ಜ.28ರಿಂದ ಫೆ.1ರವರೆಗೆ ಸುನಂದಾಜೀ ನೇತೃತ್ವದಲ್ಲಿ ಭಗವದ್ಗೀತಾ ಡಿಕೋಡೆಡ್​ ಚಾಪ್ಟರ್​ 3 ಕಾರ್ಯಕ್ರಮ

ಬೆಂಗಳೂರು: ಇದೇ ಜನವರಿ 28ರಿಂದ ಫೆಬ್ರವರಿ 1ರವರೆಗೆ ಅಂತಾರಾಷ್ಟ್ರೀಯ ಖ್ಯಾತ ತತ್ವಜ್ಞಾನಿ ಎ. ಪಾರ್ಥಸಾರಥಿ ಅವರ ಮಗಳು ಹಾಗೂ ಶಿಷ್ಯೆ ಸುನಂದಾ ಲೀಲಾರಾಮ್ ನೇತೃತ್ವದಲ್ಲಿ 'ಭಗವದ್ಗೀತಾ ಡಿಕೋಡೆಡ್​ ಚಾಪ್ಟರ್​ 3 ದಿ ಯೋಗ ಆಫ್​ ಆಕ್ಸನ್​' ಕಾರ್ಯಕ್ರಮ ನಡೆಯಲಿದೆ.

ಜಯನಗರದ ಎರಡನೇ ಬ್ಲಾಕ್​, ಲಾಲ್​ಬಾಗ್​ ಮೆಟ್ರೋ ನಿಲ್ದಾಣ ಹತ್ತಿರವಿರುವ ಆರ್​ವಿ ಟೀಚರ್ಸ್​ ಕಾಲೇಜಿನಲ್ಲಿ ಸಂಜೆ 6.45 ರಿಂದ ರಾತ್ರಿ 8 ಗಂಟೆಯವರೆಗೆ ಕಾರ್ಯಕ್ರಮ ನಡೆಯಲಿದ್ದು, ಸರ್ವರಿಗೂ ಸ್ವಾಗತ ಕೋರಲಾಗಿದೆ. ಹೆಚ್ಚಿನ ಮಾಹಿತಿಗೆ 9035896665 ಅಥವಾ info@vedantainstutute.org ಸಂಪರ್ಕಿಸಬಹುದು.

ಸುನಂದಾ ಲೀಲಾರಾಮ್ ಅವರನ್ನು ಸುನಾಂದಜೀ ಎಂದು ಕರೆಯಲಾಗುತ್ತದೆ. ಭಗವದ್ಗೀತೆಯು ಕೇವಲ ಒಂದು ಧರ್ಮಕ್ಕೆ ಸೀಮಿತವಾಗಿಲ್ಲ. ಇದೊಂದು ವೈಜ್ಞಾನಿಕ ಮತ್ತು ಸಾರ್ವತ್ರಿಕವಾದ ಗ್ರಂಥವಾಗಿದ್ದು, ಜಗತ್ತಿನಾದ್ಯಂತ ಸಕಲ ವ್ಯಕ್ತಿಗಳಿಗೂ ಇದು ಅನ್ವಯಿಸುತ್ತದೆ ಎಂದು ವೇದಾಂತ ಕಲ್ಚರಲ್ ಫೌಂಡೇಶನ್‌ನ ಹಿರಿಯ ಆಡಳಿತಾಧಿಕಾರಿ ಮತ್ತು ಟ್ರಸ್ಟಿ ಆಗಿರುವ ಸುನಾಂದಾಜೀ ಹೇಳಿದ್ದಾರೆ.

ಭಗವದ್ಗೀತಾ ಗ್ರಂಥ ಸಂಪೂರ್ಣವಾಗಿ ಪ್ರಾಯೋಗಿಕವಾಗಿದೆ. ನೀವು ಯಾವುದೇ ಸವಾಲನ್ನು ಎದುರಿಸಲು ಮತ್ತು ಒತ್ತಡ ಮುಕ್ತ ಸಂತೋಷದ ಜೀವನವನ್ನು ನಡೆಸಲು ಗೀತೆಯಲ್ಲಿರುವ ತತ್ವಗಳನ್ನು ತಮ್ಮ ದೈನಂದಿನ ಜೀವನದಲ್ಲಿ ಅನ್ವಯಿಸಬಹುದು. ಅದೇ ಸಮಯದಲ್ಲಿ ಭಗವದ್ಗೀತೆಯು ವಾಸ್ತವವನ್ನು ಸ್ಥಾಪಿಸುತ್ತದೆ. ಒಬ್ಬ ಮನುಷ್ಯ ಹುಡುಕಲು ಮತ್ತು ತಲುಪಲು ಬಯಸುವ ಸತ್ಯವು ಕೂಡ ಇದೇ ಆಗಿದೆ. ಅದು ನಮ್ಮ ಮೂಲ ಸ್ವಭಾವವೂ ಕೂಡ ಹೌದು.

