ಬೆಂಗಳೂರಿನ ಡಿಕನ್ಸನ್ ರಸ್ತೆಯಲ್ಲಿನ ವೀನಸ್ ಡಿಟೆಕ್ಟಿವ್ ಸರ್ವೀಸ್ ಏಜೆನ್ಸಿಯಲ್ಲಿ ಕೆಲಸ ಮಾಡುತ್ತಿದ್ದ ಆರೋಪಿ ಶಿವಶಂಕರ್ ಸಹೋದ್ಯೋಗಿ ಲಿಖಿತ್ ಮೂಲಕ ರವಿಕುಮಾರ್ ಎಂಬಾತನ ಪರಿಚಯವಾಗುತ್ತಾನೆ. ಕದ್ದ ವಾಹನಗಳನ್ನು ಶಿವಕುಮಾರ್ ಮತ್ತು ಗ್ಯಾರೇಜ್ ಮಾಲೀಕ ಮೋಹನ್ ರಾಜ್ಯದ ವಿವಿಧೆಡೆಯ ಗ್ರಾಹಕರನ್ನು ಸೆಳೆದು, ತಮ್ಮ ಬಳಿ ಲಾಕ್ಡೌನ್ ಟೈಮ್ನಲ್ಲಿ ಫೈನಾನ್ಸ್ ಕಟ್ಟದೆ ಸೀಜ್ ಆಗಿರುವ ಹಲವು ಬೈಕ್ಗಳಿವೆ. ನಿಮಗೆ ಬೇಕಾದರೆ ನಾವು ಬೈಕ್ ಕೊಡಿಸುತ್ತೇವೆ, ಡಾಕ್ಯುಮೆಂಟ್ಸ್ ಕೆಲವು ದಿನಗಳ ನಂತರ ಕೊಡುತ್ತೇವೆ ಎಂದು ನಂಬಿಸಿ ದುಬಾರಿ ಬೈಕ್ಗಳ ಆರ್ಡರ್ ತೆಗೆದುಕೊಂಡು ನಂತರ ಬೈಕ್ ಕದ್ದು ಮಾರುತ್ತಿದ್ದರು. ಹೀಗೆ ಬಂದ ಹಣದಿಂದ ಐಷಾರಾಮಿ ಜೀವನ, ಮೋಜು-ಮಸ್ತಿ ಮಾಡುವ ಅಭ್ಯಾಸ ಹೊಂದಿದ್ದು, ದುಶ್ಚಟಗಳಿಗಾಗಿ ಕಳ್ಳತನವನ್ನೇ ಅವಲಂಬಿಸಿದ್ದರು ಎನ್ನಲಾಗಿದೆ.
