್ರದೇಶದಲ್ಲಿ ನಾಟಿ ಮಾಡಲು ತಯಾರಾಗಿದ್ದರು. ಕಾಡುಕೋಣಗಳ ದಾಳಿ ನಾಶ ಮಾಡಿರುವುದರಿಂದ ರೈತರು ಕಂಗೆಟ್ಟಿದ್ದಾರೆ.

ಪ್ರತಿ ವರ್ಷವೂ ಈ ಭಾಗಗಳಲ್ಲಿ ಫಸಲನ್ನು ನಾಶ ಮಾಡುತ್ತಿವೆ. ಸರ್ಕಾರದ ಪರಿಹಾರ ಸಿಗುವುದು ಎಳ್ಳಷ್ಟು ಮಾತ್ರ. ರೈತರು ತಮ್ಮ ಆಕ್ರೋಶ ಹೊರಹಾಕಿದ್ದು, ತಮ್ಮ ಜಮೀನಿನ ಸುತ್ತಲೂ ಫ್ಯಾಸ್ನಿಂಗ್ ಬೇಲಿ ಅಥವಾ ಕಂದಕ ನಿರ್ಮಿಸಿ ಬೆಳೆಗಳ ರಕ್ಷಣೆ ಮಾಡಬೇಕು ಎಂದು ರೈತರು ಅಧಿಕಾರಿಗಳಿಗೆ ಈ ಮೂಲಕ ಮನವಿ ಮಾಡಿದ್ದಾರೆ.

https://www.vijayavani.net/lake-filled-with-rain-and-road-submerged

https://www.vijayavani.net/abundant-water-in-mind-lake