ಭಗವದ್ಗೀತೆಯು ಮಾನವೀಯತೆಗೆ ಎರಡು ರೀತಿಯಲ್ಲಿ ಸೇವೆ ಸಲ್ಲಿಸುತ್ತದೆ. ಒಬ್ಬರು ಪ್ರಾಪಂಚಿಕ ಜಗತ್ತಿನಲ್ಲಿ ತಮ್ಮ ಜೀವನವನ್ನು ನಡೆಸುತ್ತಾರೆ ಮತ್ತು ಅದೇ ಸಮಯದಲ್ಲಿ, ಮಾನವೀಯತೆಗಾಗಿ ತಿಳಿದಿರುವ ಅತ್ಯುನ್ನತ ಸತ್ಯವನ್ನು ಹುಡುಕುತ್ತಾರೆ ಮತ್ತು ಅದನ್ನು ಕಂಡುಕೊಳ್ಳುತ್ತಾರೆ ಎಂದು ಸುನಂದಾಜಿ ಹೇಳಿದ್ದಾರೆ.

ಸುನಾಂದಾಜಿ ಕುರಿತು

ಸುನಂದಾಜಿ ಅವರು ಅಂತಾರಾಷ್ಟ್ರೀಯ ಖ್ಯಾತ ತತ್ವಜ್ಞಾನಿ ಎ. ಪಾರ್ಥಸಾರಥಿ ಅವರ ಮಗಳು ಹಾಗೂ ಶಿಷ್ಯೆ. ಪಾರ್ಥಸಾರಥಿ ಅವರ ಮಾರ್ಗದರ್ಶನದಲ್ಲಿ, ಸುನಂದಾಜಿ ಮೂರು ದಶಕಗಳಿಂದ ಭಾರತದ ಪ್ರಾಚೀನ ತತ್ವಶಾಸ್ತ್ರವಾದ ವೇದಾಂತವನ್ನು ಅಳವಡಿಸಿಕೊಂಡಿದ್ದಾರೆ. ವೇದಾಂತ ತತ್ತ್ವಶಾಸ್ತ್ರದ ಪ್ರಚಾರಕ್ಕಾಗಿ ತನ್ನ ಜೀವನವನ್ನು ಮುಡಿಪಾಗಿಟ್ಟಿರುವ ಸುನಂದಾಜಿ, ಕಳೆದ ಇಪ್ಪತ್ತು ವರ್ಷಗಳಿಂದ ನಾಲ್ಕು ಖಂಡಗಳ ವಿವಿಧ ಜನರನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ಸಮಕಾಲೀನ ಚಿಂತನೆಯಲ್ಲಿ ಪ್ರಾಚೀನ ಬುದ್ಧಿವಂತಿಕೆಯ ಸ್ಪಷ್ಟ ಮತ್ತು ಶಕ್ತಿಯುತ ಪ್ರಸ್ತುತಿಗಾಗಿ ಪ್ರಪಂಚದಾದ್ಯಂತದ ಅನೇಕ ಪ್ರಮುಖ ವಿಶ್ವವಿದ್ಯಾಲಯಗಳು ಸೇರಿದಂತೆ ಪ್ರತಿಷ್ಠಿತ ಸಂಸ್ಥೆಗಳು ಅವರನ್ನು ಪ್ರಶಂಸಿಸಿವೆ.

ಅಂದಹಾಗೆ ಸುನಂದಾಜಿ ಅವರು ವೇದಾಂತ ಕಲ್ಚರಲ್ ಫೌಂಡೇಶನ್‌ನ ಹಿರಿಯ ಆಡಳಿತಾಧಿಕಾರಿ ಮತ್ತು ಟ್ರಸ್ಟಿಯಾಗಿದ್ದಾರೆ. ಈ ವೇದಾಂತ ಫೌಂಡೇಶನ್​ ಅಧ್ಯಯನ, ಸಂಶೋಧನೆ ಮತ್ತು ಪ್ರಚಾರಕ್ಕೆ ಮೀಸಲಾಗಿರುವ ಚಾರಿಟಬಲ್ ಟ್ರಸ್ಟ್ ಆಗಿದೆ. ಈ ಪ್ರತಿಷ್ಠಾನವು ಮುಂಬೈನಿಂದ 108 ಕಿಮೀ ದೂರದಲ್ಲಿರುವ ಮಲವ್ಲಿ ಹಿಲ್ಸ್‌ನಲ್ಲಿ ವೇದಾಂತ ಅಕಾಡೆಮಿಯನ್ನು ಸ್ಥಾಪಿಸಿದೆ. ಈ ಅಕಾಡೆಮಿ ಪ್ರಪಂಚದಾದ್ಯಂತದ ಯುವಕ-ಯುವತಿಯರಿಗೆ ವೇದಾಂತದ ಜ್ಞಾನವನ್ನು ನೀಡುವ ವಿಶಿಷ್ಟ ಶಿಕ್ಷಣ ಸಂಸ್ಥೆಯಾಗಿದೆ.

https://www.vijayavani.net/rajinikanth-defends-daughter-aishwaryas-dad-is-not-sanghi-comment-she-never-said-that-it-was-a-bad-word

https://www.vijayavani.net/complaint-register-against-congress-young-leader-sandhya-pavitra-nagaraja-in-jayanagar