TU ಮತ್ತು UNITAR ವರದಿಯ ಪ್ರಕಾರ, 2022ರಲ್ಲಿ ಉತ್ಪಾದನೆಯಾದ 62 ಮಿಲಿಯನ್ ಟನ್ ಇ-ವೇಸ್ಟ್ ಅನ್ನು 1.55 ಮಿಲಿಯನ್ 40-ಟನ್ ಲಾರಿಗಳಲ್ಲಿ ತುಂಬಿ ಒಂದೇ ಸಾಲಿನಲ್ಲಿ ನಿಲ್ಲಿಸಿದರೆ ಭೂಮಧ್ಯ ರೇಖೆ ಸುತ್ತುವಷ್ಟು ದೂರದ ವಾಹನ ಸರಪಳಿಯನ್ನು ರೂಪಿಸಬಹುದಂತೆ. ಇ-ತ್ಯಾಜ್ಯದಿಂದ 62 ಬಿಲಿಯನ್ ಡಾಲರ್ ಮೌಲ್ಯದ ನೈಸರ್ಗಿಕ ಸಂಪನ್ಮೂಲಗಳು ಕಣ್ಮರೆಯಾಗಿದ್ದು, ಜಗತ್ತಿನ ಸಮುದಾಯಗಳಿಗೆ ಹೆಚ್ಚುವರಿ ಮಾಲಿನ್ಯ ಅಪಾಯವನ್ನುಂಟುಮಾಡಿದೆ. ಇ-ವೇಸ್ಟ್ ಅಂದರೆ ಪ್ಲಗ್ ಅಥವಾ ಬ್ಯಾಟರಿ ಆಧರಿಸಿ ಉಪಯೋಗಿಸುವ ಯಾವುದೇ ಉತ್ಪನ್ನ - ಕಂಪ್ಯೂಟರ್, ಮೊಬೈಲ್ನಿಂದ ಹಿಡಿದು ಮಕ್ಕಳ ಆಟಿಕೆಗಳೂ ಸೇರಿದಂತೆ ಇ- ತ್ಯಾಜ್ಯದಲ್ಲಿ ಸೀಸ (Lead), ಪಾರದ (Mercury), ಕ್ಯಾಡ್ಮಿಯಂ (Cadmium), ಕ್ರೋಮಿಯಂ (Chromium) ಮುಂತಾದ ಅಪಾಯಕಾರಿ ಲೋಹಗಳ ಅಂಶಗಳಿವೆ. ಈ ರಾಸಾಯನಿಕಗಳು ಮಣ್ಣು, ನೀರು, ಗಾಳಿಯೊಂದಿಗೆ ಬೆರೆತಾಗ ಪರಿಸರವನ್ನು ವಿಷಮಯಗೊಳಿಸುತ್ತವೆ. ಮಣ್ಣಿನಲ್ಲಿ ಬೆರೆಯುವ ಈ ಲೋಹಗಳು ಬೆಳೆಯ ಗುಣಮಟ್ಟವದ ಮೇಲೆ ಪ್ರಭಾವ ಬೀರುತ್ತವಷ್ಟೇ ಅಲ್ಲದೆ, ಅಂತಹ ನೆಲದಲ್ಲಿ ಬೆಳೆ- ಹಣ್ಣುಗಳನ್ನು ಸೇವಿಸಿದಾಗ ಮಾನವನ ಮೆದುಳು, ನರಗಳು, ಶ್ವಾಸಕೋಶ, ಕಿಡ್ನಿ ಹಾಗೂ ಹೃದಯದ ಮೇಲೂ ತಮ್ಮ ಪ್ರಭಾವವನ್ನು ಬೀರುತ್ತದೆ ಎನ್ನುವ ಮಾಹಿತಿಯನ್ನು ಎಚ್ಚರಿಕೆಯೊಂದಿಗೆ ನೆನಪಿಟ್ಟುಕೊಳ್ಳಬೇಕು.
